الانترنت ..... نعمه ام نقمه؟؟!!

[gollom]

ع فكره الموضوع ده حساس اوى ومحتاج نسمع راى كل حد هنا
والناس اللى هتخش عشان تزود مشاركاتها وتقول مشكور وكدا يا ريت متخشش
وانا هفضل متابع ف الموضوع ده عشان انا محتار فيه بجد وهعلق ع كل كلمه تتقال فيه ان شاء الله

[gollom]

ايه يا معلم التقل ده دا انا بقالى فتره بدور ع موضوع ارد فيه بس مش لاقى موضوع محتاج لمناقشه بجد
وانا عن نفسى هعلق عن كلام فى دماغى فعلا يعنى مش كلام شعارات او تقدر تقول تجربه شخصيه .
ده ردى ع فن ديزل

ليه الصداقه بين الولد والبنت بقت سهله اوى اوى على الانترنت ..
مع اننا فى حياتنا الفعلية ده نادر اوى

ببساطه لان الصداقه غايبه فى البيوت لو كل واحد له اخت بقى صديقها والله ما هتروح تصادق شويه رمم من بره او من ع النت وكله يقولك بنعاملهم زى اخواتنا
ولو قلتله ترضى لاختك ؟؟ يقول لا
طب ليه ؟؟ مفيش حد زىى مش هيثق فى حد اكتر من نفسه
بس بجد لزى الاخوات ولا بتاع مثلا يعنى حاجه بتحصل
لو واحده صاحبتك ف الكليه مش ع النت بقى يعنى المقروض تكون علاقتك بيها اقوى
وسورى فالكلام جت يوم لابسه ضيق شويه او حاجه منها بانت والله هتبص انا متاكد من ده
لانى حصل ادامى كتير يبقى لسه سايبها ويقولك بص ياد لابسه ايه دى تلاقيها لابسه ......
انا شخصيا حصل معايا الموقف ده
وكمان فى واحد صاحبى بيقولى انه كان بيكلم واحده ع النت والمفروض انه بيكلم اخته طبعا هههههه
بس للاسف كان فاتح فى خلفيه صفحه الشات فيلم ........ اكيد مش محتاجه تفسير
طب قولولى ازاى بقى تبقى اخته
وكده برده نقطه غلط عند الولاد كمان ازاى يوفق بين حاجتين فى نفس الوقت
وفى الاخر يقولك بعاملها زى اختى لو اختك لابسه ايه حتى مش هتبصلها
وطبعا مش بعمم فى ناس كتير كويسه

هل عشت قصة حب عنيفة على الانترنت ثم صدمت
مكتشفاً بعد ذلك بانها ليست اكثر من وهم افتراضي ؟

طبعا يبقى عبيط لان الكدب هيكون للصبح لغه العيون مفقوده
وتقولك اصل مامى اشترت مش عارف ايه من فرنسا
بابى بيجيبلى ايه من هولندا
وهى تلاقيها رمه ولا تسوى
وبرده الكلام ع الولاد عشان البنات متزعلش
ببس انا بتكلم عن وجه نظرى كولد

هل انت مدمن المواقع الاجتماعية مثل الفيس بوك و تويتر وغيرها من مواقع على اختلاف تسمياتها ؟؟

فى ناس كتير بتستخدم المواقع دى صح اوى بس احنا اللى دماغنا تعباه يعنى العيب علينا احنا

هل انتى زوجة جعلها الانترنت تنتظر بفارغ الصبر ذهاب زوجها للعمل كي تتفرغ لمواقع الشات ” المواقع الاجتماعية ”

يبقى اختبار الزوج من الاول غلط او اختار صح وبعدين معرفش يتعامل معاها صح او هو كمان كده فهى بالتالى لازمم تعاند
وفى حاجه لازم منسساهاش " الطيبون للطيبات "
يعنى انت لو كنت بتاع بنات هتاخد واحده بتاعت صبيان

اذن السؤال الأن : ماهو الغلط بالنسبه لكم ؟؟

وتتشدقين بانك محافظة جداً ومتدينة جداً وعلاقتك بالانترنت
لاتعدو مكانا للتسلية وقتل الفراغ او تبادل الخبرات مع غيرك
مما هو مثلك حول شئون الاسرة وتربية الاطفال
وتعلم ازالة الشعر من المناطق الحساسة ؟؟

بجد الواحد مبقاش عارف الغلط فين ف الدنيا دى
تلاقيها تعرف الف واحد وتقولك مبعملش حاجه غلط مش عارف هتعترف انها بتعمل غلط امتى
بس اللى يعرف معنى الغلط بقى اللى يقدر يقف ادام كل ده ويقول " لااااا "
وبعدين فى حاجه البنات بتعملها وبتشلنى اوى
تبقى بتعمل الغط ومتاكده انه غلط وتكابر لا وكمان تتكلم ع انها اليت الطاهره العفيفه
وممكن كمان تقولك ف اخر الكلام " لا اله الا الله " وكمان تقولك "انت صليت العشاء ولا لسه "
الكلام ده بعد ساعات من الرغى ومفيش مانع كلام قبيح ف النص
وطبعا عشان محدش يفهمنى غلط مش كله وكمات عشان البنات ميزعلوش
وبقولهم " مزعلوش "
بس بجد ف لبس فى دماغ البنات عن مفهوم الغلط

