لو كنت مواليد 1980:1990 تعالى افكرك بذكرياتنا سوا (ادخل والله مش هتندم ابدا)انا بحلف

[karmen]

دى كانت حياتنا فعلا بس كانت اجمل ايام عمرنا
مواليد الفتره من 1980:1990
عاصرنا حاجات كتيره اوى
تيجوا نفتكر زكرياتنا سوا
ياااااااااااااااه
كل ما افتكر الحاجات دى بحس بحنين غريب اوى للماضى
اقرا انت كمان الموضوع لآخره وقوللى انت عاصرت الكلام ده وعشته وقوللى حسيت بإيه دلوقتى لما قريته





عاوز تتأكد أنك من الجيل الموكوس ؟ اذا كنت عشت الحاجات دي كلها او جزء منها تأكد انك من الجيل ده.

راجع معايا كده:


1.اذا كان لبسك الصيفي في يوم من الايام مكون من مجموعة تيشرتات (كيلفن كلاين) مضروبة وبناطيل تلجي شارل ستون (يا حبذا لو كانت ماركة انتربول التركية كنت تبقى ملك).



2.اذا كان لبسك الشتوي في يوم من الايام مكون من مجموعة مختلفة من (الهاي كول) ترتدي فوقها قميص كاروهات أو جاكيت هافان.



3.اذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة فيهما ثم فوجئت عند مشاهدهما على الفضائيات ان التليفزيون المصري كان يخدعك طوال هذه السنوات ويعرض لك (ربع المسرحية).



4.اذا كانت الخيارات المتاحة امامك لمشاهدة فيلم في السينما هي فيلم نادية الجندى (نجمة الجماهير) وفيلم نبيلة عبيد (نجمة مصر الأولى) وفيلم عادل امام (مكانش بقى زعيم لسه).



5.اذا كانت الخيارات المتاحة امامك لمشاهدة مسلسل في التليفزيون هي مسلسل أحمد عبد العزيز التاريخي أو مسلسل أحمد عبد العزيز الرومانسي أو مسلسل أحمد عبد العزيز الصعيدي.



6.إذا كانت كل البنات من حولك معجبين بأحمد عبد العزيز ويرينه فارس أحلامهن (رغم قصر قامته وشنبه اللي مش عاطفي اطلاقا).



7.اذا كنت متابعا جيدا لسهرات التليفزيون الممتعة (اخترنا لك - تاكسي السهرة - بانوراما فرنسية)



8.اذا كنت شاهدت اثنين او اكثر من حفلات ليالي التليفزيون والتي كان الاعلان عنها يصحبه رقم الليلة (ليالي التليفزيون..الليلة السادسة والعشرين)..حتى جاء الاختراع اللى اسمه مارينا وقرروا ينقلوا الحفلات فيه لتقضى نحبها وتدفن بمقابر الساحل الشمالي.



9.اذا كنت تشاهد عند عودتك من المدرسة أو الجامعة برنامج (أماني وأغاني) لتشاهد أحدث الكليبات المكررة يوميا متحملا في سبيلها سماجة مذيع البرنامج (احمد مختار).



10.اذا كنت تنتظر بلهفة برنامج (كلام من دهب) رغم مذيعه الأكثر سماجة طارق علام.



11.اذا كنت عاصرت مشكلة ادمان الهيروين وحاصرتك تماما في الافلام والمسلسلات والاعلانات والصحف (جميع نجومنا ونجماتنا تقريبا لعبوا دور المدمن وتألموا وهم يطلبون "شمة واحدة" رغم ان المتعاطي لا تصبح حالته بهذا السوء إلا بعد أن يتعدى مرحلة الشم لمرحلة الحقن!).



12.اذا تكون عاصرت انحسار مشكلة ادمان الهيروين بعد ادراك الشباب لاخطاره واتجاه العاقلين منهم للحل *****ي الأكثر أمانا ومتعة (الحشيش)!!!



