|
|
|||||||
| منتدي الفنون الادبيه شعر و قصائد وقصص وفنون أدبيه يُمنع وضع المواد التي تحتوي على موسيقى |
 |
|
|
أدوات الموضوع | إبحث في الموضوع | انواع عرض الموضوع |
|
#1
2009-11-23, 10:07 PM
|
|||
|
|||
رواية لعبة الأقدار كامله ..حب رجل لايموت الجزء 7و8و9
الجــــ السابع ـــزء
فواز حس وكأنه حد صفعه صفعه مؤلمة وحاس ان اللي سمعه مو صحيح فكرر سؤاله على فهد:انت مين بتخطب؟ فهد وهو مو حاس ايش يسوي بفواز:قلتلك بخطب العنود بنت عمتي..بس انت ايش رايك؟ فواز ويحس انه قلبه يوجعه ومايقدر يتنفس:الشور شورك... فهد:الحين انا متصلك وعازمك عشان اسمع شورك مو شوري انا؟ فوازمعد قدر يتحمل القعده فقام خذا الجاكيت وطلع من الكافية حتى قبل لا يلبس الجاكيت فهد استغرب هالحركة من فواز قعد يناديه وفواز مارد عليه وكمل طريقة. فواز حس انه لازم يطلع والا بيرتكب شي بيندم عليه فواز واهو ستند على الحائط وماسك على قلبه..ياربي ليه ..ليه ياربي العنود بالذات.ليه علقت قلبي فيها ليييييييييييييه.. ************* صوت الباب ينطق فقامت هيفاء نطت وافتحت الباب الا حصلت ام حمد واقفة عند الباب تبتسم:هلا هيفاء..وين العنود؟ هيفاء:العنود بالحمام..ليه ؟ ام حمد:لا بغيتها في سالفه.. هيفاء وهي تمازحها:يعني اطرد نفسي واسيبكو لحالكو.. ام حمد:ههههههههه..زين فهمتيها.. هيفاء:افا ياعمتي افا طردة يعني.. ام حمد:ماعاش من يطردك يابنت اخوي.. هيفاء توها بتكلم الا العنود طالعه من الحمام فقامت لمت حالها وطلعت وتركتهم لحالهم. ام حمد جلست على السرير وهي تربت المكان عشان تجلس العنود . ام حمد وهي تسح على شعر بنتها الحريري:العنود يمة تدرين انك كبرتي وصرتي عروس والف من يتمناك.. العنود بابتسامة:يمه ادري بهالكلام كله ممكن تعطيني الزبدة..انا ايش سويت؟ ام حمد وهي فرحانه: خالك يبيك لولده فهد ..ايش رايك؟ العنود هنا اتغير وجهها ن الابتسا مه الى الصدمة من اللي سمعته العنود وقفت بسرعة:يمه انتي ايش تقولين؟ ام حمد وهي مستغربة ردة فعل بنتها:العنود شفيك كنه مو عاجبك الموضوع. العنود وهي ترجى امها: لا يايمه انا اقلت شي بس فهد انا عادته مثل اخوي يايمه وماقدر اتزوجه. ام حمد:طيب انتي لا تقولين شي اللحين انا بعطيك مهلة لمدة اسبوع فكري فيها وردي لي خبر وبعدين فهد الف ن يتمناه لا تنسين هالشي.. امها اول ماطلعت العنود قطت نفسها على السرير وقعدت تصيح ياربي انا ليه حظي كذا يعني اللحين يوم بدا قلبي يتعلق بفواز يصير هالشي شوي الا هيفاء داخلة الغرفة. هيفاء:وووووووه..الجو برا مطر وبررررد مره. لما شافت العنود تصيح انصدمت من شكلها قعدت على السرير تهزها:العنود شفيك امك ايش قالتلك....العنود ردي علي.. العنود وهي تصرخ: مافيني شي .. هيفاء بعناد:لا فيك شي ..قوليلي. العنود:مافيني شي خليني بحالي ..ارجوك ياهيفاء.. هيفاء استسلمت:طيب راح اخليك لحالك لكنك بتعلميني ايش فيك لما تهدين.. اول ماطلعت هيفاء قامت العنود واجلست عند الشباك وهي حاطه جبهتها على الزجاج وتراقب المطر عبر دموعها المتساقطة.. (ياربي تستجيب لدعائي وترشدني لطريق الصواب) اللي ماكانت منتبهتله العنود ان في واحد واقف تحت المطر يراقبها ..