|
|
|||||||
| المنتدى العام للنقاش الهادف والبناء والمواضيع العامه |
 |
|
|
أدوات الموضوع | إبحث في الموضوع | انواع عرض الموضوع |
|
#1
2010-01-03, 06:38 PM
|
||||
|
||||
الانترنت ..... نعمه ام نقمه؟؟!!
السلام عليكم ورحمة الله وبركاته سؤال بقاله فتره شاغلنى ... ليه الصداقة بقت سهله اوى كده على الانترنت ... مع اننا فى حياتنا الفعليه بنحفى ونشقى علشان نلاقى صديق او اتنين مخلصين ليه الصداقه بين الولد والبنت بقت سهله اوى اوى على الانترنت .. مع اننا فى حياتنا الفعلية ده نادر اوى ليه البنت ممكن تتقبل اى لفظ اعجاب مثل يا قمر .. يا عسل .. ويتطور الامر لـ يا خطيبى ويا خطيبتى مع ان لو حد قالها يا قمر فى الحقيقه هتفتكرها معاكسه وممكن تردحله واحتمال كبير الامر يتطور وتشبشبله ...... وليه ... وليه .. وليه ... مليون ليه لازم تتقال ولازم نحاول نغيرها ومليون هل ..... - هل عشت قصة حب عنيفة على الانترنت ثم صدمت مكتشفاً بعد ذلك بانها ليست اكثر من وهم افتراضي ؟ - هل انت مدمن المواقع الاجتماعية مثل الفيس بوك و تويتر وغيرها من مواقع على اختلاف تسمياتها ؟؟ هذه المواقع تعتبر دردشة ” شات ” مهما حاولت تبرير ادمانك عليها وضياع وقتك باهداف نبيلة وفوائد عظيمة .. - هل انتى زوجة جعلها الانترنت تنتظر بفارغ الصبر ذهاب زوجها للعمل كي تتفرغ لمواقع الشات ” المواقع الاجتماعية ” - هل انتى زوجه ستقولين ان زوجى يجلس بجانبى وانا على الانترنت ؟ ... اذن فما هى يا ترى نظرتك لزوجك ؟؟؟ هل انتى سعيده بعدم غيرته وبروده ؟؟ أم انتى سعيده بتياسته وقرونه ؟؟ وتبررين ذلك بالجمل الخالده لكل فتيات العصر الحديث - انا واثقه فى نفسي وما دمت ما بعملش حاجه غلط يبقي خلاص اذن السؤال الأن : ماهو الغلط بالنسبه لكم ؟؟ وتتشدقين بانك محافظة جداً ومتدينة جداً وعلاقتك بالانترنت لاتعدو مكانا للتسلية وقتل الفراغ او تبادل الخبرات مع غيرك مما هو مثلك حول شئون الاسرة وتربية الاطفال وتعلم ازالة الشعر من المناطق الحساسة ؟؟ - هل انت زوج يغافل زوجته ويترقب البقاء مع جهاز الكومبيوتر لوحده ؟ وتبرر هذا بان زوجتك اصبحت مهملة وان شعلة الحب التي كانت قد انطفأت على حين غيرة وان الحياة الزوجية اصبحت رتيبة ومملة !! - هل انتى فتاة تبحث عن عريس لها وتعتقد بان هذه اسرع واسهل طريقة للحصول على عريس الغفلة ؟؟ - هل انت شاب تعتقد بانك اصبحت دون ... جوان زمانك وانك توقع بالفتيات الواحدة تلو الاخرى بدباديبك، واصبحت دونجوانا عابرا للقارات على الفيس بوك او تويتر ؟ - هل انت طالب او طالبة تلميذ او تلميذة اصبح شغلك الشاغل هو البحث عن المراجع العلمية والدراسات السيكولوجية والانثروبولوجية على الانترنت ؟ لكنك في الحقيقة تضيع وقتك من حيث لاتعلم باشياء ليست لها علاقة من قريب او بعيد بالتعليم . - هل مللت كل ذلك وشعرت بان حياتك الواقعية تبخرت وحلت محلها حياة افتراضية وهمية ؟؟ - هل حاولت اكثر من مرة الاقلاع عن الدخول للانترنت ثم عدت بعد فترة لتبدأ من جديد ؟؟ ومارأيك فيما سيقال الأن : في الانترنت.. يعشقون من اول محادثة.. فكل اضافة جديدة: صيدة.. وكل رسالة خاصة: صيدة.. وكل وردة في رد: صيدة في الانترنت .. لايعترفون بالحب بلا مكالمات.. ولا بالمكالمات بلا مواعيد.. ولابالمواعيد بلا لقاءات.. ولا باللقاءات بلا معصية في الانترنت.. يمارسون الخيانة كوجبة سريعة على طريق مهجور.. ويستسهلون قذف المحصنات الغافلات.. كشربة الماء الهنية في الانترنت.. لاينتظرون الطوفان كي يضعوك تحت أقدامهم.. فهم يرتفعون عليك قبل