13.اذا تكون شاهدت على الحجار مرتين في يوم واحد على نفس القناة...مرة العصر مرتديا التيشرت والشورت والنضارة الشمس وهو يغنى (يا اسكندرية يا مدوبانى) ومرة الفجر مرتديا ال***اب والجبة وهو يغني (صلينا الفجر فين).



14.اذا كنت اعتدت ارتداء الكاسكيت بشكل مقلوب حاميا قفاك من الشمس ولم يكن شكلك (بتاع انابيب)!



15.اذا كنت تمتلك مجموعة من روايات رجل المستحيل وملف المستقبل وتعتبرها قمة فى الادب..وكنت تقوم باستبدالها من المكتبة باعطاءه العدد وربع جنيه لتحصل على عدد آخر.



16.اذا كنت قد عاصرت الصراع على قمة مبيعات الكاسيت بين عمرو دياب (قبل ان يتجه للعالمية التى لا يؤمن بها إلا هو ومجموعة من محبيه) ومحمد فؤاد (قبل ان يتحول لدب قطبي).



17.اذا كنت تترقب بشدة أى حفلة بها فقرة (عزب شو) وتستمتع بحمود عزب وهو يقلد محمد منير ومحمد نوح!



18.اذا كنت شاهدت فيلم (جحيم تحت الماء) أكثر من عشر مرات واستمتعت برائعة سمير صبري الكارثية (اضحك يابو علي يا خفيف الدم)!!!!



19.إذا كان قمة الثقافة والعلم في رأيك ان تشاهد بانتظام حلقات برنامج د.مصطفى محمود (العلم والايمان).



20.اذا كنت قد مشيت في شوارع المعمورة لتجدها كلها تستمع لأغنية (عبد القادر) للشاب خالد أو (حوا) لمجدي خوري أو شريط (سحراني) لايهاب توفيق.



21.اذا كنت قد حضرت فرحا او اكثر اسمتعت فيه لاغنية (بدنا نتجوز عالعيد).



22.أن تكون قد عاصرت قنبلة (كابوريا) التي جعلت كل الشباب يزيل الشعر من جانبي رأسه ليبدو مثل (حسن هدهد) .



23.ان تكون (امعانا فى الثقافة الموسيقية) قد اشتريت اصدار او اكثر من شريط الكوكتيل الغربي (واتس ناو).



24.ان تكون قد شعرت بحرج بالغ عندما شاهد والدك او والدتك احد حلقات مسلسل (فريندز) معك لما يحتويه على كلام جنسي بذئ (بمقاييس وقتها طبعا!).



25.ان تكون شاهدت كليب المغنية حنان الشهير (اضحك بقى وافرجها ياعم)..واطلقت على المغنية بينك وبين اصدقائك لقب (المعزة).



26.اذا كنت تمتلك البومين أو أكثر لتجميع الستيكرز (صور لاعبين كرة أو شخصيات كارتون حسب ميولك وقتها).



27.اذا تكون قد منعت لعدة أيام من اللعب في الشارع بسبب خوف أهلك عليك من (السلعوة)!



28.إذا كنت قد تابعت بشغف واحد من مسلسلات (ذئاب الجبل - المال والبنون - ليالي الحلمية - من الذي لا يحب فاطمة)



29.اذا تكون قد شربت أكثر من مائتي زجاجة كوكاكولا في شهرين من أجل رحلة (البحث عن الجادون).



30.اذا اعتدت في الصيف ان تشغل الكاسيت بصوت عالي عصرا وتقف في البلكونة بالفانلة الداخلية والسلسلة وفي يدك كوب الشاي والسيجارة (لو كنت مدخنا) مستمتعا بسماع الموسيقى ومعاكسة البنات وانت متأكد من أن الحوار الدائر بينهن يدور حول وسامتك!



31.اذا تكون قد استخدمت علبة جيل الشعر كلها مرة واحدة (لو كنت ابن ناس ومعاك فلوس) او قمت بفرد شعرك بكريم جلات (لو كنت ابن ناس برضه بس مش معاك فلوس) لتقوم بزحلقة شعرك ليبدو مثل عمرو دياب في أغنية نور العين.



32.اذا كنت قد لعبت في طفولتك باحدى اشكال لعبة (الميكانو).



