|
|
#11
03-11-2010, 05:36 AM
|
|||
|
|||
فتحت شباكي لشمس الصباح
ما دخلش منه غير عويل الرياح و فتحت قلبي عشان أبوح بالألم ما خرجش منه غير محبه وسماح عجبي !! ::::::::::::::::::::: غمست سنك في السواد يا قلم عشان ما تكتب شعر يقطر ألم مالك جرالك إيه يا مجنون..و ليه رسمت ورده وبيت و قلب و علم عجبي !! ::::::::::::::::: أنا الذي عُمري إشتياق في إشتياق و قطر داخل في محطة الفراق قصدت نبع السم وشربت سم من كتر شوقي وعشمي في الترياق عجبي !! :::::::::::::::: أنا الذي عشت الزمن مضيعه بروح حزينه معفنه مضعضعه زرعت شجرة سنط لجل أنجرح لقيتها شعر البنت ومفرعه عجبي !! :::::::::::::::: لو فيه سلام في الأرض وطمان وأمن لو كان مفيش ولا فقر ولا خوف وجبن لو يملك الإنسان مصير كل شئ أنا كنت أجيب للدنيا ميت ألف إبن عجبي !! :::::::::::::::: العشب طاطا للنسايم و نخ أخضر طري مالهش في الحسن أخ عصفور عبيط أنا..غاوي بهجه وغُنا هنزل هنا..وإنشالله يهبرني فخ عجبي !! ::::::::::::::: فتحت شباكي لشمس الصباح
ما دخلش منه غير عويل الرياح و فتحت قلبي عشان أبوح بالألم ما خرجش منه غير محبه وسماح عجبي !! ::::::::::::::::::::: غمست سنك في السواد يا قلم عشان ما تكتب شعر يقطر ألم مالك جرالك إيه يا مجنون..و ليه رسمت ورده وبيت و قلب و علم عجبي !! ::::::::::::::::: أنا الذي عُمري إشتياق في إشتياق و قطر داخل في محطة الفراق قصدت نبع السم وشربت سم من كتر شوقي وعشمي في الترياق عجبي !! :::::::::::::::: أنا الذي عشت الزمن مضيعه بروح حزينه معفنه مضعضعه زرعت شجرة سنط لجل أنجرح لقيتها شعر البنت ومفرعه عجبي !! :::::::::::::::: لو فيه سلام في الأرض وطمان وأمن لو كان مفيش ولا فقر ولا خوف وجبن لو يملك الإنسان مصير كل شئ أنا كنت أجيب للدنيا ميت ألف إبن عجبي !! :::::::::::::::: العشب طاطا للنسايم و نخ أخضر طري مالهش في الحسن أخ عصفور عبيط أنا..غاوي بهجه وغُنا هنزل هنا..وإنشالله يهبرني فخ عجبي !! ::::::::::::::: |
|
#12
03-11-2010, 05:45 AM
|
|||
|
|||
|
أوصيك يابني بالقمر والزهور
أوصيك بليل القاهره المسحور و إن جيت في بالك.إشتري عقد فُلّ لأي سمرا..وقبري إوعَك تزور عجبي !! :::::::::::::::::: غمض عينيك وإرقص بخفه ودلع الدنيا هي الشابه و إنت الجدع تشوف رشاقة خطوتك تعبدك لكن إنت لو بصيت لرجليك.تـقع عجبي !! ::::::::::::::::: حاسب من الأحزان و حاسب لها حاسب على رقابيك من حبلها راح تنتهي ولابد راح تنتهي مش إنتهت أحزان من قبلها؟ عجبي !! :::::::::::::::::: يأسك و صبرك بين إيديك وإنت حُر تيأس ما تيأس الحياه راح تِمُر أنا دُقت من دا ومن دا عجبي لقيت الصبر مُر و برضَك اليأس مُر عجبي !! ::::::::::::::: ولدي نصحتك لمّا صوتي إتنبح ما تخافش من جني ولا من شبح و إن هَبّ فيك عفريت قتيل إسأله ما دافِعش ليه عن نفسه يوم ما إندبح عجبي !! :::::::::::::::: ولدي إليك بدل البالون ميت بالون إنفخ وطرقع فيه على كل لون عساك تشوف بعينك مصيرالرجال المنفوخين في الستره و البنطلون عجبي !! ::::::::::::::: خوض معركتها زي جدك ما خاض صالب و قالب شفتك بإمتعاض هي كده..ما تنولش منها الأمل غير بعض صد ورد ووجاع مخاض عجبي !! :::::::::::::::: أوصيك يابني بالقمر والزهور
أوصيك بليل القاهره المسحور و إن جيت في بالك.إشتري عقد فُلّ لأي سمرا..وقبري إوعَك تزور عجبي !! :::::::::::::::::: غمض عينيك وإرقص بخفه ودلع الدنيا هي الشابه و إنت الجدع تشوف رشاقة خطوتك تعبدك لكن إنت لو بصيت لرجليك.تـقع عجبي !! ::::::::::::::::: حاسب من الأحزان و حاسب لها حاسب على رقابيك من حبلها راح تنتهي ولابد راح تنتهي مش إنتهت أحزان من قبلها؟ عجبي !! :::::::::::::::::: يأسك و صبرك بين إيديك وإنت حُر تيأس ما تيأس الحياه راح تِمُر أنا دُقت من دا ومن دا عجبي لقيت الصبر مُر و برضَك اليأس مُر عجبي !! ::::::::::::::: ولدي نصحتك لمّا صوتي إتنبح ما تخافش من جني ولا من شبح و إن هَبّ فيك عفريت قتيل إسأله ما دافِعش ليه عن نفسه يوم ما إندبح عجبي !! :::::::::::::::: ولدي إليك بدل البالون ميت بالون إنفخ وطرقع فيه على كل لون عساك تشوف بعينك مصيرالرجال المنفوخين في الستره و البنطلون عجبي !! ::::::::::::::: خوض معركتها زي جدك ما خاض صالب و قالب شفتك بإمتعاض هي كده..ما تنولش منها الأمل غير بعض صد ورد ووجاع مخاض عجبي !! :::::::::::::::: |
