[لمحه حب]

الســادس ــــزء

صحت العنود من النوم مفزوعه من الحلم اللي شافته والعرق يتصبصب من جبينها وقلبها يدق بسرعة التفت تشوف هيفاء لقتها نايمة ..الحمدالله ماحست فيني،لبست الروب الصوف فوق البيجاما وطلعت من الغرفة راحت وقعدت فوق السطح الوقت كان لساته بدري كانت الساعه 6 الصبح فقعدت تراقب البيوت وتأمل هدوء الشوارع ..ورجعت تفكر في الحلم اللي شافته ياترى ايش يكون تفسيرة لا والغريبة انه تحلمت فيه اهو بالذات ..شوي الا هيفاء جاية وقعدت بجنبها قعدوا الثنتين ساكتين وكل وحده سارحه بافكارها الخاصة..كانت هيفاء تفكر بالسايق وماتدري ليه تحس انه مب غريب عليها..بس هي لو تعرفه كان من المستحيل تنسى وجه..
العنود التفتت عليها:ماقدرتي تنامين؟
هيفاء التفت على العنود اللي كان وجهها اصفر:لا..وانتي؟
العنود نزلت راسها:شفت حلم خلاني اقوم من النوم..
هيفاء:ايش كان الحلم عنه؟
العنود وهي تحس بدقات قلبها تسارع ومحتارة اذا تقول حق هيفاء ةلالأ؟بس هي عمرها ماخبت على هيفاء شي
العنود:تحلمت بفواز..
هيفاء تطالعها بصدمة:فواز..
العنود وهي تهز راسها :ايه لكن الحلم كان يخوف..
هيفاء:كيف يعني يخوف؟
العنود:متحلمه اني قاعده امشي بضباب وامد ايدي عشان اعرف طريقي لكن الضباب كل ماله يزيد وقفت مكاني خايفة الا ايد تمتد لي من الضباب واحد يقولي لا تخافين..مسكت ايده ولما بين الشكل الا هو فواز يطالعني بابتسامه غريبة..
سكتت العنود..
هيفاء وهي معقدة حواجبها:وبعدين...كملي يالعنود؟
العنود وهي تبلع ريقها:انا ضحكت ومشيت معاه شوي الا يوم هدني وخلاني لحالي وانا اركض وراه انادية لكنه اختفى..
تمت هيفاء ساكته ماتعرف تفسير لها الحلم..وبعدين طرا ببالها انه ممكن يكون تحذير علشان العنود تتجنبه..
هيفاء:العنود انتي لازم تتجنبين فواز باي طريقة ممكن يكون ناويلك شر وانتي ماتدرين.
العنود:تظنين كذا؟
هيفاء وهي تهز راسها:ايه..
العنود تنهدت وهي موافقه مع كلام هيفاء المره الجاية اللي تشوف فيها فواز بتسفهله حتى ولو فشلها ولا قط عليها كلام بتحاول تمسك لسانها..
العنود التفتت على هيفاء وهي مستغربه:الا انت وش عندك قايمه من صباح الله خيره..غريبة.
هيفاء وهي تهز كتفها:لا بس قاعده افكر بالسايق اللي مأجره ابوي..
العنود بأستغراب:خالي مأجر سايق؟
هيفاء:ايــه..لا والسيــارة بنتلي بعد..
العنود بابتسامه:والله منت بهين ياخالي بنتلي مرة وحده..بس غريبة انا اخبر انهم قالوا ان السيارة اللي ماجرينها مرسيدس فان..
هيفاء هنا خافت:العنود انتي متأكدة؟
العنود:لا والله بس هذا الكلام اللي سمعته ..بس احسن انه اجر بنتلي عشان نكشخ فيها..
هيفاء ماكانت مع العنود كانت تفكر اذا كان كلام العنود صحيح معناته ان السايق كان صادق وانه مش سايق..ياربي انا ركبت مع رجل غريب الله يافضيحتي ..
العنود لما شافت وجه هيفاء تغيرخافت:هيفاء شفيك..بطنك لساته يعورك؟
هيفاء:هه..يعني شوي بس ابي اسال ابوي عن السيارة ابي اتاكد اذا كانت بنتلي ولا لأ؟
العنود :شفيك كذا مهتمة لهالدرجة بالسيارة..
هيفاء وهي شوي بتصيح:العنوووود اذا كان اللي في بالي صح باموت..
العنود وهي خايفة:هيفاء شفيك تراك خوفتيني؟
هيفاء وهي قايمة بتنزل تحت :بعدين بقولك بس الاول اتاكد..
راقبتها العنود وهي تركض نازلة تحت ..لا البنت شكلها جنت..