33.اذا كنت قد حضرت فتره امتازت فيها أسماء الشهرة للسيارات الفاخرة بالرومانسية الشديدة (الخنزيرة - التمساحة - البودرة - الشبح).



34.اذا كنت قد اشتريت (بلوفر تملى معالك) بالوانه الشهيرة الابيض والاسود والاخضر.



35.اذا شاهدت يوميا بعد الافطار في رمضان برنامج (بدون كلام) الذي يقدمه الممثل حسن مصطفى والذى اعتاد ان يستضيف زوجته ميمي جمال في أحد الفريقين وان يتحيز للفريق الذي تشارك فيه ويقوم بتغشيشهم.



36.ان تكون قد لاحظت حسن مصطفى وهو يميل على اذن فيفي عبده ليقرأ لها اسم الفيلم في الورقة (لم تكن قد تعلمت القراءة بعد).



37.اذا شهدت النجاح الساحق لاغنية حمدي باتشان (ايه الاساتوك ده..اللى ماشي يتوك ده).



38.اذا شهدت تحويل نفس الاغنية لاعلان مسحوق غسيل سافو بمشاركة حمدي باتشان والموديل الأشهر في مصر وقتها (نسرينا).



39.اذا كنت قد شهدت انحدار ذوق ذكور مصر لدرجة جعلت وفاء عامر ملكة للأغراء ونهلة سلامة نموذج للأنوثة وجعلت هياتم تغوي جميع الرجال



40.اذا كنت قد شاهدت نادي الزمالك يترك أفضل لاعب في مصر (رضا عبد العال) يرحل للغريم التقليدي الأهلي بسبب رفض طلبه لزيادة راتبه السنوي برقم ضخم للغاية (15 ألف جنيه!!!)



41.اذا كان المسلسل الكوميدي المفضل لك في الابتدائية هو (بكيزة وزغلول) وفي الأعدادية هو (وانت عامل ايه) وفي الثانوية (يارجال العالم اتحدوا)..خاصة شخصية بطرس منقريوس التي لعبها النجم حسن حسني.



42.اذا طاردتك ايمان الطوخي لفترة من حياتك..تجدها صباحا بطلة لمسلسل الأطفال (كوكي كاك) وعصرا مغنية تقول (انا من النظرة الأولى شفت الدنيا بلون الورد) ومساءا ممثلة تلعب دور استر بولونسكى فى رأفت الهجان.



43.اذا كانت الألعاب الألكترونية المتاحة لك تتراوح بين الاتاري الاسود (ابو دراعين كبار) او كومبيوتر صخر التعليمي (صاحب الالعاب السخيفة) أو الاتارى الفاميلى (سوبر ماريو وكابتن ماجد طبعا) أو الأميجا أبو ديسكات (ولعبته الشهيرة سينس بول).



44.اذا كنت قد تابعت بشغف مسلسل (الرقص على سلالم متحركة) وتحدثت مع اصدقاءك عن شخصياته (دينا طحن ووديدة صاروخ وناصر اورجنايزر).



45.اذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي.



46.اذا شاهدت مسلسلا للمخرج حسام الدين مصطفي ورأيته في أخر التتر بصلعته اللامعة وسلسلتة الذهبية ينظر للكاميرا بابتسامة غريبة وهو يشير بابهامه لأعلى.



47.اذا كان مسلسل الأطفال المفضل لديك في رمضان يتراوح بين (سلاحف النينجا) و (باور رينجرز)..



48.اذا قمت بتركيب (موتور) لتحريك الاريال فوق السطوح وقمت بتزويده بجهاز (بوستر) لتقوية الاستقبال وسهرت في ليلة صيفية تحرك الاريال بحثا عن قنوات المستقبل والام تي في وسيجما واسرائيل الثانية!!



49.اذا كرهت الشخصية التي لعبتها تيسير فهمي في مسلسل (أبناء ولكن) والتي تسببت في تحويل حياة جميع الشخصيات الأخرى إلى جحيم..وفوجئت بها في الحلقة الأخيرة تندم على افعالها وتتحول لحمل وديع ويتصالح الجميع ولا عزاء لمرارتك المفقوعة.