الطوفان في الانترنت.. يبترون يمينهم بيسارهم.. ويضعون قلوبهم تحت أقدامهم.. ويضعون فلانا فوق رؤوسهم.. مادامت مصالحهم لديه في الانترنت.. قد تتحول الأقرب إلى عقرب بسبب رجل.. وقد يتحول الرجل إلى ثور ساقية.. بسبب إمرأة في الانترنت.. قد يتحول (سيف يمينك) إلى (خنجر ظهرك).. لان مصلحته بكسر ظهرك.. وليس بحماية يمينك في الانترنت.. كلهم (المتنبي) وكلهم (ابو فراس) وكلهم (حاتم الطائي) وكلهم في الحب: قيس ابن الملوح في الانترنت.. الحكايات في الجيوب.. والأحلام في الجيوب.. والوعود في الجيوب.. ويبيعون الأحلام الملوثة في طرقات الانترنت كبائع القطار المتجول في الانترنت.. لايتقدم العمر بأحد.. فلا يوجد رجل مسن.. ولاتوجد امراة قبيحة.. فكلهن ملكات جمال.. وكلهم فرسان الوطن في الانترنت.. أنت لديهم (أون لاين) مادامت صلاحيتك سارية المفعول.. وتتحول إلى حالة (أوف لاين) أبدية حين تنتهي صلاحيتك و.. مصالحهم في الانترنت.. أنت صديقهم مادمت معهم.. فان غبت عن اعينهم.. نسيتك أعينهم.. وتذكّرتك بالسوء ألسنتهم في الانترنت.. أنت الوفي مادمت أمامهم.. فإن غيّبتك عنهم ظروفك أو جروحك.. فأنت الحاقد.. وأنت الجاحد.. وأنت الناكر.. وأنت الخائن.. وأنت .. وأنت في الانترنت.. الثمار ليست على بذورها.. فلا تنتظر ان تحصد مازرعت.. فقد تزرع الوفاء وتحصد الخيانة.. وتزرع الصدق وتحصد خيبة الأمل في الانترنت.. توسّد خصوصياتك عند النوم.. واحتفظ بزادك في يديك.. فرفيق طريقك.. قد يتحول لذئب طريق في الانترنت.. يتفننون بتسلق (سلالم) الأرواح و(سلالم) الأكتاف و(سلالم) الظهور.. وخسران كل شي من أجل الوصول لقمة وهمية في الانترنت .. يتناسون التربية الأولى.. والقيم الأولى.. والأخلاق الأولى.. ويمارسون الزنا في كتاباتهم وحواراتهم ومسنجراتهم كما يمارسونه على اسرّتهم واقعنا مُر.. فالانترنت جاء لنا بالدنيا كلها.. لكنه لم يمنحنا منها ماتمنينا ليته لم يأتي لنا بها وليتنا ننتبه لحياتنا الواقعية ... بعيدا عن احلام النت الوهمية والحياة الافتراضية وليتنا نفعل على الانترنت ما نفعله فى حياتنا الحقيقية **************************** أحلى سلام
__________________
من النهارده مفيش توقيع
الفيلا بتاعتنا هى التوقيع   
|
|
#2
2010-01-04, 02:16 AM
|
||||
|
||||
ليه الصداقة بقت سهله اوى كده ليه الصداقه بين الولد والبنت بقت سهله اوى اوى على الانترنت .. على الانترنت ... مع اننا فى حياتنا الفعليه بنحفى ونشقى علشان نلاقى صديق او اتنين مخلصين لأن ببساطة البنات والولاد بيحكوا عالنت اللي هم عايزين يحكوه وكمان منهم مؤلفين عبقريين جدا جدا ( يستاهلوا جايزة الكدب العالمية والمركز الاول كمان ) كل شاب او بنت - الا من رحم ربي طبعا - بيحكي حياته زي ما هو عايزها وكمان بيطلع ساعات بطل من الابطال اللي يستاهلوا الشكر والتقدير - ولو دورت عالحقيقة - تلاقيه قاعد في سايبر حقير الساعة ب1 جنيه مع اننا فى حياتنا الفعلية ده نادر اوى 1-لأن معليهاش رقابة ليه البنت ممكن تتقبل اى لفظ اعجاب مثل يا قمر .. يا عسل ..2-لأن كل ينت وولد بيبرروا لنفسهم ان دي مش حرام ومش عيب 3-لأن كل الاهالي تقريبا الا ناس قليلة اوي ملهمش علاقة وطيدة بالنت ويتطور الامر لـ يا خطيبى ويا خطيبتى لأنها بتعيش في الوهم وتتخيل ان ده فارس الاحلام اللي حياخدها على حصانه الأبيض ويطير بيها لسابع سما - وطبعا يرميها من فوق - وبيتهيألها كمان انها كل ما تلبيله في طلباته - اللي طبعا لا دين ولا اخلاق ولا تربية حتى - يقبلوها كل ما يتمسك بيها اكتر ومليون هل ..... - هل عشت قصة حب عنيفة على الانترنت ثم صدمت مكتشفاً بعد ذلك بانها ليست اكثر من وهم افتراضي ؟ الحمد لله الذي عافانا من العفانة ( دي كلمة الشيخ محمد حسين يعقوب ) - هل انت مدمن المواقع الاجتماعية مثل الفيس بوك و تويتر وغيرها من مواقع على اختلاف تسمياتها ؟؟انا لا بس ليا اصحاب عاشوا عالوهم وفجأة اكتشفوا ان فارس الاحلام وبطل القصة راجل متجوز وفي رقبته عيلين او تلاتة كمان لا بالعكس انا شايفة ان الفيس بوك مثلا عرض عام لحياة الانسان - هل انتى زوجة جعلها الانترنت تنتظر بفارغ الصبر ذهاب زوجها للعمل كي تتفرغ لمواقع الشات ” المواقع الاجتماعية ”من علاقات ومعاملات وصور عائلية وشخصية واقولكو على سر :- عملت حساب عليه وبعدين بصراحة احتقرت نفسي جدا اني عملت كده اولا اللي تعمل كده ميطلقش عليها اصلا لقب زوجة - هل انتى زوجه ستقولين ان زوجى يجلس بجانبى وانا على الانترنت ؟ ... اذن فما هى يا ترى نظرتك لزوجك ؟؟؟سواء كانت بتدخل شات او كانت سفيرة علاقات عالفيس بوك او ايا كانت الراجل اللي يعمل كده سوري يعني مش راجل اصلا هل انتى سعيده بعدم غيرته وبروده ؟؟الا اذا كانت زوجته دي شغلها او دراستها عالنت وفي الحالة دي طبعا مش حيقعد جنبها الراجل اللي ميغيرش على مراته اكيد مش بيحبها لانه لو بيحبها عمره ما حيقبل بده أم انتى سعيده بتياسته وقرونه ؟؟ فعلا كنت عايزة اقول الكلمة دي بس مرضتش وتبررين ذلك بالجمل الخالده لكل فتيات العصر الحديث - انا واثقه فى نفسي وما دمت ما بعملش حاجه غلط يبقي خلاص اللي بتعمل صح ومش بتعمل حاجة غلط مش حتستنى جوزها ينزل شغله علشان تقعد خمس او ست ساعات عالنت وتقوم في خمس دقايق تلم بيتها وشغل بيتها اذن السؤال الأن : ماهو الغلط بالنسبه لكم ؟؟الغلط :- وتتشدقين بانك محافظة جداً ومتدينة جداً وعلاقتك بالانترنتهو الصداقات المحرمة والعلاقات المشينة اللي بيكون اولها دعوة عالميل او حتى رسالة عالفيس بوك ممكن نتعرف؟ كلنا اكيد جاتلنا الرسالة دي بس يا ترى مين عمل ايه معاها؟ ويا ترى اللي قبلها قبلها علشان ميحرجش الشخص وخلاص ولا قبلها وفي نيته احلام واوهام د يكون سمعها من اصحابه او زمايله لاتعدو مكانا للتسلية وقتل الفراغ او تبادل الخبرات مع غيرك مما هو مثلك حول شئون الاسرة وتربية الاطفال ؟ البنت مش عيب انها تكون محترمة وملتزمة وتدخل عالنت بس المهم بتدخل تعمل ايه وتتكلم مع مين وفين وفي ايه؟ 100 سؤال لازم يتجاوبوا قبل ما نحكم عالولد او البنت بانهم ملتزمين او لا - هل انت زوج يغافل زوجته ويترقب البقاء مع جهاز الكومبيوتر لوحده ؟برضه زي ما قلنا عالزوجة وتبرر هذا بان زوجتك اصبحت مهملة وان شعلة الحب التيالزوج اللي يعمل كده ميستحقش لقب زوج عارفين ليه لان الزوج ده المفروض انه بيحمي الاسرة مش بييهدها وانا اعرف بيوت كان سبب من اسباب انهيارها النت والعلاقات اللي عالنت بس للحق على فكرة في ستات او زوجات هم اللي بيدوا للراجل فرصة انه يعمل كده باهمالها في نفسها وشكلها وشياكتها ودلعها كانت قد انطفأت على حين غيرة وان الحياة الزوجية اصبحت رتيبة ومملة !! لازم يشوف مراته طبعا كده لان البنات اللي بيعرفهم ويكلمهم او حتى اللي بيشوف صورهم مش حيحطوا صورهم وهم في المطبخ ولا بيمسحوا البيت ولا بينضفوه ولا واقفين على ترابيزات المكوة لما ضهرهم اتقطم - هل انتى فتاة تبحث عن عريس لها وتعتقد بان هذه اسرعلكن يا عيني اللي في البيت دي هو مش بيفكر ان منغيرها لا حياكل اكل حلو ولا حيلبس لبس مكوي ولا شوزة متلمعة ولا اي حاجة من دي ولا حتى حيعيش في مكان نضيف بس مع ده كله نصيحة للزوجات : نضافتك وشياكتك وجمالك في عين زوجك من اهم عوامل انه ميدخلش عالنت علشان علاقات ولا صحوبيات واسهل طريقة للحصول على عريس الغفلة ؟؟ البنات اللي عملت كده خدوا على دماغهم لان اول مشكلة بتحصل بينهم بيفتكرلها كل حاجة واول كلمة بتتقال انتي اللي كنتي بتدوري عالعرسان ده حتى دورتي عليهم عالنت - هل انت شاب تعتقد بانك اصبحت دون ... جوان زمانك وانكتوقع بالفتيات الواحدة تلو الاخرى بدباديبك، واصبحت دونجوانا عابرا للقارات على الفيس بوك او تويتر ؟ مع اني مش شاب ( مذكر يعني ) الا اني شايفة ان كل حاجة بيعملها الشاب لازم تترد ليه في الدنيا قبل الآخرة سواء كانت في امه - اخته - بنته - اي انثى من عيلته الموقرة طبعا اللي منقدرش نقول عليها تلت التلاتة كام - هل انت طالب او طالبة تلميذ او تلميذة اصبح شغلك الشاغلهو البحث عن المراجع العلمية والدراسات السيكولوجية والانثروبولوجية على الانترنت ؟ لكنك في الحقيقة تضيع وقتك من حيث لاتعلم باشياء ليست لها علاقة من قريب او بعيد بالتعليم . ناس كتير نظرا لجهل بعض الاباء والامهات بحياة النت - هل مللت كل ذلك وشعرت بان حياتك الواقعية تبخرت وحلتيقعدوا انهم بيذاكروا ولكن الحقيقة تقدر تقول ممكن شات - ممكن تفاريح مع اصحابهم وهئ و مئ وكده يعني محلها حياة افتراضية وهمية ؟؟ نوع تاني بقى من اللي عالنت - هل حاولت اكثر من مرة الاقلاع عن الدخول للانترنت ثم عدتعندهم شيزوفرينيا ( انقسام في الشخصية ) حياتهم الحقيقية مش عاجباهم ومش قابلينها وليهم حياة سرية عايشينها في الاوهام وبس وفي الكدب اللي عالنت بيحلموا انهم عايشين في قصور ... والاصل هي جحور بيحلموا انهم بياكلوا سيمون فيميه ... والاصل لقمة يا بيه بيحلموا انهم بيلبسوا مستورد ... وهم بيلبسوا مستعمل بعد فترة لتبدأ من جديد ؟؟ النت فعلا ادمان وفعلا عندك حق ولازم حتى اللي بيدخلوا نت لشغل او دراسة يقننوا الدخول ويعالجوا نفسهم من الادمان ده لان للاسف النوع ده ملهوش مصحات ولا مستشفيات ولا ادوية تعالجه لازم الارادة وليتنا نفعل على الانترنت ما نفعله فى حياتنا الحقيقية
فعلا ياريت نعيش حياتنا زي ما هي منغير اقنعة ولا ماكياج ولا تجميل صدقوني ان كل انسان على طبيعته احلى واحسن وافضل 100 مرة اما اخيرا عارفة انك مش عايز ردود واجابات عالاسئلة بس انا بدات اكتب الرد محستش غير وانا ببعت كل ده عذرا عالاطالة
__________________
 المفكره  الماجيكاويهليلجأ العاصي إلى حرم الإنابة ...
وليطرق بالأسحار باب الإجابة ... ما صدق صادق و رد ... ولا أتى الباب
|
|
#3
2010-01-04, 03:02 AM
|
||||
|
||||
|
اقتباس:
اولا:- ارفع لكى القبعه احتراما لكى على اجاباتك التى لم اكن اريدها فعلا وانا اكتب الموضوع ولكنى بعد ان قرأتها لم ادرى بنفسى الا وانا اكتب لكى هذا الرد فتقبلى منى كامل احترامى وتقديرى لكى ايتها "المفكره الماجيكاويه" لكى منى جزيل الشكر ثانيا:- انا شخصيا لم اشعر بالاطاله فى الرد من حلاوه هذه الكلمات التى كتبتيها وكنت اتمنى ان تطول وتطول وتطول لاكثر من ذلك
__________________
من النهارده مفيش توقيع
الفيلا بتاعتنا هى التوقيع
|
|
#4
2010-01-04, 04:32 AM
|
|||
|
|||
|
ع فكره الموضوع ده حساس اوى ومحتاج نسمع راى كل حد هنا
والناس اللى هتخش عشان تزود مشاركاتها وتقول مشكور وكدا يا ريت متخشش وانا هفضل متابع ف الموضوع ده عشان انا محتار فيه بجد وهعلق ع كل كلمه تتقال فيه ان شاء الله
__________________
الحنين ...تذكر لمشاعر انتحرت في زحمة الحياة..