فواز كان يتعذب وهو يشوفها بهالمنظر كانت تبكي ومبين على وجهها..كان هذي اول مرة يشوف شعرها وماتوقعه بهالروعه كان مسترسل على كتفها مثل الحرير..تنهد بيأس لأنها مستحيل في يوم من الايام بتكون له ،بروحها ماتحبه ولا تطيقه..وبعدين هي مصيرها مع فهد..هو اللي يستحقها..نظر لها نظرة اخيرة ورفع ياقة الجاكيت وكمل طريقة لشقته.. ************* ثاني يوم الكل كان مستعد للرحلة للملاهي اللي هي (برايتون) وكانت هيفاء لابسة بنطلون جيشي وفوقه فستان زيتي وايشارب يناسب معاه اما بالنسبة للعنود اللي بالمرة ماكان لها نفس تروح للرحلة فلبست جاكيت اوف وايت موديل عسكري وتحته بنطلون جينز اسود وطبعاً كانت لابسة نظارة سوداء تخفي الظلال السوداء اللي تحت عيونها من قلة النوم،هيفاء كانت مرة مو مرتاحة من حالة العنود النفسية والتفتت على فهد أخوها اللي هو الثاني اليوم ماكان طبيعي كان طول الرحلة ساكت ومايتكلم الا لما احد يكلمه. لما وصلوا الملاهي كانوا الكل مجتمعين عند البوابة يتناقشون وين يتلاقون لما يخلصون..الا واحد جاي من بعيد وكان لابس كاب رياضي ونظارات شمسية مخفية عيونه،بس العنود على طول عرفته حتى دقات قلبها تسارعت بشوفته..فواز اول ماوصل قاعد يكلم فهد وعينه مافارقت العنود وحمد ربه انه لابس نظرة عشان يشوفها من غير ماتحس فيه. فهد:اهلااااااااااا..زين انك جيت ياخي كنت معند انك ماتجي.. فواز وهو يضحك:ههههههه ...والله قلت لنفسي بدال ماقعد بالشقة مقابل الجدران اروح واشوف احبابي احسن. هو أول ماقال كلمة احبابي التفت على العنود وكأنه يقصدها بهالكلام العنود ارتجفت ولما التفتت عليه شافته يطالعها وهو يبتسم لها بسخرية حست ان اللون الاحمر طغا على وجهها كله من الحرج،الكل افترق وراح في طريقة. لما قعدوا النسوان مع ابو فهد وابو حمد الاتلفون ام فهد يرن طلعت التليفون من غير ماشوف الرقم. ام فهد:السلام عليكم؟ :هلا والله بهالصوت .. ام فهد مستغربة:نعم اخوي بغيت شي.. :حبيت اقولك اني احبك ومشتاقلك حيييييل. ام فهد عصبت:ماتستحي على وجهك ياولد. تركي: هههههههه خالتي هدي اعصابك شفيك ماعرفتيني؟ ام فهد بابتسامة:هلا والله بالغالي ولد الغالية.. تركي بابتسامة:تسلمين ياخالتي..شلونك انتي انشالله بخير؟ ام فهد:بخير بسماع صوتك ياعمري.. تركي:اجل انا متصل بس ابي ابلغك اني بمرعليكم واشوفكم. ام فهد بعبوس:والله فديتك احنا مو بالبيت اللحين ..بس مو مشكلة مر علينا الساعه خمس وتحصلنا ان شالله. تركي :تم خلاص الساعه خمس انا عندكم ..يالله تامرين بشي؟ ام فهد:مابي الا سلامتك ياعمري.. تركي:يالله فمان الله. ام فهد:بوداعة الله فديتك. ابو فهد اول ماسكرت سألها مين المتصل وقالت له ان هذا تركي وانه متصل بس عشان يمر ويسلم. ابو فهد:انا من شفتك مستانسة..عرفت انه واحد من عيال اختك؟ ام فهد:احبهم يابعد عمري.بس تركي غير من يوم كان صغير وهو الغالي عندي. 
|
|
#2
2009-11-23, 10:08 PM
|
|||
|
|||
العنود وهيفاء كانوا توهم طالعين من لعبة قطار الموت والعنود كانت دايخة وتحس ان كبدها تقلب عليها فقامت واستندت على الشجرة وهي تأشر على هيفاء:خلاص ياهيفاء يكفي لعب والله احس نفسي تعبانه...