50.اذا كنت قضيت ايام و ليالي بتسمع اغنيه "ددى ددى وا" بتاعه الشاب خالد الي كانت مكسره الدنيا و لما كانت تخلص تجيبها تاني من الاول



51.اذا كان كل مصروفك ضايع علي الفيديو جيم خصوصا لعبه الديناصورات بتاعه مصطفي و حنان , و عمرك ما قفلتها لحد دلوقت



52.اذا كنت ضيعت تحويشه سنه علي سماعتين بايونير بيضاوي و ايكوليزر جينسن و ركبتهم في عربيه ابوك الي كنت بتقلبها منه بليل



53.اذا كنت بتبقي قاعد مستني حلقه مازنجر و بمنتهي البساطه و انت مندمج في الاحداث يقطعوها عشان يجيبوا مجلس الشعب



54. اذا كنت دخلت فيلم "تيتانيك" اسطوره الرومانسيه و شفت البنات و هي طالعه من السينما منهاره و بتعيط من احداث الفيلم و انت طالع بتعيط علي فلوس التذكره.


55.اذا كنت سمعت أغنية ذكريات لعمرو دياب وكنت وقتها تعيط على الذكريات اللى افتكرتها لما سمعت الأغنيه
وبتتحسر عالماضى
اللى هو اصلا ساعتها مكنش لسه لحق يبقى ماضى وانت اصلا كان عندك كام سنه عشان تبقى زكريات




اسمع الأغنيه دى دلوقتى بعد ما تقرا الموضوع وشوف هتحس بإيه
وقولولى ايه رأيكم فكرتكم فعلا بالذى مضى واللا لأ؟؟؟
وطبعا دى حاجات بسيطه جدا مش كتير
وياريت اللى فاكر أى حاجه تانيه يقولهالنا

[radwan]

ياااااااه
موضوع مؤثر جدا
أقصد جميل جدا
بس الحاجات دى فعلا أيام التسعينات
أنا فاكر كل حاجة من الحاجات دى وخاصه أغنيه محمد فؤاد
كداب مغرور
لسه بسمعها وانا صغير
فكرتينى بذكريات يا سلمى
أقصد كارمن
مش عارف بقيت أتلغبط فيكو اليومين دول ليه

[THE KING]

والله يا كارمن انتى بتفكري فى حاجات كانت جامده فى الوقت ده ..
بس اعتقد انها كانت من الفتره 1985-1995

لأنى فاكر اغنية محمد فؤاد

كداب مغرور
قال ايه بيحبنا
بيلف ويدور ويحير قلبنا
وباقية الاغنيه نسيتها

واغنية عمرو دياب

زكريااااااااااااااااااااااااااااااات عشنا فيها
وباقية الاغنيه مش فاكرها

وبس

[karmen]

المشاركة الأصلية كتبت بواسطة radwan التحميل

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

ياااااااه
موضوع مؤثر جدا
أقصد جميل جدا
بس الحاجات دى فعلا أيام التسعينات
أنا فاكر كل حاجة من الحاجات دى وخاصه أغنيه محمد فؤاد
كداب مغرور
لسه بسمعها وانا صغير
فكرتينى بذكريات يا سلمى
أقصد كارمن
مش عارف بقيت أتلغبط فيكو اليومين دول ليه

أنا ساره أو كارمن لكن سلمى لأ مفيش أى مجال للخطأ
ثانيا فعلا أغنية كداب مغرور انا فاكراها كويس جدا وكمان أغنية الحب الحقيقى
والأطفال لما عملوا شكل قلب فى آخر الأغنيه
ياااااااااااه كانت فعلا حاجات حلوه جدا
ميرسى يا رضوان عالمرور

[karmen]

المشاركة الأصلية كتبت بواسطة 3mr التحميل

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

والله يا كارمن انتى بتفكري فى حاجات كانت جامده فى الوقت ده ..