همسه ...اسر ... ضحى 
|
|
#5
2010-01-04, 05:10 AM
|
|||||
|
|||||
|
ايه يا معلم التقل ده دا انا بقالى فتره بدور ع موضوع ارد فيه بس مش لاقى موضوع محتاج لمناقشه بجد
وانا عن نفسى هعلق عن كلام فى دماغى فعلا يعنى مش كلام شعارات او تقدر تقول تجربه شخصيه . ده ردى ع فن ديزل اقتباس:
ببساطه لان الصداقه غايبه فى البيوت لو كل واحد له اخت بقى صديقها والله ما هتروح تصادق شويه رمم من بره او من ع النت وكله يقولك بنعاملهم زى اخواتنا ولو قلتله ترضى لاختك ؟؟ يقول لا طب ليه ؟؟ مفيش حد زىى مش هيثق فى حد اكتر من نفسه بس بجد لزى الاخوات ولا بتاع مثلا يعنى حاجه بتحصل لو واحده صاحبتك ف الكليه مش ع النت بقى يعنى المقروض تكون علاقتك بيها اقوى وسورى فالكلام جت يوم لابسه ضيق شويه او حاجه منها بانت والله هتبص انا متاكد من ده لانى حصل ادامى كتير يبقى لسه سايبها ويقولك بص ياد لابسه ايه دى تلاقيها لابسه ...... انا شخصيا حصل معايا الموقف ده وكمان فى واحد صاحبى بيقولى انه كان بيكلم واحده ع النت والمفروض انه بيكلم اخته طبعا هههههه بس للاسف كان فاتح فى خلفيه صفحه الشات فيلم ........ اكيد مش محتاجه تفسير طب قولولى ازاى بقى تبقى اخته وكده برده نقطه غلط عند الولاد كمان ازاى يوفق بين حاجتين فى نفس الوقت وفى الاخر يقولك بعاملها زى اختى لو اختك لابسه ايه حتى مش هتبصلها وطبعا مش بعمم فى ناس كتير كويسه اقتباس:
وتقولك اصل مامى اشترت مش عارف ايه من فرنسا بابى بيجيبلى ايه من هولندا وهى تلاقيها رمه ولا تسوى وبرده الكلام ع الولاد عشان البنات متزعلش ببس انا بتكلم عن وجه نظرى كولد اقتباس:
اقتباس:
وفى حاجه لازم منسساهاش " الطيبون للطيبات " يعنى انت لو كنت بتاع بنات هتاخد واحده بتاعت صبيان اقتباس:
تلاقيها تعرف الف واحد وتقولك مبعملش حاجه غلط مش عارف هتعترف انها بتعمل غلط امتى بس اللى يعرف معنى الغلط بقى اللى يقدر يقف ادام كل ده ويقول " لااااا " وبعدين فى حاجه البنات بتعملها وبتشلنى اوى تبقى بتعمل الغط ومتاكده انه غلط وتكابر لا وكمان تتكلم ع انها اليت الطاهره العفيفه وممكن كمان تقولك ف اخر الكلام " لا اله الا الله " وكمان تقولك "انت صليت العشاء ولا لسه " الكلام ده بعد ساعات من الرغى ومفيش مانع كلام قبيح ف النص وطبعا عشان محدش يفهمنى غلط مش كله وكمات عشان البنات ميزعلوش وبقولهم " مزعلوش " بس بجد ف لبس فى دماغ البنات عن مفهوم الغلط وف الاخر انا بنادى ع كله انه يشارك برايه يمكن حد يفهم الغطل من الصح بسبب الموضوع ده وطول ما البعابيع ع النت كله هيبقى تمام ان شاء الله سلامين وحته
__________________
الحنين ...تذكر لمشاعر انتحرت في زحمة الحياة..
همسه ...اسر ... ضحى التعديل الأخير تم بواسطة gollom ; 2010-01-04 الساعة 06:17 AM
|
|
#6
2010-01-04, 06:14 AM
|
|||||||||||
|
|||||||||||
|
اما بالنسبه لردى ع اسلاء القلب الاول بقوله او بقولها انت مالك حزين كده ليه اشلاء قلب يعنى خلاص الاسماء خلصت وقلبك مات ف انهى حادثه . ع العموم خير برده . انا شدنى الاسم ودخلت ع البروفيل وعرفت انك بنت .
