النقاااااااب

[ahmed.dodo]

السلام عليكم و رحمه الله و بركاته
انا جيبه النهارده موضوع يمكن مافيش حد اتكلم عنه قبل كده هنا و يمكن كمان يكون مكانه ف المنتدى الاسلامي بس انا قصدت اني اتكلم فيه هنا
موضوع...النقاب
بس قبل مابدا ف الموضوع انا بتكلم عن فئه معينه من المنقبات و ليس كلهم ..لان معظمهم المنقبات بيكونوا متنقبين عن حق و بيكونوا متدينين جداااااااااا و دول انا بقدرهم جدا و بحترمهم ...و ندخل ف الموضوع عشان تفهموا اكتر انا عايزه اقول ايه
كتير اوي بشوف بنات و ستات مره واحده بيتنقبوا و طبعا ده شئ كويس ماقولناش حاجه!!
بس الغريب بقه ف الموضوع انهم بيكونوا متنقبين عشان يقلدوا حد...او عشان الموضه و خصوصا ان المنقبات انتشرواااااااااااااااااااا اوي اليومين دووووول و كلوا عايز يلبس نقاب و عبايه سودا و خلاص
بس اللي انا بستغربله ان البنت او الست من دول مش بتكون مقتنعه بالفكره نفسها ف حتت الدين و بتكون عايزه تعمل ده لمجرد انها عايزه تتنقب و خلاص و تيجي بعد فتره و تقلعه و تندم انها اتنقبت!!!!!!!
طب انتي ليه من الاول تتنقبي مادام مش مقتنعه بيه؟؟؟؟؟؟
حاجه كمان..ليه كل واحده مش بتكون مقتنعه ان النقاب لازم يبقى مكتمل من كل حاجه يعني لو عايزه تتنقبي يبقى يا تتنقبي صح يا بلاااش...و الله العظيم انا بشوف منقبات بيحضروا افراح و يقوموا يسقفوا مع العروسه و هيا منقبهطب ازاااااااااااااااي؟؟؟
و فيه اللي بيكونوا خلاص عدوا سن الستين و يتنقبوا!!!!!! الله؟؟؟ طب انتي كنتي فين قبل كده و لا اكتشفتي ان ظهورك للرجاله حرااام؟؟؟
و فيه اللي بتشتغل و شغلها كله مع رجاله زي مثلا اداريه ف مدرسه او موظفه استقبال او بتشتغل ف مكان عام..و تفضل مستمره ف الشغل..طب منين انتي بتحجبي نفسك عن الناس و خصوصا الرجاله و انتي شغاله معاهم؟؟؟
حاجه اخطر و اخطر بقه الستات و البنات اللي بيلبسوا النقاب لغرض معين ف دماغهم و بيقلعوا اول ما المهمه اللي عايزنها تخلص(زي اللي منه شلبي عملته ف فيلم ويجا)و الناس كلها انتقدت الحته دي ف الفيلم و قالوا ازاي يتخذوا النقاب وسيله للانحراف...مع ان ده فعلا اللي بيحصل

:: انا سؤالي هنا و للكل سواء بنت او ولد::
هو ينفع نقاب الوجه من غير نقاب العقل و الدين؟؟ و عايزه اعرف رئيكوا ايه ف اللي قولته؟؟
اسف للاطاله