|
المنتدى العام للنقاش الهادف والبناء والمواضيع العامه |
|
أدوات الموضوع | إبحث في الموضوع | انواع عرض الموضوع |
#1
|
|||
|
|||
" دعوه " تعالى نبطل سجاير سواا
بسم الله الرحمن الرحيم أكيد موجود هنا في المنتدى مدخنين وانا باقول اكيد وانا مدايقه اوى المهم مش هاقعد اعاتب بقى واقول الكلام بتاع كل المواضيع اللى في الدنيا اللى بتتكلم عن التدخين ومش هاقعد اغنيلك واقولك دا حرام ودا قتل ودا .. ودا .. والكلام الكتير دا وبرضه مش هاقولك بيعمل ايه ولا هاجيب سيره الامراض اللى بيجيبها ولاااااا اي حاجه من دي * * * انا هاكون هنا معاك علشان تبطل السجاير وتكون انسان جديد طبعا انت دلوقتى عمال تسأل في نفسك وتقول عبيطه دى والا ايه ؟ وهاتخليني ابطل السجاير ازاى والعبط دا ؟؟ هاجاوب عليك بقى واقولك : انا مش هاقولك طريقه تبطل بيها السجاير في خمس ايام ولا طريقه تبطل السجاير في ربع ساعة وكلام ***** والشعوذه ده ههههههههه ولا هاقولك كل طماطم ولبان واعمل بلونات والكلام اللى انت اكيد جربته وماجبش نتيجه كفايه رغي ندخل في الموضوع بقى ( بيتهيألي انت كدا وصلك ان الفكره مختلفه عن كل مواضيع التدخين ) المهم اول حاجه انا عايزاها منك ومن كل الاعضاء اللي بيشربوا سجاير وعايزين يبطلوا بجد انهم يدخلوا هنا ويقلولوي ايه متوسط عدد السجاير اللي بيشربوها يوميا ويقولولى برضه اكبر كميه وصلوا ليها .. ومايجيش واحد خفيف يجي يقولى هو انا باعدهم ؟؟ والكلام الفاضي دا << اه اه انا بازعق فيك .. مالك مستغرب ليه ؟؟ انا الكبيره في الموضوع ده نرجع للموضوع .. يعنى عاوزاك تقولى بالتقريب بتشرب اد ايه في اليوم ماشي؟؟؟ وتقولى عندك استعداد تقلل بمقدار قد ايه * * * لو حاجه مش واضحه في الكلام اللى فوق هابينها بالمثال اللي جاي ده 7 7 7 مثلا: انت بتشرب في اليوم علبه = 20 سجاره وعندك استعداد تقلل بمقدار 3 سجاير هاتعمل ايه بقى ؟؟ هاقوم متفقه معاك اتفاق كدا وكلام رجاله انك تشرب في الاسبوع ده كله 17 سجاره بس ماتزودش على ده . وعلشان يكون في متابعه وتقدر تكمل تيجي كل يوم بالليل قبل ما تنام وتدخل الموضوع هنا وتقولى يا شاطر شربت اد ايه وان زودت عن الكميه اللى اتفقنا عليها قولى برضه مش هازعل وهااستمر معاك ونشوف بقى اخرة الدلع هههههه. واضح كدا ؟؟ والا لا ؟؟ لو في حاجه مش واضحه قول لي في ردك * * * وطبعا في حاجات هاتساعدك منها : .خلي كل حاجه ليها علاقه بالسجاير بعيد عنك على أد ماتقدر (الولاعه ـ الكبريت ـ الطفايه ـ وطبعا علبه السجاير ).
.حاول تشغل ايدك دايما. "النقطه دي مهمه جدا لانك واخد دايما ان في ايدك السجاره" .وبرضه يعنى ابعد عن الحاجات اللى بتخليك تشرب سجاير كتير لو لما بتتنرفز بتشرب منها كتير فحاول تكون هادي وقيس على كدا . .اغسل سنانك كتير اوى وحافظ على ده. .واصحابك الحلوين الطعمين اللذاذ الرايقين لو هما بيشربوا برضه عرفهم انك بتبطل سجاير دلوقتى علشان يراعوا الموقف ومش كل لما يشوفك تاخد سجاره يا اسماعيل ؟؟ والكلام دا وعشان برضوا يحاولوا على اد مايقدروا مايشربوش سجاير قدامك. .وافتكر انك عايز تبطلها وافتكر كمان انك واخد معايا وعد واتفاق وكلام رجاله هايبقى شكلك وحش اوووووووى لو ما عملتش اللى وعدت بيه << بامسكك من الايد اللى بتوجعك هههههههه . * * * قبل ماتكتب رد املى الاستماره دى هههههههه << كأنك داخل مصحه ، معرفش انت لو كنت مدمن مخدرات انا كنت عملت فيك ايه ؟؟ هههههههه جاوبنى بقى ع الأسئله دي : << ماتخافش مش هاقولك عاوز تبطل السجاير ؟؟ والكلام القديم دا بتشرب كام سجاره في اليوم (تقريباً )؟؟ وعندك استعداد تقلل بمقدار كام سجاره ؟؟ << بلاش تضغط على نفسك وتقولى 10وتعمل فيها بتاع ههههههه وهاتكون اد كلمتك وتحاول على قد ما تقدر والا كلام عيال ؟؟ هاتدخل كل يوم تقولى شربت كام واحده والا هاطنشني ؟؟؟؟ * * * على فكره اكيييد هاتعدى علينا اوقات صعبه واحتمال تيجي مره وتقولى مش قادر او ممكن كذا مره ماتعملش اللى اتفقنا عليه .. عايزه اقولك ان كل دا عاااادى وانا مش هادايق منه وهاستمر معاك بكل الطرق ( على فكره انا بالي طويييييل بشكل يغيظ ههههه ) وافتكر انك مش هاتكون لوحدك ان شاء الله هايكون معاك كتير من الأعضاء اللى بيشربوا سجاير وهانشجع بعض .. * * * عاوزه تفاعل بقى .. ماشي ؟؟ والا لازم ازعق ؟؟ * * * ( مستنياكم ) .. |