هيفاء وعيونها تبرق اثاره:اي خلاص انتي الثانية لسه في العاب مالعبناها..يالله قومي. العنود وهي تجلس على الارض:لا روحي بروحك انا بريح والحق عليك بعدين. هيفاء:شلون يعني العب بروحي.. العنود التفتت شافت مها جاية باتجاهم:مهااااااااااااا تعالي .. لما وصلت مها:خيرررر؟ العنود:روحي العبي مع اختك مع عندها احد تلعب معاه. مها :وانتي وين رحتي؟ العنود وهي تسند راسها للشجرة:انا تعباااااااااااااااانه وماقدر العب.. هيفاء طالعتها بنظرة استسلام بعدها مسكت مها وراحوا يكملون لعبهم. ************* فواز كان رايح يشتري مويه من الكافتيريا لما لمح العنود وهي مستندة على الشجرة ومغمضة عينها تلفت حوله وراح لمكان ماهي قاعده،فواز وقف فوق راسها وهو يطالعها بابتسامة،العنود حست انه فيه احد يراقبها فحسبتها هيفاء فمنغير ماتبطل عينها:هيووووف خلصنا انا قلت ماراح العب تعبانه ومو رايقتلك.. فواز وبصوت ناعم:سلامتك من كل شر.. العنود افتحت عيونها من الصدمة:فوووووواز.. فواز:وش عندك قاعده هنا لحالك ؟ العنود وهي مرتبكة:لا..بس..تعبت شوي فقلت اريح. فواز وهو يتفرس فيها: نسيت اباركلك. العنود بأستغراب: تباركلي..على ايش؟ فواز ببرود:على الخطبة. العنود منصدمة:انت دريت ..لكن وش اللي عرفك؟ فواز:فــــهد.. العنود ببرود: خل في بالك ان انا لسه مارديت على فهد.. فواز حس براحه لما سمع كلامها وحاول انه يخفي هالشي: ليــــه؟ العنود:اعتقد ان هالشي مايخصك. فواز بغضب:واذا خليته يخصني ..وش بتسوين.. العنود:لااااااا انت شكلك منت بصاحي.. فواز بجدية:واذا قلتلك اني فرحان انك مارديتي عليه واني ابي اخطبك.. فواز مايعرف شلون هالكلام طلع منه بس حس انه لازم يقولها هالكلام. العنود من كثر ماكان قلبها يدق بسرعه حست انه فواز يسمعه: تبي... تخطبني...؟ فواز:ايه ..لاني حبيتك من اول ماشفتك..ولاقدرت اشيلك من راسي حاولت لكن ماقدرت ويوم قالي فهد انه خطبك حسيت اني ابي اقتل فهد لانه فكر ياخذك مني..فانا ابي منك رد يالعنود .. العنود وقفت وهي ماعد تحس برجولها :الرجال المحترم يروح ويخطب البنت من اهلها مو منها.. فواز:بس بغيت رايك انتي بالاول.. العنود ماقدرت تقول شي فهزت بكتوفها وكأنها ماتعرف ايش اهو ردها وركضت بعيد عنه وراحت لمكان ماكانت امها قاعدة وقعدت بجمبها وهي تحاول تهدي دقات قلبها المجنونه. فواز اتخذ قرار وهو انه يروح ويخطبها من ابوها رسمي بس انه كان متردد بسبب صداقته لفهد..لكنه خلاص قرر انه بياخذ العنود حتى ولو حطم هذا صداقته بفهد لان العنود له وماراح تكون لغيرة. ************ كانت الساعه 4:30 فقام تركي ولبس له جاكيت جلد بني ومن تحته بلوزه بيج ولبس معاها بنطلون كاكي اللون ،خذا مفاتيح سيارته وطلع من الشقة وهو مايبي يتأخر على الموعد اللي حدده مع عمته بس الحقيقة انه يبي يشوف ردة فعل هيفاء لما تشوفه. دقايق الا هو واصل لمقصده نزل من السيارة وراح رقى الدرج لغاية ماوصل للشقة ،رن الجرس وهو ينتظر. في نفس الوقت كانت هيفاء توها نازلة من الطابق الثاني لما سمعت الجرس يرن فصرخت للبيت:حــــــــــــــد عند البـــــاب.. فهد اللي كان منسدح على كنبة الصالة:وجـــــــــع انتي وصراخك يعني ماتقدرين تبطلينه.. تركي كان خلال نقاشهم يرن الجرس اللي تنرفز هيفاء لبست شيلتها وهي تصرخ متجه للباب تفتحه:انزين... انزين... حشــــا حرقت الجرس... تركي يسمع اللي تقوله من وراء الباب وهو يضحك عليها.. افتحت الباب وهي معصبة:نـــــــعم؟ لما شافته بققة عيونها من الصدمة:انـــــــت!!! تركي بأبتسامة سخريه: ايه أنــــــا.. هيفاء بغرور بتكبر:خيـر نعم وش تبي.؟ تركي بسخرية: بغيت الوالدة. هيفاء بغضب:بعد ولك وجه تسأل على امي..شوف احسلك تروح قبل لاا تصل على الشرطة فاهم؟ صكت الباب بوجهه ولا عطته فرصة يتكلم.. اول مادخلت الصاله فهد يسألها:مين كان على الباب؟ هيفاءبتوتر:لا مافي حد واحد مغلط يبي الشقه اللي قربنا.. هيفء في قلبهاتقول يارب غروره يخليه متحمل الاهانه ويروح هيفاء كان قلبه يدق بسرعه مثل الطبول خافت انه احد يسمعه من كثرمايضرب وش يبي اكيد يبي يعلم اهلهاباللي سوته.. الا الجرس يرن ثاني مرة فهد قام من مكانه بيروح يشوف مين وهيفاءو قفت في طريقه.. فهديطالعها مستغربوش فيها اخته استخفت.. هيفاء:على وين فهد يطالعها بحمق:وش فيك هيفاء بروح اشوف اللي عند الباب.. هيفاءبدهشه:لا مب لازم واحد مزعج يدورشقة رفيقه.. فهد:انزين ضروري احد يفهمه..ويقوله.. والجرس ظل يرن وهيفاءتحس انه حياتها معدوده كل ماتعدي دقيقه تمنى انه اللي يصير حلم مو حقيقه..فهد يمشي رايح للباب وهيفاء تعترض طريقه تحاول تاخره بس المحتوم صار وفتح فهد الباب حطت هيفاء يدها على وجهها ماتبي تشوف فتح فهدالباب وشاف انه تركي قعد يسلم عليه ويرحب فيه هيفاءكانت تسمعهم رفعت راسها من الدهشة.. فهد:هلا والله تصدق نسيت منك .. تركي:انا قلت كذا لاني معد سمعت منك شي..بعدين وش السالفه ساعه تردون على الباب فهدبضحكه:هذه الله يسلمك اختي هيفاء تقول لاترد اكيد واحد مغلط بالشقه وتحاول تخليني ماافتح.. هيفاء خافت من يوم عرفت انه صديق فهد اكيد ماراح يخش عليه ..هذه الاشكال ماينوثق فيها ذمتهم واسعه..لازم تدخل قبل مايقول حق اخوها وتطلع كلمة الحق من نصيبه ..هيفاء دخلت في نصف المناقشه بينهم ووقفت قدام اخوها..واخوها يطالعها بدهشه.. هيفاء تطالع اخوها: فهد لاتسمع كلامه ترى هذا واحد كذاب..يتبلى على.. فهد حواجبه مرفوعه:هيفاء وش فيك على الرجل ماسوى شئ..؟ تركي يطالع هيفاء بسخريه وعلى فمه نصف ابتسامه..يطالعها كان يسخر من تصرفها.. هيفاءترتجف:انت ماتعرفه هذا واحد نصاب ..يبي يستغلني..على حسابك ارجوك لاتصدقه.. فهديطالع تركي:وش السالفه يارجل قولي عسى ماشر.. هيفاء كانت تبي تكلم بس تركي قاطعها:اختك هذه فتحت الباب..حسيت اني مغلط بالشقه لاني ماتوقعتها تفتح الباب رحت مرتين ورديت مره ثانيه وهي على بالها اني اتحرش فيها.. هيفاء تطالع المجهول وعيونها بتطلع من هول الدهشه وش يقول هذا ..وش يقصد بالكلام اللي يألفه..ليش حاول ينقذ ماء وجهها القصه فيها علامة استفهام..