وف الاخر انا بنادى ع كله انه يشارك برايه يمكن حد يفهم الغطل من الصح بسبب الموضوع ده
وطول ما البعابيع ع النت كله هيبقى تمام ان شاء الله سلامين وحته

[gollom]

اما بالنسبه لردى ع اسلاء القلب الاول بقوله او بقولها انت مالك حزين كده ليه اشلاء قلب يعنى خلاص الاسماء خلصت وقلبك مات ف انهى حادثه . ع العموم خير برده . انا شدنى الاسم ودخلت ع البروفيل وعرفت انك بنت .

-لأن معليهاش رقابة
2-لأن كل ينت وولد بيبرروا لنفسهم ان دي مش حرام ومش عيب
3-لأن كل الاهالي تقريبا الا ناس قليلة اوي ملهمش علاقة وطيدة بالنت

عندك حق والله مفيش رقابه الاب والام همهم يجيبوا فلوس وخلاص لعيالهم
ده برده مقهوم غلط انهم ميكونوش عارفين ان ده غلط وحرام المهم يكونوا عارفين ويبقى من جواهم نفسهم يصلحوا الغلط ويرجعوا الوضع الطبيعى

لأنها بتعيش في الوهم وتتخيل ان ده فارس الاحلام اللي حياخدها على حصانه الأبيض ويطير بيها لسابع سما - وطبعا يرميها من فوق -
وبيتهيألها كمان انها كل ما تلبيله في طلباته - اللي طبعا لا دين ولا اخلاق ولا تربية حتى - يقبلوها كل ما يتمسك بيها اكت

مش عارف انا حاسس كه ان البنات تحت سن 30 سنه بقوا تعبانين فى دماغهم قليل اوى لماتلاقى واحده عندها استعداد تشيل المسؤليه __ وسهل طبعا تلعب بدماغهم اوى وتعيشها الوهم لحد ما تاخد منها اللى انت عاوزه وخلاص تسيبها وتشوف رمه غيرها يا كلب
وع فكره اوعى الناس تفتكر ان زمان مكنش فى ناس وسخه لا والله زمان كان فى ناس اقذر من القذاره
بس نسبه قليله اوى لكن دلوقتى الغالبيه العظمى وسخين ----- وشوفوا " مدينه نصضر " ليله راس السنه وانتوا تعرفوا مين الرمم والكلاب اللى بتكلم عليهم

عملت حساب عليه وبعدين بصراحة احتقرت نفسي جدا اني عملت كده

الاعتراف بالحق فضيله ههههههه اوعى تزعلى " مزعليش "
انا كمان كان فى دماغى وضع تانى للفيس بوك بس لقيته مس تمام مس مناسبنى يعنى مش دماغى
عملت 2 اكونت عليه وف الاخر مش بعمل بيهم حاجه

- هل انتى زوجة جعلها الانترنت تنتظر بفارغ الصبر ذهاب زوجها للعمل كي تتفرغ لمواقع الشات ” المواقع الاجتماعية ”

اولا اللي تعمل كده ميطلقش عليها اصلا لقب زوجة
سواء كانت بتدخل شات او كانت سفيرة علاقات عالفيس بوك او ايا كانت

ومش شرط زوجه حتى لو كانت بنت مينفعش اصلا تعمل كده

الغلط :-
هو الصداقات المحرمة والعلاقات المشينة اللي بيكون اولها دعوة عالميل او حتى رسالة عالفيس بوك
ممكن نتعرف؟
كلنا اكيد جاتلنا الرسالة دي بس يا ترى مين عمل ايه معاها؟
ويا ترى اللي قبلها قبلها علشان ميحرجش الشخص وخلاص ولا قبلها وفي نيته احلام واوهام د يكون سمعها من اصحابه او زمايله

ده نوع من الغلط اللى كلنا بنقع فيه المهم نفوق ومنكملش فيه عشان بجد هنتعب اوى
اصلا الصداقه نفسها ع النت او غيره حرام واللى بدأ بحرام لازم تكون نهايته حرام
واحد من الطرفين هيضعف

البنت مش عيب انها تكون محترمة وملتزمة وتدخل عالنت
بس المهم بتدخل تعمل ايه وتتكلم مع مين وفين وفي ايه؟ 100 سؤال لازم يتجاوبوا قبل ما نحكم عالولد او البنت بانهم ملتزمين او لا

اكيد احنا مش قصدنا ان كل البنات بيقعدوا ع النت يعملوا غلط بس احنا بنقول كلام ناتج من تجارب او احاديث سمعناها من اصحابنا الرمم اللى بيضحكوا ع البنات ---- بس مش معنى كده اننا نمنعهم يقعدوا ع النت
اكيد ف بنات بتحتاج النت فى حاجات مفيده فى دراسه فى شغل او غيره ع حسب