*******************

فهد يسمع طق متواصل على باب غرفته فقام حمد وهو معصب علشان يفتح الباب فتح الباب وهو معصب:نـــــــــــــــــعم؟
هيفاء جفلت منه ومن صراخه:آسفه حمد ماكان قصدي ازعجك بس بغيت فهد اخوي؟
حمد وهو يطالعها بنظرة نارية وده يذبحها
هيفاء متخرعه منه :حمد قلتلك آسفه ..والله موقصدي.
حمد صك الباب في وجهها وهي قعدت مصدومة هذي اول مرة تشوف حمد وهو زعلان اتاري العنود ماتنلام اذا خافت منه..
حمد راح لفهد فقام وضربة بالمخده على راسه فهد قام وهو مفزوع من النوم
فهد وهو معصب:صااااحي انت ولا مانت بصاااااااحي؟
حمد وهو مفور:لا صااااحي ماتشوف اختك اللي بغت تكسر الباب بطقها ..ماتخلي الواحد يتهنى بنومه.
فهد وهو مستغرب:هيفاء..وش عندها؟
حمد وهو يتلحف عشان يكمل نومه:وان ايش يعرفني..
فهد قام وطلع حصل اخته قاعده بالصاله وهي سرحانه..عساه بس خير..
فهد:هيـــفاء؟
هيفاء رفعت راسها ولقت حمد واقف يطالعها بأستغراب
هيفاء:فهد بغيت اسألك سؤال وياريت تجاوبني؟
فهد توتر هذي اول مرة يشوف هيفاء بهالجدية:خير هيفاء فيه شي؟
هيفاء:لا مافي شي بس بغيت اسألك عن السيارة اللي مأجرها ابوي؟
فهد:وش فيها؟
هيفاء:ايش السيارة اللي مأجرها أبوي؟
فهد بغيظ: لا يكون مقومتني من النوم بس عشان تسألين هالسؤال؟
هيفاء:فهد بليييييييس جاوب علي؟
فهد:السيارة مرسيدس فان؟
هنا هيفاء انصدمت لما تأكدت انه اللي ركبت معاه واحد غريب ..يعني كان ممكن يحصلها شي ومحد يدري عنها..بس من يكون وايش يسوي قدام باب الشقة..؟
هيفاء رقت للغرفة وحصلت العنود قاعده تشوف الشارع من النافذة وسارحه بعالم ثاني .نادتها هيفاء وماسمعتها راحت وهزتها الا العنود تطالع هيفاء بعيون كلها حزن..استغربت هيفاء نظرات العنود..
هيفاء: العنود شفيك ياعمري عسى ماشر؟
العنود وهي تأوه: مادري ياهيفاء احس بضيقة..احس اني مختنقه وابغى اتنفس..وفوق كل هذا احس بحزن فظيع..
هيفاء بلطف:طيب ليه تحسين كذا؟
العنود وكأنها طفلة صغيرة لاول مرة ماتعرف ايش تسوي:مـــاعرف ياهيفاء..
هيفاء ابتسمت لها وحبت تخفف عليها فحبت تعزمها على قهوتها المفضلة..
هيفاء:طيــــب ايش رايك اني انا عازمتك على قهوة الشكولات بار..
العنود:والله مالي خلق الطلعه اليوم ياهيفاء..
هيفاء وهي تجرها عشان تروح تبدل:يله قومي بتروحين معي غصبن عليك فاهمة..
العنود:طيب امرنا لله.