ماتعرفها فهديضحك:هههههه هيفاء سريعة الانفعال بسرعه تزعل تعال حياك الله .. هيفاء مسكته من يده وهمست:وين دخله ..تدخل رجل غريب بيت كله حريم.. فهدبهمس:وش فيك انت هذا ..تركي ولد خالتي جاى يسلم على امي .. هيفاء حست قلبها طاح في بطنها تحس بطنين باذنها ..قلبها يرقع مثل البرق وقفت عيون هيفاء على تركي كان يطالعها بهدوء يلاحق تعابير وجهها استردت كل الذكريات اللي صارت معه وحست بالاحراج من اسلوبها معه كانت دايما تحس انها تعرفه وطلع الخيال واقع كانت طول المده تفكر في المجهول اللي خذا تفكيرها معه وتحس بالذنب انها نست انها مخطوبه و قلبها ملك لخطيبها .. هيفاء تئتئ ماقالت كلمه واحده مفهومه على بعضها فهد دزها من كتفها:روحي داخل ونادي امي ولا تطلعين.. رقت هيفاء الدرج ولقت امها وام حمدفي الصاله الشمسيه بسولفون ويضحكون كان وجهها لونه مخطوف من الصدمه كانت تحس بالحزن لان المجهول اللي كان سبب سهرها..كان سبب مخاوفها السنين اللي فاتت والجروح اللي ماندملت.. ام فهد وحواجبها معقوده:يما هيفاء وش فيك وجهك اصفر..؟ هيفاء رفعت راسها:هلا يما ..لا مافيني شئ ..بس مانمت امس.. امها بحيره:لا وجهك شكله كانك شايف جني بسم الله علينا.. وقفت امها ومسكتها من كتوفها وهيفاء كانت منزله راسها ماتبي امها تشوف الخوف اللي بعينها .. ام حمدبابتسامه:مافيها شئ بس دلع بنات ياام فهد.. هيفاء تصنع الضحكه :أي يما على فكره ترى فهد يبيك تنزلين تحت عشان تركي جاي يسلم عليك .. ام فهدبشك:لا تضيعين السالفه ياهيفاء انا اعرفك زين ..انا بنزل تحت وبرد وبتقولي لي كل شئ.. راحت امها وخلتهم وام حمد تطالعم باستغراب مش عارفه السالفه.. ام فهددخلت الصاله وبوجها ابتسامة كان تركي وفهد يسولفون ومندمجين بالسالفة يوم شاف تركي خالته فز من مكانه فاتح ذراعيه . تركي:هلا والله بالغالية.. ام فهد بتأثر:يامرحبا والله بولدي.. ضمته وهي مشتاقه له حيل ،وقرصته في ايده وهي تعاتبه:اعنبوه يالقاطع ولا كن عندك خالة ,,ولا اشوفك الا بالمناسبات.. وتركي يتصنع الالم:السموحه ياخالتي ..والله اشغال.. فهد يطالعهم ويضحك، التفت تركي عليه:اقول انطم مع وجهك.. فهد راح يضم امه وكأنه طفل صغير:شفتي يمه وش يقولي.. ام فهد تضحك على حركاتهم،تركي:بسك حركات يادلوع ماما وخلك رجال.. فهد فز بصدره:يعني كل هذا ومو مالي عينك.. تركي يهز راسه وهو يضحك والتفت على خالته:الا اقول خالتي. ام فهد:قول يمه.. تركي:وش عندكم ساكنين عند ابو فهد.. ام فهد: ليه انت مادريت؟ تركي وهومقطب جبينه:لا والله مادريت.. ام فهد:البولنديين اللي كانوا ماجرين شقتنا سرقوا المفاتيح وسافروا.. تركي:لا ..لا.. فهد:والله هذا اللي صار فقام ابو حمد الله يطولنا بعمره حلف الا ونسكن معه بالشقة.. تركي وهو يهز راسه:لا هالشي مايجوز..انتي ياخالتي بتجون تسكون بشقتي. ام فهد:لكن ياتركي مانقدر وابو حمد ايش بقوله وانت بعدين وين بتروح. تركي:انا شقتي دورين وانا استخدم الغرفة اللي بالدور الارضي وانتو الدور الثاني كله يصير لكم..اما بالنسبة لابو حمد فخليه علي انا..
