محكمه الحب والرومانسيه !!!!!!!

[sha3lan]

الموضوع جامد جدا

بس هو فى نقطه ........... هى الجلسه مكملتشى ليه ولا هى اتأجلت ....


عايزين نشوف اراء واعضاء المحكمه

[THE KING]

والله أي دونت نو ..

سيلفر باشا لسه موصلش انا حاطط الأسئله بقالى تسع شهور ..

[THE KING]

جلسة المتهمه مانوللي

قولي
و الله العظيم أقول الحق

1- إسمك .. وسنك .. وعنوانك .. واهم هواياتك ..؟
2- إيه اللى شدك في الماجيك وخلاكي تسجلي فيه ..؟
3- تقيمي المنتدى بكام فى الميه ..؟ وتقيمي الأعضاء بكام في الميه ..؟
4- تبرري بإيه انك أول ما سجلتي كنتى كل حاجه تقولي مش فاهمه .. إيه مكنتيش بتقري المواضيع ولا إيه .. (( الإنكار مش حينفعك بأي حاجه )) .
5- تبرري بإيه حبك لفضح الناس .. ومتقوليش مش بفضح حد .. ؟
6- انتى شايفه نفسك .. تقومي وتقولى للقمر يقعد مطرحك .. ولا تقومي وتقولي للقرد يقعد مطرحك .. لازم تحددي إجابه من دول ..؟
7- ليه عملتى مقلب تليفون فودافون فى مامتك .. انتى قلتي إنك عملتيه فى مامتك قبل كده (( دي لوحدها تهمه تجيبلك إعدام .. أي خدمه يا حاجه أم مانوللي حنخلصك منها ))
8- أهم مثل بتحبي تقوليه فى حياتك ..؟
9- لو كنتي بتحبي شخص واكتشفتى انه مش بيخلف تكملى معاه وتحرمي نفسك من الأمومه .. ولا تنفصلوا وتعملى نفسك مش عارفه ..؟
10- إيه رأيك فى الحب عن طريق النت ..؟ وهل حصل وحبيتي حد عالنت ..؟
11- ترضي تتجوزي ميكانيكي عمره 55 سنه .. مع العلم انك بتحبيه جدا ..؟
12- تقولي لمين فى المنتدى الكلمات دي ..؟

1- صبرك عليا
2- وحياة أمي منا سيبك
3- كل مره بشوفك فيها ببقى نفسي أأأأ
4- جبااااار
5- انا نسيتك خلاص
6- تعبت
7- مكنتش ناوي
8- بعد العمر ده كله يا غالي
9- جي تهددني
10- ده حلم ولا علم



إنتهت الأسئله ..

كلمه أخيره .. لازم تجاوبي على كل الأسئله .. سؤال سؤال ويكون فى محض نزرة انترباص دخول السؤال علشان نكون قبش مع بعض ومقبشبل إعدام ..

إنتي فاهمه حاجه ..؟؟

مش مهم تفهمي .. المهم انك تجاوبي على كل الأسئله ومتنسيش لازم يكون فى محض نزرة انترباص دخول السؤال

[بلابل]

التحميل

[عزيزي الزائر يتوجب عليك التسجيل لمشاهدة الرابط للتسجيل اضغط هنا] باشا وجهة نظر بسيطة لموضوعك الرائع دة وياريت تتقبلها

ممكن تخخف الاسئلة شوية وتحاول تبسطها لان العضو الى انت هتستضيفة لو

فاضى ممكن يشوف ان الاسئلة طويلة لان اجابة الاسئلة الى حضرتك حتتها لو

هياجب بصراحة وهو المطلوب اسباتة لزملو وقت كتييييييييييييييير اوى للاجابة

وحاول والله معك ونحن بجوارك

وبجد مستر سيلفر مشغول جدا ممكن تستضيف شخص اخر وان شاء الله

سلفر هيجى لوحدة وياجب

وانا منتظر ترشيحك لعضو تانى وتكون الاسئلة مبسطة والاجابة عليها متكنشى

طويلة علشان تكون فى روح القبول فى المشركة ولذة الموضوع مترحشى

والكل ينتظر دورة فى الترشيح

وشكرا على موضوعك الرائع مرة ثانية

تقبل وجهة نظرى

[THE KING]

يا باشا انا عارف ان الأسئله طويله بس صدقني الأجابات عليها سهله مش صعبه ..

