|
اضحك من قلبك تعالوا نفك عن نفسنا ونفرفش |
|
أدوات الموضوع | إبحث في الموضوع | انواع عرض الموضوع |
#1
|
||||
|
||||
انواع الشباب على النت ..............
النوع الاول
الي يدوبك لسه متعلم يدخل نت بيبقى العمر يتراوح من 22 الى ما فوق ... وتلاقيه اول ما يدخل هاي ممكن نتعرف انا فلان ومن الحته الفلانيه وتحسي ان فيه حنفيه معلومات اتفتحت واي حاجة تقوليهاله يقولك يعني ايه مش فاهم وبعد كل كلمة يقولك اصل انا لسه جديد في النت والنوعية دي تنقسم لقسمين : 1- يا اما متحمس وحط ف دماغه موضوع النت وعايز يتعلم 2- يا اما سمع من صحابه عن النت والبنات وجاي يجرب حظه النوع الثانى الي بيقعد على النت بس مش كتير النوع ده كل كلامه انا مشغولياتي كتير ومبحبش النت والكلام ده وبعد ما يكلم شوية يقولك ممكن نكمل كلام في التليفون انا اصلي مبدخلش النت كتير ومليش خلق للكتابة والحاجات دي والنوعيه دي تنقسم الى قسمين: 1- يا اما يبقى لحوح ويفضل يطلب نفس الطلب وصباح الملل 2- يا اما يبقى عنده عزة نفس وميلحش بس هيتعصب وهيقولك اعمليلي بلوك النوع الثالث الي قاعد على النت ليل نهار ده بقى شرحه يطول وينقسم لعدة انواع 1- المقموص ده بقى قاعد وحاطط ايده على زرار الزعل اي حاجة تقوليها تبقي بتقصديه او بتقللي من شانه وبعد كام مرة كلام ممكن يقولك اديني نمرة تليفونك ولما تعتذري هيقولك انا هحترم رغبتك وهيركبلك الوش الخشب ومن وقت للتاني هتاخدي البلوك ف وشك فنصيحه من اولها كده اديله بلوك وديليت 2- ابو دم خفيف ده شلل مركز ومتعرفيش مين الي خدعه وقاله ان دمه خفيف وكل كلامه قفشات وضحك والمفروض انك تكوني مجامله وتضحكي بس منصحكيش تيجي على اعصابك 3- المودي دي بقة شخصية بتتنوع كل يوم على حسب المود وهتحسي انك بتكلمي واحد عنده انفصام ف الشخصية النهاردة رزين وعاقل وبكرة لاسع وبعد يومين رخم وبعدها كيوت وفريندلي طبعا الحكايه مش ناقصة جنان كفايه الي الواحد فيه 4- اللزقه والنوع ده عايز حزم ف التعامل معاه لأن كل كلامه انتي فين ؟ بتتاخري في الرد ليه؟ انتي بتكلمي حد ؟؟ ياعم وانت مالك بتتحشر ليه ......ولو قلتيله ثواني هيقولك ليه رايحة فين؟ متتاخريش ... ايه ده انتي لسه مجيتيش ؟؟؟ 5- الناصح صباح الصداع مع كل جمله هتقوليها هتاخدي نصيحة وفيه عرض خاص قولي جملتين وخدي اربع نصايح العرض مستمر حتى نفاد الكمية انا انصحك انك تخليه يحصل اخواته الي فاتوا يعني بلوك وديليت 6- ****** انا فيا جاذبية وكل البنات بتعجب بيا ....... ايام ما كنت فى الكليه كنت عامل ازمه والبنات بتتخانق عليا...... المصيبة بقى ان اي جمله هتقوليها هيفهم ان انتي معجبه اصله مش بمزاجك هتحبيه يعني هتحبيه 7- حريقة بنات ده بقى لو في منتدى او ميل جروب تلاقيه مركز على كل البنات ومبيعملش اي حاجة تانية غير كده الكوميدي بقى لما يتلخبط ويعتقد ان الأسم ده انثوي ويندمج وبعدين يطلع واحد صاحبه 8- الكداب من اول الأسم والسن واي معلومة خدتيها كدب في كدب ومتعرفيش ليه ده بقى انصحيه وخليه يغير اسمه على الماسنجر ويخليه الكداب 9- العبيط ده هتلاقيه على طول حاطط صورته وذنب عليكي تتفرجي ويشيل الصورة >>دي يحط التانية وكل شوية يفتح الكاميرا مع نفسه 10- بابا اوبح ده ممكن يكون على النت من سنة 96 واتخرج واشتغل واتجوز وجاب عيال ولسه قاعد يتعرف على بنات وكل ما يكلم واحدة يقنعها انه مش متجوز وبيدور على عروسة وصباح السرحان ولو جربتي كل يوم تدخليله بايميل غير التاني هتسمعي قصة حياته كل يوم مختلفة النوع الاخير وده احسن ينفع تكلميه على النت هو المحترم اللى عارف حدوده ومبيتدخلش فى اللى مالهوش فيه وبيبقى دمه خفيف علشان ماتزهقيش منه وبيحب يعمل اصدقاء كتير على النت وتلاقيه جد ومابيحبش الكدب بس بيحب يهزر بس بأدب وتستريحيلو وانتى بتتكلمى معاه منقووووووووووووول