اقتباس:
ده برده مقهوم غلط انهم ميكونوش عارفين ان ده غلط وحرام المهم يكونوا عارفين ويبقى من جواهم نفسهم يصلحوا الغلط ويرجعوا الوضع الطبيعى اقتباس:
وع فكره اوعى الناس تفتكر ان زمان مكنش فى ناس وسخه لا والله زمان كان فى ناس اقذر من القذاره بس نسبه قليله اوى لكن دلوقتى الغالبيه العظمى وسخين ----- وشوفوا " مدينه نصضر " ليله راس السنه وانتوا تعرفوا مين الرمم والكلاب اللى بتكلم عليهم اقتباس:
انا كمان كان فى دماغى وضع تانى للفيس بوك بس لقيته مس تمام مس مناسبنى يعنى مش دماغى عملت 2 اكونت عليه وف الاخر مش بعمل بيهم حاجه اقتباس:
اقتباس:
اصلا الصداقه نفسها ع النت او غيره حرام واللى بدأ بحرام لازم تكون نهايته حرام واحد من الطرفين هيضعف اقتباس:
اكيد ف بنات بتحتاج النت فى حاجات مفيده فى دراسه فى شغل او غيره ع حسب اقتباس:
والنصايح الجامده للستات دى الشكل والشياكه والدلع بس معلش مش سبب عشان الراجل يسيب بيته ويروح للنت انا مش متجوز واحده عشان دلعها وشياكتها وجمالها والا كنت شوفت واحده زى الست " هيفاء " او "نانسى " كل همى انى اشوفها حلوه وجاهزه ليا ع طول الجواز مش كلام حلو وخروجات ودلع و ..... وبس لا دى حياه ومشاركه روحانيه وفكريه ولو انتا يا سيدى بتحب مراتك حلوه ع طول اطلب منها كده مش تسيبها وتروح للنت وبناته اقتباس:
بس بجد والله اللى يفكر كده يبقى لا مواخذه حيوان كل همه واحده جميله وخلاص يقضى معاها --- لو الحياه كده يبقى احسنله ميتجوزش ويتعب بنات الناس معاه يشوف واحد تقضيله غرضه وخلاص مش واحده عاوزه تعيش من الاخر ومش معنى كده انها تفضل كده ع طول زى ما انا برجع من شغلى اخد دش لطيف واحط ريكسونا عشان متشوفنيش بعرقى بقرفى --- هى برده تخلص شغلها وتشوف نفسها عشان خاطره بس اللى يطلب انها ع طول تبقى حلوه يبقى بيطلب المستحيل ---- وبعدين المظهر مش هو كل حاجه المهم اللى جوه الانسان نفسه ---يا رب صابرين اقتباس:
اقتباس:
اقتباس:
وف الاخر بطلب من كل ح يجيله فكره ف نفس الموضوع يكتبها ويقولنا اللى حصل معاه هو شخصيا يمكن يمكن حد مننا يستفاد وبطلب من الخ فن ديزل انه يخش ويقولنا عن رايه الشخصى او تجربه شخصيه من موضوعه اللى اكيد مش من تاليفه وكمان الاخت اشلاء قلب انها تتحفنا بنصايحها بس بعد ما تقولنا عن افكارها الشخصيه او لو فى تجربه شخصيه وانا كمان هخش تانى واكتب تجربه شخصيه ليا وكمان كلل حد هنا ف المنتدى
__________________
الحنين ...تذكر لمشاعر انتحرت في زحمة الحياة..
همسه ...اسر ... ضحى
|
|
#7
2010-01-04, 02:58 PM
|
||||
|
||||
|
أولا وقبل اي رد اولا:- ارفع لكى القبعه احتراما لكى على اجاباتك التى لم اكن اريدها فعلا وانا اكتب الموضوع ولكنى بعد ان قرأتها لم ادرى بنفسى الا وانا اكتب لكى هذا الردبشكرك جدا جدا vindiesel واحب ارد على ردك و ححاول مطولش عليكو اعذروني بقى واحدة رغاية بجد أنا اللي برفع القبعة وانحني ( مع ان ده غلط دينيا ) بس مجرد تعبير عن احتلرامي للموضوع وكاتبه كمان فتقبلى منى كامل احترامى وتقديرى لكى ايتها "المفكره الماجيكاويه" شكرا على الاحترام والتقدير ده ( ويارب أكون قده ) وحلو اوي اللقب ده وعلى فكرة حخليه جزء من توقيعي بعد كده بس على ما الاقيله فكرة كويسة
__________________
المفكره الماجيكاويهليلجأ العاصي إلى حرم الإنابة ...
وليطرق بالأسحار باب الإجابة ... ما صدق صادق و رد ... ولا أتى الباب
|
|
#8
2010-01-04, 03:00 PM
|
||||
|
||||
|
ايها العضو جولوم
يعجز لسانى وتعجز كلماتى عن التفوه بأى كلمه ارد بها على ما كتبت ليس لانه لا يعجبنى ولكن لانى لا ولن اجد اى كلمات على نفس المستوى استطيع ان ارد بها على كلماتك واتمنى ان اكون موفق فى اختيار مواضيعى التى اقدمها لكم
__________________
من النهارده مفيش توقيع
الفيلا بتاعتنا هى التوقيع
|
|
#9
2010-01-04, 03:49 PM
|
||||
|
||||
|