لما خلصوا البنات راحوا بعد كذا لسلفردج عشان يتغدون ويتسوقون شوية اغراض للجامعه وهم طالعين للطابق الثالث العنود شافت فواز نازل من الطابق الثالث.. فواز التفت وشاف العنود وماقدر يشيل عينه عنها..وهي ماقدرت تشيل عينها منه حست انه في شي يجذبها نحوه بس فواز كسر ه***** لما سفهلها بكل برود..
كمل طريقه لغاية ماغاب عن الانظار والعنود ماقدرت تركز وهي تتسوق وهيفاء تسألها كل شوي والعنود مو معاها بالمره..
طلعوا من المجمع متجهين للشقة مشي ومروا على قهوة جوري ووقفت العنود عندها وهي تطالع اللي داخل من برا هيفاء التفتت عليها:وش عندك وقفتي؟
العنود وبأبتسامة خبث:فيني فضول ابي اعرف ايش داخل؟
هيفاء بس حمد وفهد محذرينا ان احنا ماندخل هالقهوة؟
العنود:طيب وهم ايش يدريهم.
هيفاء بخوف:لا ياختي انتي ادخلي بروحك انا مب داخله.
العنود وهي تجرها:يلا عاد لا تسيرين سخيفه بنطلب قهوة تيك اواي..
هيفاء بعناد:انا مب متحركه من مكاني انتي اللي روحي وطلبي..
العنود استسلمت والتفتت على القهوة ودخلت ولما دخلت تندمت انها دخلت كانت مليانه شباب خليجين ولما شافوها الكل سكت وقعد يطالعها بخبث وبعضهم يضحك ويقمز لرفيقة..العنود كانت مرة خايفة..والله اني حمارة انا ايش اللي خلاني ادخل فقامت كملت طريقها للكاونتر وهي تسحب رجولها سحب من الخوف،ولما وصلت للكاونتر عشان تتطلب الاواحد جا ووقف بجمبها وشوي بيلصق بيها فتحركت بعيد عنه الا واحد ثاني جا ووقف من الصوب الثاني يسد عليها الطريق هنا العنود بجد ارتعبت..
الجرسون:شو بدك تطلبي مدموزيل؟
العنود وبصوت خافت:لا انا خلاص مابي شي..
التفتت تبي تطلع الا واحد واقف بطريقها :وش جاب القمر هنا؟
العنود وهي ترتجف:ممكن لو..سمحت تخليني امر؟
الرجال بابتسامه لئيمة: واذا ماخليتك تمرين؟
الا صوت اجش يتكلم بكل برود:اذا ماخليتها تمر راح تشوف شي بعمرك ماشفته.
التفتت العنود للرجال اللي تكلم وطلع انه فواز .
الرجال التفت على فواز وهو معصب: يعني ايش بتسوي؟
فواز قرب من الرجال بحيث بين طوله وعرضه عند الرجال اللي تراجع وهو رافع ايده..فواز بروحها نظرته تهز الجبل من مكانه التفت عليها وهو يكلمها ببرود: يله خل نطلع..
العنود هزت راسها وطلعت معه ولما اطلعوا هيفاء على طول لمتها من الخوف اللي حست فيه لما شافت الشباب يحوطونها فلما شافت فواز مار ترجته عشان يطلعها من هناك.
العنود لما هدتها هيفاء رفعت عينها لفواز اللي كان معصب:فـــواز.
فواز انتفض والتفت عليها هذي أول مرة يسمعها وهي تنطق باسمه
العنود:مشكور وماقصرت..
فواز مارد عيها بس قعد يناظرها بنظرات غريبة
هيفاء:مشكور ياخوي..
فواز التفت على العنود:ممكن اسألك انتي ايش كنتي تسوين؟
العنود نزلت راسه وهي منحرجة:بس فيني فضول ودخلت..
هيفاء شافت تاكسي جاي فراحت تركض تبي توقفه
فواز بصوت منخفض عشان هيفاء ماتسمعهم:تدرين لو صار لك شي ايش بيصير لي..
العنود رفعت راسها وهي تطالعه بأستغراب،وكان يطالعها بنظرات حنونه ،جات هيفاء ومسكت العنود عشان يروحون للتاكسي العنود التفت قبل ماتركب التاكسي على فواز وقلبها مثل العصفور المحبوس بقفص ويحاول يطلع وحست ان العنود القديمة خلاص راحت وماعاد ترجع..فواز قعد يراقبهم لين ماغابوا..مستغرب من المشاعر اللي يحس فيها حس انه جزء منه راح معها وماراح يرجع الا برجعتها..