__________________
افضل 15 مشارك وحشتونى كلكم موووووووووت راجعه قريبا
|
#2
|
||||
|
||||
موضوع غاية فى الحمال والروعة
وبجد فعلاً الصفات دى حقيقية وموجودة بس طبعاً مش كل الشباب كده وأرحب بك مرة ثانية سلمى وننتظر جديد مواضيعك بفارغ الصبر
__________________
رأيت الهَم في الدنيا كثير ... وأكثره يـكون مــن النساء فلا تأمن لأنثي قــط يوما ... ولوهبطت عليك من السماء |
#3
|
||||
|
||||
ميررررررررررسى لمرورك
نورت الموضوع
__________________
افضل 15 مشارك وحشتونى كلكم موووووووووت راجعه قريبا
|
#4
|
||||
|
||||
موضوع غاية فى الحمال والروعة
وبجد فعلاً الصفات دى حقيقية وموجودة تسلم ايدك على هذه المواضيع |
#5
|
|||
|
|||
2- ابو دم خفيف
ده شلل مركز ومتعرفيش مين الي خدعه وقاله ان دمه خفيف وكل كلامه قفشات وضحك والمفروض انك تكوني مجامله وتضحكي بس منصحكيش تيجي على اعصابك تسلم ايدك على الموضوع |
#6
|
||||
|
||||
يارب يكون الموضوع عجبك
وميرسى لمرورك
__________________
افضل 15 مشارك وحشتونى كلكم موووووووووت راجعه قريبا
|
#7
|
||||
|
||||
بجد انا شايف مواصفات كتيره اوي في الشباب
انتي شردتينا يا سلمى بس بجد الموضوع هايل بس انا ليا عتاب ليكي ازاي تكوني عضوه بمنتدى الماجيك ومتتكلميش عن شباب الماجيك بجد زعلان منك أوي واسمحيلي اضيف بس الجزء ده بس النوع اللي فاضل يا جماعه هوا شباب الماجيك اللي بيدي كل وقته للمندى ويهتم بيه ويحافظ عليه بس أحب أكرر اعجابي بالموضوع بجد
__________________
افضل 15 مشارك وكلب إذا ضرب الحذاء بوجهه.... صرخ الحذاء بأي ذنب أضرب |
#8
|
||||
|
||||
هههههههههههههههههههه
لالا متزعلش وسورى للشباب الماجيك ان نسيت اكتبهم ghost مو نسى ميرسى لمروركم وميرسى خاص ل ghost لزيارة مواضيعى وردودة الجميلة دى وعلى الودرة ميرررررررررسى
__________________
افضل 15 مشارك وحشتونى كلكم موووووووووت راجعه قريبا
|
#9
|
||||
|
||||
فعلا موضوع اكثر من ممتاز
شكرا ليك على الموضوع الرائع واتمنى لك التوفيق فى مواضيعك القادمة
__________________
مساكين اهل العشق حتى قبورهم عليها تراب الذل بين المقابر @@@@@@@@@@@@ ياللي تغركـ ضحكتي بعض الأوقات .. أحيان بعض الضحك معناهـ × موتــــي × أوقات تلقاني أحاكيك بـــ سكــــــــات .. يوم الكلام يموت داخل × سكوتـــــــــي × يوم الحناجر تحتضر فيها الآهــــــــات .. واعجز عن الشكوى ولو طال × صوتــــي @@@@@@@@@@@@ لا تأسفن على غدر الزمان لطالما رقصت على جثث الاسود كلاب لا تحسبن برقصها تعلو على اسيادها تبقى الاسود اسود والكلاب كلابا تبقى الاسود مخيفة فى اسرها حتى ولو نبحت عليها كلاب @@@@@@@@@@@@ صمتى لا يعنى جهلى بما يدور حولى ولكن ما يدور حولى لا يستحق الكلام |
#10
|
||||
|
||||
4- اللزقه
والنوع ده عايز حزم ف التعامل معاه لأن كل كلامه انتي فين ؟ بتتاخري في الرد ليه؟ انتي بتكلمي حد ؟؟ ههههههههههههههههههههه النوع ده بيبقى رهيب تسلمى يا سلمى على الموضوع الرائع ياعم وانت مالك بتتحشر ليه ......ولو قلتيله ثواني هيقولك ليه رايحة فين؟ متتاخريش ... ايه ده انتي لسه مجيتيش ؟؟؟ |
مواقع النشر (المفضلة) |
الكلمات الدلالية (Tags) |
.............., الشباب, النت, انواع |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
حب الشباب،ظهور حب الشباب،علاج حب الشباب | مودى اليكس | عالم حواء | 3 | 2009-12-15 01:40 AM |
حب الشباب،ظهور حب الشباب،علاج حب الشباب | عضوانيتا | عالم حواء | 1 | 2009-12-09 06:07 PM |
حب الشباب،ظهور حب الشباب،علاج حب الشباب | عضوانيتا | عالم حواء | 1 | 2009-12-04 10:40 PM |
انواع اولاد علي النت جديدة وجامدة موت | radwan | سلة المحذوفات | 1 | 2009-06-19 05:29 PM |