احنا عاوزين نتعرف اكتر عالعضو ..

وانا عارف ان اغلبية الأعضاء مشغولين .

بس انا حطيت الأسئله ومنتظر الأجابات ..

[Silver]

اعتذر يا جماعة على التأخير

وإن شاء الله نتابع الموضوع الجميل ده

ونتوكل على اللع ونشوف الاسئلة

وربنا معانا

[Silver]

والله العظيم اقول الحق

س1:-اسمك وسنك وعنوانك ؟

رامى التهامى

21 سنة

مصر

س2:- ليه سجلت بأسم سيلفر؟

ده لقب من القابى ... وحبيت اسجل بيه

وعادة انا اسجل باسم eltohamy

وايه اللى شدك فى المنتدى وخلاك تسجل فيه؟

طبعاً لازم أسجل فى منتداى

علشان المنتدى بتاعى يبقى لازم أسجل فيه

س3:-الحب بيمثل ليك كام فى الميه ؟

الحب بالنسبة لى شئ عادى

أو زى ما تقول لسه وقته مش دلوقتى

وانت رومانسى اكتر ولا واقعى اكتر؟

واقعى جداً ،،،

س4:- ايه هى مواصفات شريكه حياتك ؟

الالتزام ... تكون ملتزمة

بخلاف بعض الامور الاخرى

بس خليك فاكر ... فاظفر بذات الدين

ولقيتها ولا لسه؟

زى ما تقول كده فى حاجة فى البال

س5:- ممكن ترتبط بواحده كانت مرتبطه قبلك بكذا واحد؟

ما أظنش خالص ،،،

س6:- لو انت بتحب واحده وفوجات فى يوم ان عندها مرض يمنعها من الانجاب هل هتكمل وتفضل معاها وتحرم نفسك من الشعور بالابوة ؟ ولا هتسيبها ؟

السؤال ده صعب شوية ... بس أقولك متقدرش البلاء قبل وقوعه

وده شئ بيد الله ومسبب الاسباب

س7:- ايه رايك فى الحب فى فترة المراهقه ؟ بيكون فعلا حب حقيقى ولا لا؟

على ما أظن أنه بيكون نزوة ... ومرحلة وبتعدى

س8:-ممكن ترتبط بواحده اهلك هما اللى اختاروها ليك ؟ ولا لازم تختارها انت ؟

والله كل وقت وليه ظروفه ... طبعاً أنا بيكون ليا اختيارى

بس لو الاهل قاللولى على واحدة ... إيه المانع لما اشوفها

ولعل وعسى تكون هيا اللى فى النية

س9:- حكمه انت ماشى بيها فى الحب ؟

والله مفيش حكم ... ماشى ورا مبادئى

س10:-ايه رايك فى الحب عن طريق النت ؟ وممكن ترتبط من على النت ولا لا؟

ما اظنش انه هيكون حب بجد ... وده ممكن يكون تسلية

لا ... صعبة الارتباط عن طريق النت

الحمد لله خلصت يا كينج

[Silver]

فى إنتظار حكم المحكمة

أو

دخول عضو جديد للمحاكمة

[THE KING]

بسم الله الرحمن الرحيم ..


بعد الاطلاع على جميع اجاباتك ياسيلفر قررت المحكمه الاتى
حكمت المحكمه حضوريا على المتهم رامى التهامي بسنه مع ايقاف التنفيذ
وذلك لان اجاباته شبه واضحه وصريحه

بس لاحظت ان عندك شوية غرور .. فى الإجابات وخصوصاً اجابة السؤال الثالث ..


وبنتمنى لك التوفيق ان شاء الله فى حياتك وفى المنتدى
وبشكرك جدااا على اشتراكك معانا فى المحكمه

[THE KING]

انتظروا الجلسه القادمه للمشرفه ..


التحميل

[عزيزي الزائر يتوجب عليك التسجيل لمشاهدة الرابط للتسجيل اضغط هنا]