أما بقى بالنسبة للماجيكاوي gollom ما شاء الله عليك واضح ان دماغك كويسة وعالية اوي واسمحلي ارد عليك كمان في اللي كتبته اما بالنسبه لردى ع اسلاء القلب الاول بقوله او بقولها انت مالك حزين كده ليه اشلاء قلب يعنى خلاص الاسماء خلصت وقلبك مات ف انهى حادثه . ع العموم خير برده . انا شدنى الاسم ودخلت ع البروفيل وعرفت انك بنت . تعليق بس صغير مووت ان اسمي أشلاء قلب ( بالشين مش بالسين ) أما عن الحزن فالحياة ملهاش طعم منغيره لانك اذا عشت علطول في سعادة عمرك ما حتحس بحلاوتها لازم يكون في حزن علشان تحس بطعم الفرح عندك حق والله مفيش رقابه الاب والام همهم يجيبوا فلوس وخلاص لعيالهم ده برده مقهوم غلط انهم ميكونوش عارفين ان ده غلط وحرام المهم يكونوا عارفين ويبقى من جواهم نفسهم يصلحوا الغلط ويرجعوا الوضع الطبيعى ومين قالك انهم مش عارفين سواء الاباء والامهات اللي شغالين في ساقية فلوس وبس أو حتى البنات والولاد اللي بيعملوا الحاجات دي الاتنين عارفين ان ده غلط واعرف اباء وامهات ندموا جدا على المسموحات اللي كانوا مدينها لولادهم لكن يا الف خسارة كان ده بعد فوات الأوان مش عارف انا حاسس كده ان البنات تحت سن 30 سنه بقوا تعبانين فى دماغهم قليل اوى لماتلاقى واحده عندها استعداد تشيل المسؤليه __ وسهل طبعا تلعب بدماغهم اوى وتعيشها الوهم لحد ما تاخد منها اللى انت عاوزه وخلاص تسيبها وتشوف رمه غيرها يا كلب وع فكره اوعى الناس تفتكر ان زمان مكنش فى ناس وسخه لا والله زمان كان فى ناس اقذر من القذاره بس نسبه قليله اوى لكن دلوقتى الغالبيه العظمى وسخين ----- وشوفوا " مدينه نصضر " ليله راس السنه وانتوا تعرفوا مين الرمم والكلاب اللى بتكلم عليهم 1- مش كل البنات زي ما قلت بدليل ان في بنات بيتجوزوا عندهم 19 و18 سنة كمان بيكونوا لسه بيدرسوا وكمان بيشيلوا البيت من الألف للياء وياسلام اذا ربنا رزقها بطفل تبقى كملت ورغم كده بيستحملوا وبيمشوا احوالهم زي الفل 2- كلامك صح بس بيني وبينك (بلاش الألفاظ ، المعنى واضح منغير ما تقولها علشان واضح من كلامك انك انسان كويس فبلاش تخلي الناس ياخدوا عنك فكرة غير كده ) الاعتراف بالحق فضيله ههههههه اوعى تزعلى " مزعليش " انا كمان كان فى دماغى وضع تانى للفيس بوك بس لقيته مس تمام مس مناسبنى يعنى مش دماغى عملت 2 اكونت عليه وف الاخر مش بعمل بيهم حاجه الله ينور عليك فعلا عندك حق هو مجرد انتهاك للحياة الشخصية للانسان ومش شرط زوجه حتى لو كانت بنت مينفعش اصلا تعمل كده اقتباس: كلام جميل وكلام معقول مقدرش اقول حاجة عنه الغلط :- هو الصداقات المحرمة والعلاقات المشينة اللي بيكون اولها دعوة عالميل او حتى رسالة عالفيس بوك ممكن نتعرف؟ كلنا اكيد جاتلنا الرسالة دي بس يا ترى مين عمل ايه معاها؟ ويا ترى اللي قبلها قبلها علشان ميحرجش الشخص وخلاص ولا قبلها وفي نيته احلام واوهام د يكون سمعها من اصحابه او زمايله ده نوع من الغلط اللى كلنا بنقع فيه المهم نفوق ومنكملش فيه عشان بجد هنتعب اوى اصلا الصداقه نفسها ع النت او غيره حرام واللى بدأ بحرام لازم تكون نهايته حرام واحد من الطرفين هيضعف المشكلة الأكبر هي ان حتى لو واحد بس من الطرفين ضعف للاسف الشديد التاني بيمشي وراه - الا ناس قليلة اوي- ويقنعه انه من زمان كان عايز يصرحله بالمشاعر دي بس يا حرام كان خايف - آل اصلا عنده نوع من الاحساس بالخوف - اكيد احنا مش قصدنا ان كل البنات بيقعدوا ع النت يعملوا غلط بس احنا بنقول كلام ناتج من تجارب او احاديث سمعناها من اصحابنا الرمم اللى بيضحكوا ع البنات ---- بس مش معنى كده اننا نمنعهم يقعدوا ع النت اكيد ف بنات بتحتاج النت فى حاجات مفيده فى دراسه فى شغل او غيره ع حسب طبعا زي ما في مواقع وحشة وسوري يعني زي ال... في مواقع مفيدة جدا وبالعكس كمان بتعلم دين ودنيا وفي مواقع دراسة اونلاين وفي حاجات كتيرة جدا ممكن تستفيد منها ايه الحق ده والكلام التقيل ده ونا برده اعرف بيوت سبب انهيارها النت والنصايح الجامده للستات دى الشكل والشياكه والدلع بس معلش مش سبب عشان الراجل يسيب بيته ويروح للنت انا مش متجوز واحده عشان دلعها وشياكتها وجمالها والا كنت شوفت واحده زى الست " هيفاء " او "نانسى " كل همى انى اشوفها حلوه