|
#13
03-13-2010, 06:24 AM
|
|||
|
|||
|
كام إشتغلت يا نيل في نحت الصخور
مليون بئونه و ألف مليون هاتور يا نيل أنا إبن حلال ومن خلفتك و ليه صعيبه علي بس الأمور عجبي !!! كام إشتغلت يا نيل في نحت الصخور
مليون بئونه و ألف مليون هاتور يا نيل أنا إبن حلال ومن خلفتك و ليه صعيبه علي بس الأمور عجبي !!! |
|
#14
03-13-2010, 06:25 AM
|
|||
|
|||
|
منين أجيبها كلمه متألمه
لعيبه فايره حايره ومُصممه منين أجيبها كلمه تكون بنت أرض تشفي اللي ما شافهوش كلام السمـا عجبي !!! منين أجيبها كلمه متألمه
لعيبه فايره حايره ومُصممه منين أجيبها كلمه تكون بنت أرض تشفي اللي ما شافهوش كلام السمـا عجبي !!! |
|
#15
03-13-2010, 06:26 AM
|
|||
|
|||
|
أنا اللي بالأمر المُحال إغتوي
شُفت القمر نطيت لفوق في الهوا طُلته ما طُلتوش إيه أنا يهمني و ليه..ما دام بالنشوه قلبي إرتوي عجبي !! أنا اللي بالأمر المُحال إغتوي
شُفت القمر نطيت لفوق في الهوا طُلته ما طُلتوش إيه أنا يهمني و ليه..ما دام بالنشوه قلبي إرتوي عجبي !! |
|
#16
03-13-2010, 06:28 AM
|
|||
|
|||
|
بره الإزاز كان غيم وأمطار وبرق
ما يهمنيش–أنا قلت–ولا عندي فرق غيرت رأيي بعد ساعة زمن وكنت في الشارع..وفي الجزمه خرق عجبي !!! بره الإزاز كان غيم وأمطار وبرق
ما يهمنيش–أنا قلت–ولا عندي فرق غيرت رأيي بعد ساعة زمن وكنت في الشارع..وفي الجزمه خرق عجبي !!! |
|
#17
03-13-2010, 06:29 AM
|
|||
|
|||
|
عيني رأت مولود على كتف أُمُه
يصرخ تهنن فيه يصرخ تضُمه يصرخ تقول يا بني ما تنطق كلام ده اللي ما يتكلمش يكتر همه عجبي !!! عيني رأت مولود على كتف أُمُه
يصرخ تهنن فيه يصرخ تضُمه يصرخ تقول يا بني ما تنطق كلام ده اللي ما يتكلمش يكتر همه عجبي !!! |
|
#18
03-13-2010, 06:30 AM
|
|||
|
|||
|
أنا قلت كلمه وكان لها معنيين
كما بطن واحده و توأمين زي وشين لو دنيا شر..التوأم الخير يموت لو دنيا خير..الشرح يعيش منين عجبي !! أنا قلت كلمه وكان لها معنيين
كما بطن واحده و توأمين زي وشين لو دنيا شر..التوأم الخير يموت لو دنيا خير..الشرح يعيش منين عجبي !! |
|
#19
03-13-2010, 06:37 AM
|
|||
|
|||
|
يا عندليب ما تخافش من غنوتك
قول شكوتك وإحكي على بلوتك الغنوه مش هتموتك إنما كتم الغُنا هو اللي هيموتك عجبي !!! يا عندليب ما تخافش من غنوتك
قول شكوتك وإحكي على بلوتك الغنوه مش هتموتك إنما كتم الغُنا هو اللي هيموتك عجبي !!! |
|
#20
03-13-2010, 06:38 AM
|
|||
|
|||
|
طال إنتظاري للربيع يرجع و الجو يدفا والزهور تطلع عاد الربيع عرمرم شباب إيه اللي خلاني إبتديت أفزع ؟ عجبي !!! طال إنتظاري للربيع يرجع و الجو يدفا والزهور تطلع عاد الربيع عرمرم شباب إيه اللي خلاني إبتديت أفزع ؟ عجبي !!! |
 |
| الكلمات الدلالية (Tags) |
| (موضوع, متجدد), جاهين, رباعيات, سلاح, وأشعار |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| عناوين جرانين المستقبل (صلاح جاهين) | karmen | منتدي الفنون الادبيه | 0 | 03-14-2010 06:22 AM |
| الضاحك الباكى ( صلاح جاهين ) | صانع الخيال | منتدي الفنون الادبيه | 2 | 02-07-2010 12:38 AM |
| من أشعار صلاح جاهين | karmen | منتدي الفنون الادبيه | 8 | 10-27-2009 10:16 AM |
| رباعيات صلاح جاهين | karmen | منتدي الفنون الادبيه | 4 | 08-13-2009 07:51 AM |
| مختارات من شعر صلاح جاهين | karmen | منتدي الفنون الادبيه | 6 | 05-04-2009 11:42 PM |
العرض العادي