#2
|
||||
|
||||
تسلم ايد على الطريقه
والنصيحه وبفضل الله انا الا ادخن |
#3
|
|||
|
|||
بجد فكره روعه وياريت فعلا الشباب اللي بيشربوا سجاير يجوا ويقولو شربوا قد ايه وناوين يبطلوها ولا لا لان بجد السجاير دي اختراع بشع مش بيجي وراه غير الاذي والتعب سيبكم بقي من الكلام ده علي رائي ستار عاوزين كل شباب المنتدي تدخل وتقول عاوزين تفاعل والشباب مش يركنوا التوبيك ع الرف بس بجد حركه تحفه منك يا ستار وتستاهلي عليها بجد كل خير ياقمر تسلم ايدك وجزاكي ربنا بجد كل خير
__________________
افضل 15 مشارك انا ليه ساكته عليه انا ليه سايباه يتقرب مني ضعيفه قصاد عنيه مع اني انا مش كده وده جنني كل اللي يقول عليه بقي حلو علي قلبي ليه سلمت خلاص باينلي يظهر ده اللي اسمه ايه انا طول الوقت مكسوفه اجي اتكلم بتغلبط ليه مخبيه اني ملهوفه مينفعش ارمي نفسي عليه بجد بجد مش عارفه ايه ده اللي انا فيه انا ليه بالي طويل وياه مش قادرة استني ثواني وعرفت سهر الليل وبقيت اسهراسمع ف اغاني من يومي مشغوله بيه ف نومي محلمش الا بيه سلمت خلاص باينلي يظهر ده اللي اسمه ايه انا طول الوقت مكسوفه اجي اتكلم بتغلبط ليه مخبيه اني ملهوفه مينفعش ارمي نفسي عليه بجد بجد مش عارفه ايه ده اللي انا فيه انا ليه ساكته عليه انا ليه سايباه يتقرب مني ضعيفه قصاد عنيه مع اني انا مش كده وده جنني كل اللي يقول عليه بقي حلو علي قلبي ليه سلمت خلاص باينلي يظهر ده اللي اسمه ايه |
#4
|
||||
|
||||
تسلم ايدك يا جميل الموضوع المفيد ده ويا رب الكل يبطلها
يلا شدى حيلك معاهم ووريهم العين الحمرا ولله الحمد أنا الى الان مش بدخن تحياتى
__________________
أتعلمين أن القمر يغار منك والشمس حينما تراكى تذهب لتجعلك بنورك الساطع وجمالك الرائع أن تنيرى لنا حياتنا..... كنت أسير فى طريق مظلم لا أرى فيه الا الوحدة والكآبة والحرمان ولكن بعد فترة رأيت نورا من بعيد أعاد لى الأمل من جديد وشعرت أنى أملك كل شئ فى هذه الدنيا ولكن بعد فترة رأيت نورا من بعيد أعاد لى الأمل من جديد وشعرت أنى أملك كل شئ فى هذه الدنيا وترسمت على وجهى سعادة لم يرها أحد من قبل...... |
#5
|
||||
|
||||
موضوع جميل يا ستار التحميل
[عزيزي الزائر يتوجب عليك التسجيل لمشاهدة الرابط للتسجيل اضغط
هنا]وأنا مش هأقدر املى الاستمارة عشان انا بفضل الله مش مدخن واتمنى ان كلامك يكون موجه للنبات والولاد لأن زى ما فى ولاد بيشربوا فى كمان بنات بيشربوا وفى مواضيع كتير فى الماجيك عن السجاير والتدخين نتمنى من الجميع التفاعل فى المواضيع وان يشاركنا بارائه فى النقاشات تسملى ستار ع المبادرة والله الموفق
__________________
رأيت الهَم في الدنيا كثير ... وأكثره يـكون مــن النساء فلا تأمن لأنثي قــط يوما ... ولوهبطت عليك من السماء |
#6
|
|||
|
|||
ههههههههههههههههههه
طب ده معنااه حاجه من اتنين اولا : ان يكون مفيش حد في المنتدى بيدخن >>>> وده شئ مستبعد مش كده ولا ايه *_^ ثانيا : ان في ناس بتدخن ودخلت الموضوع ويا معجبهااش يا اما رافضين التغيير اصلا >>> ودي تبقى كارثه عموما اشكركم جميعا كل اللي ردو على الموضوع وكوس قوي ان في شباب كتير كده مش بيدخنو ربنا يهدي الجميع تحياتي |
مواقع النشر (المفضلة) |
الكلمات الدلالية (Tags) |
", تعالى, دعوه, سجاير, سواا, نبطل |
أدوات الموضوع | إبحث في الموضوع |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
لأول مرة على النت "Half life2" + جميع "الإضافات MODS " بعدة روابط | linkin park | منتدي العاب الكمبيوتر | 2 | 2010-08-10 06:04 PM |