وجاهزه ليا ع طول الجواز مش كلام حلو وخروجات ودلع و ..... وبس لا دى حياه ومشاركه روحانيه وفكريه ولو انتا يا سيدى بتحب مراتك حلوه ع طول اطلب منها كده مش تسيبها وتروح للنت وبناته فعلا تصدق اني فعلا نسيت النقطة دي خالص بس اللي كنت عايزة اقوله ان دي بتكون حجة الراجل انه بيصبر نفسه - يا حرام - وفعلا لو الراجل طلب من زوجته انها تتزين ليه ظاهريا وباطنيا وكمان عقليا والله لتعمل اقصى ما في وسعها علشان تكون قد دماغه يا سلام لما الواحد يشوف مراته وهى بتتعب عشان خاطره -- وهى واقفه تعمل اكل كده وريحتها بصل بقى يا سلام احلى برفيوم والله ويا سلام لما يشوفها بتمسح كده وال***يه طلعان عينها من العرق والميه والفنيك ياااااا بيبقى احلى منظر والله تحس انك متجوز واحد صاحبك ههههههه بهزر والله معلش بقى كيف لفت مش لفت أوي يعني بس يلا ربنا يرزقك باللي يعجبك ايا كان بس بجد والله اللى يفكر كده يبقى لا مواخذه حيوان كل همه واحده جميله وخلاص يقضى معاها --- لو الحياه كده يبقى احسنله ميتجوزش ويتعب بنات الناس معاه يشوف واحد تقضيله غرضه وخلاص مش واحده عاوزه تعيش من الاخر على فكرة اللي عايزة تعيش بترضي زوجها في اي حاجة حتى لو هي من جواها مش عايزاها ومش حباها وبالعكس علشان تثبتله انها مرتضية باللي هو عايزه كمان بتبتسم في وشه - حتى لو هو شخصيا ميستاهلش ده - ومش معنى كده انها تفضل كده ع طول زى ما انا برجع من شغلى اخد دش لطيف واحط ريكسونا عشان متشوفنيش بعرقى بقرفى --- هى برده تخلص شغلها وتشوف نفسها عشان خاطره بس اللى يطلب انها ع طول تبقى حلوه يبقى بيطلب المستحيل ---- وبعدين المظهر مش هو كل حاجه المهم اللى جوه الانسان نفسه ---يا رب صابرين ده بالنسبة لبنات وستات كتيرة معادلة صعبة وعلى فكرة مش بتيجي الا للي ربنا يوفقها لده نصايح حلوه والله احنا هنحاول نشوفلك واسطه ونعينك "سفيره" لحل المشاكل بين اليتات والرجاله بنصايحك عامة متشكرة ( مع إني شمة ريحة تريقة في الموضوع ) طب كويس انى اتاكدت انك بنوته ---- وبعدين ده دين هيترد هيترد متقلقيش مش محتاجة تأكيد انت بنفسك قلت انك دخلت البروفيل وقريت اني بنوتة ( بس على فكرة وقت الجد ان شاء الله ممكن اتحول - تحول مؤقت - ) وكمان الاخت اشلاء قلب انها تتحفنا بنصايحها بس بعد ما تقولنا عن افكارها الشخصيه
متهيألي أفكاري الشخصية كلها واضحة من كلامي وضوح الشمس او لو فى تجربه شخصيه أما عن التجربة الشخصية فإن شاء الله ليا عودة تاني حكتب فيها تجربتي
__________________
المفكره الماجيكاويهليلجأ العاصي إلى حرم الإنابة ...
وليطرق بالأسحار باب الإجابة ... ما صدق صادق و رد ... ولا أتى الباب
|
|
#10
2010-01-04, 04:55 PM
|
|||
|
|||
|
بجد انا بحب اشكرالقائد فن ديزل تانى واقوله لازم تحكى تجربه شخصيه واكيد مش مهم الاسماء بس استفدت ايه وانضريت بايه عشان نستفيد ----
وبرضه بحب اشكر الاخت"المفكره الماجكويه" اشلاء قلب ع مفاعلتها معنا واقولها اكيد لما نسمع تجربتك الشخصيه هنستفيد وانا برضه اكيد هحكى تجربه شخصيه ليا مع النت وصدفه وبناته ----- وفين يا جماعه اعضاء المنتدى يا ريت كل واحد يحكى حاجه حصلتله عشان نقدر نشوف كويس الغلط والصح ويكون نقاش هادئ بدون انحياز للولاد او البنات ----
__________________
الحنين ...تذكر لمشاعر انتحرت في زحمة الحياة..
همسه ...اسر ... ضحى
|
|
| مواقع النشر (المفضلة) |
| الكلمات الدلالية (Tags) |
| ....., الانترنت, نغمه, نقمه؟؟!! |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [نغمه] نغمه رعب موت خوفأ | لما0220 | رنتك باسمـك | 2 | 2012-08-15 11:01 AM |
| [نغمه] نغمه جميلة جدأ | لما0220 | رنتك باسمـك | 6 | 2012-08-15 10:28 AM |
| نغمه زاكية وغريبة | لما0220 | سلة المحذوفات | 0 | 2010-09-01 11:11 AM |
| اجمل نغمه فيل بيحكي | لما0220 | سلة المحذوفات | 0 | 2010-08-30 12:14 PM |
| ادخل وقله كل سنة وانت طيبalicrysis | prince of alex | منتدى الترحيب والاهداءات | 4 | 2009-05-18 12:31 AM |
العرض العادي