برضه زي ما قلنا عالزوجة
الزوج اللي يعمل كده ميستحقش لقب زوج
عارفين ليه لان الزوج ده المفروض انه بيحمي الاسرة مش بييهدها
وانا اعرف بيوت كان سبب من اسباب انهيارها النت والعلاقات اللي عالنت

بس للحق على فكرة في ستات او زوجات هم اللي بيدوا للراجل فرصة انه يعمل كده باهمالها في نفسها وشكلها وشياكتها ودلعها

ايه الحق ده والكلام التقيل ده ونا بره اعرف بيوت سبب انهيارها النت
والنصايح الجامده للستات دى الشكل والشياكه والدلع بس معلش مش سبب عشان الراجل يسيب بيته ويروح للنت انا مش متجوز واحده عشان دلعها وشياكتها وجمالها والا كنت شوفت واحده زى الست " هيفاء " او "نانسى " كل همى انى اشوفها حلوه وجاهزه ليا ع طول الجواز مش كلام حلو وخروجات ودلع و .....
وبس لا دى حياه ومشاركه روحانيه وفكريه
ولو انتا يا سيدى بتحب مراتك حلوه ع طول اطلب منها كده مش تسيبها وتروح للنت وبناته

لازم يشوف مراته طبعا كده لان البنات اللي بيعرفهم ويكلمهم او حتى اللي بيشوف صورهم مش حيحطوا صورهم وهم في المطبخ ولا بيمسحوا البيت ولا بينضفوه ولا واقفين على ترابيزات المكوة لما ضهرهم اتقطم

لكن يا عيني اللي في البيت دي هو مش بيفكر ان منغيرها لا حياكل اكل حلو ولا حيلبس لبس مكوي ولا شوزة متلمعة ولا اي حاجة من دي ولا حتى حيعيش في مكان نضيف

يا سلام لما الواحد يشوف مراته وهى بتتعب عشان خاطره -- وهى واقفه تعمل اكل كده وريحتها بصل بقى يا سلام احلى برفيوم والله ويا سلام لما يشوفها بتمسح كده وال***يه طلعان عينها من العرق والميه والفنيك ياااااا بيبقى احلى منظر والله تحس انك متجوز واحد صاحبك ههههههه بهزر والله معلش بقى كيف لفت
بس بجد والله اللى يفكر كده يبقى لا مواخذه حيوان كل همه واحده جميله وخلاص يقضى معاها --- لو الحياه كده يبقى احسنله ميتجوزش ويتعب بنات الناس معاه يشوف واحد تقضيله غرضه وخلاص مش واحده عاوزه تعيش من الاخر
ومش معنى كده انها تفضل كده ع طول زى ما انا برجع من شغلى اخد دش لطيف واحط ريكسونا عشان متشوفنيش بعرقى بقرفى --- هى برده تخلص شغلها وتشوف نفسها عشان خاطره
بس اللى يطلب انها ع طول تبقى حلوه يبقى بيطلب المستحيل ---- وبعدين المظهر مش هو كل حاجه المهم اللى جوه الانسان نفسه ---يا رب صابرين

نضافتك وشياكتك وجمالك في عين زوجك من اهم عوامل انه ميدخلش عالنت علشان علاقات ولا صحوبيات

نصايح حلوه والله احنا هنحاول نشوفلك واسطه ونعينك "سفيره" لحل المشاكل بين اليتات والرجاله بنصايحك

مع اني مش شاب ( مذكر يعني ) الا اني شايفة ان كل حاجة بيعملها الشاب لازم تترد ليه في الدنيا قبل الآخرة سواء كانت في امه - اخته - بنته - اي انثى من عيلته الموقرة طبعا اللي منقدرش نقول عليها تلت التلاتة كام

طب كويس انى اتاكدت انك بنوته ---- وبعدين ده دين هيترد هيترد متقلقيش

نوع تاني بقى من اللي عالنت
عندهم شيزوفرينيا ( انقسام في الشخصية )
حياتهم الحقيقية مش عاجباهم ومش قابلينها

ما احنا اتفقنا بقى لغه العيون مفقوده ---- يعنى الكذب للصبح


وف الاخر بطلب من كل ح يجيله فكره ف نفس الموضوع يكتبها ويقولنا اللى حصل معاه هو شخصيا
يمكن يمكن حد مننا يستفاد
وبطلب من الخ فن ديزل انه يخش ويقولنا عن رايه الشخصى او تجربه شخصيه من موضوعه اللى اكيد مش من تاليفه
وكمان الاخت اشلاء قلب انها تتحفنا بنصايحها بس بعد ما تقولنا عن افكارها الشخصيه او لو فى تجربه شخصيه
وانا كمان هخش تانى واكتب تجربه شخصيه ليا
وكمان كلل حد هنا ف المنتدى