بس اعتقد انها كانت من الفتره 1985-1995

لأنى فاكر اغنية محمد فؤاد

كداب مغرور
قال ايه بيحبنا
بيلف ويدور ويحير قلبنا
وباقية الاغنيه نسيتها

واغنية عمرو دياب

زكريااااااااااااااااااااااااااااااات عشنا فيها
وباقية الاغنيه مش فاكرها

وبس

أنا بقول يا عمرو مواليد سنة كذا يفتكروها
مش بقول ان الحاجات دى كانت فى سنة 80 و 90
لكن مواليد الفتره دى يكونوا عاصروها
يعنى هيكونوا كبروا شويه فهتكون الحاجات دى فى الفتره اللى انت قلت عليها بالظبط
المهم انها كانت فى التمانينات والتسعينات
ومش الحاجات دى بس
اللى فاكر حاجه تانيه يقولها
كلكم فاكرين كداب مغرور ما شاء الله
كات اغنيه مؤثره اوى وكنا دايما نشغلها فى الرحلات فى ابتدائى
تكملتها
غرقان فى بحر هوانا يابا وعيونه حلوه وكدابه
قال ايه عامل انه نسينا يابا اييييييييييه
بس مش فاكره
واغنية عمرو
زكرياااااااااااااااااات من ماضينا باقيه فينا ليه سرااااااب
فى الطريق قلوب بريئه قلوب غريقه فى الطريق
والحقيقه مش حقيقه فى كل شئ
بس كفايه كده

[radwan]

عادى يعنى لو غلطت فى سارة أو سلمى
أحسن الاتنين قريبين جدا من بعض
هحاول أخد بالى قريب

المسلسل بتاع أحمد عبد ااعزيز لسه فاكرة برده
بتاع مين اللى ميحبش فاطمة
كنت متخيل انه قمة فى الرومانسيه

[vindiesel]

فكرتينى بالذى مضى


يااااااااااااااااااااه والله كانت ايام جامده


كانت دى اقصى امانى اى واحد فينا


على الرغم من انها رخمه دلوقت بس كانت ايامها حاجات جامده

[karmen]

المشاركة الأصلية كتبت بواسطة radwan التحميل

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

عادى يعنى لو غلطت فى سارة أو سلمى
أحسن الاتنين قريبين جدا من بعض
هحاول أخد بالى قريب

المسلسل بتاع أحمد عبد ااعزيز لسه فاكرة برده
بتاع مين اللى ميحبش فاطمة
كنت متخيل انه قمة فى الرومانسيه

خلاص ولا يهمك بس خد بالك من الاسم بعد كده
أحسن...............

وفعلا كلنا ساعتها كنا متأثرين جدا بمسلسل مين اللى ميحبش فاطمه
كنا هبل اوى
مسلسل مش لذيذ خالص

[karmen]

المشاركة الأصلية كتبت بواسطة vindiesel التحميل

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

فكرتينى بالذى مضى


يااااااااااااااااااااه والله كانت ايام جامده


كانت دى اقصى امانى اى واحد فينا


على الرغم من انها رخمه دلوقت بس كانت ايامها حاجات جامده

فعلا يا فينديزل الحاجات دى زمان كانت جامده جدا
ذكريات تحفه
لكن الواحد دلوقتى لما بيفكر ان هو كان بيعمل وبيتفرج على الحاجات دى زمان
بيستغرب اوى وبيضحك على نفسه وعلى هبله

[بلابل المتمرد]

اة فكرتينى يكارمن بايام زمان

لا وكان فى برنامج زمان للاطفال اسمو بؤلز ههههههه كانت بتقدمه نجوه ابراهيم كان رزل اوى

بس انا كنت بتفرج علية وماسزنجر وكابتن ماجد و بمبة ونبيه

وكانت اروش اغنية ساعتة اغنية يلا يزو بة بتاعة محمود ياسين هههههههه واغنية لولاكى لو لو

لا وما كان التلفزيون المصرى يخصص يوم يجب فى فليم هندى لايمتبتشان نقعد مستنينو قبلها باسبوع


زكريااااااااااااااااااااااااااااااااااااااات