|
|
#3
2009-11-23, 10:09 PM
|
|||
|
|||
|
الجــــــ الثامن ـــزء
كانت ام فهد تفكر في راي ابو فهد في انتقالهم لشقة تركي ماظنتي بيسمح ابوفهد كرامته ماترضى ..وخصوصا لشقة ولد اختها بعدين هو يفضل انه يسكن في شقة اخته ونسيبه على شقة تركي ..حتى هي قلبها مايطاوعها تخلي رفقه ام حمد وجلستها اللي توسع الصدر وتقعد في شقة لحالها مع عيالها بعد ماتعودت علىشملهم..بس رجعت تفكر في المحور الاساسي خطبة فهد للعنود اذا وافقت العنود من الغلط انهم مخطوبين ويعيشون مع بعض ..لازم تبعد فهد عنها عشان يفكر فيها بطريقه ثانيه وتنقطع منه مشاعرالاخوه ..ام فهد كانت سرحانه ماكانت تحس بالعيون اللي تطالعها.. تركي بهدوء:هاا وش قلتي خالتي ..موافقه؟ ام فهدانتبهت من سرحانها:والله ياولدي الشور شور ابوفهد مب شوري.. انا باخذ رايه الليله وان شاء الله يوافق.. تركي وقف:خلاص على خير قولوا لي رايكم بكره ..عن اذنكم انا استئذن الحين ام فهد:على وين توني ماشبعت منك .. تركي ابتسم:ايش اسوي ياخالتي وراي اشغال ..مع ان الجلسه معك ماتنمل.. تركي حط ذراعه على كتف خالته ومشى معها للباب وفهد وراهم.. ام فهد تطالعه بنص عين:اي اكذب علي بلسانك الحلو ..انا مب ذابحني الا هاللسان.. تركي يضحك:ههههههههه الله يهداك ياالغاليه هو فيها شك اني احبك. فهدبخبث:اي اشغال..ماحد يلعب على امي ..الوالده فطينه تفهمها وهي طايره اسالني انا.. تركي:لا انت حاله خاصه ماعندك اسلوب ولا السان ينقط عسل..تعلم من الخبير اللي قدامك.. فهداللي كان يبتسم عبس:انت يا لزقة عنزروت فارق وورنا عرض اكتافك.. ترى الباب يوسع جمل.. ام فهد التفت عليه مندهشه: ماانت بصاحي تطرد ولد خالتك.. تركي يطالع فهدويحره:اتركيه ياخالتي منك هالا شكال ماتنعطى وجه دخليه مدرسه خاصه يعلمونه الادب.. فهد بقق عيونه كان بيردعليه بس تركي قاطعه.. تركي حب راس خالته:يالله مع السلامه خالتي اشوفك على خير.. ام فهد بحنان:الله يسلمك ياولدي ..الله الله بالطريق لاحد يسرع.. تركي ابتسم:ان شاء الله ..لاتنسين تردين لي خبر بكره.. ام فهد هزت راسها..راح تركي وفهد كان مستند على الباب بكتفه و يطالع تركي بحمق.. فهد وهو يسكر الباب:عاجبك اللي سواه ..اشوفك لسانك علي انا بس.. ام فهد تضحك:ههههههه وش سوى..المسكين قعد يمزح معك ماتقبل المزاح.. فهد يهز راسه:لامزاحه ثقيل يبط الكبد..واللي قاهرني انك وقفت بصفه اجل انا من ولده.. ام فهد حطت يدها على خده:كلكم عيالي ..يحليك يافهيدان تغار على امك .. فهد وهو يضحك:والله كيفي اغار على امي حلالي .. في هاللحظه كانت في الطابق الاول وتحديدا في غرفة البنات هيفاء متغطيه في الفراش ترتجف راسها كان بينفجر من التساؤلات ليش سوى تركي فيها كذا ليش ادعى انه سواق ..ليش تستر عليها وكان اسلوبه مش اسلوب محترم مع خطيبة اخوه..ليش ليش ؟هيفاء غطت راسها باللحاف ودموعها تجمعت بين عيونها تهدد بالسقوط اكيد كان قصده انه يذلني ويستفرد بي لحالي عشان يكمل اللي سواه فيني من سنين ..مرت قشعريره علىجسمها لما رجعت لهاذكرى الحادثه اللي صارت لها رجع قلبها قلب البنت الصغيره اللي تحولت مخاوفها الى صديق رافقها طول هالسنين اللي فاتت والحين لما نستها رجعت مره ثانيه وصفعتها في وجهها ومن نفس الفاعل..انفتح الباب ودخلت العنود وعلى وجهها ابتسامه راحت وقعدت عند التسريحه تمشط شعرها .. العنود:يلا هيوف برزي حالك بنطلع نتمشى ولد خالتك اخيرا طلع.. هيفاء:……………. العنود:وش فيك ماتردين على ..ترى اذا تاخرت بروح واخليك.. هيفاء كانت متمسكه باللحاف بقوه وتطالع الارض سرحانه ..العنود تطالع هيفاء مستغربه كانت مستغرقه تفكر ولا انتبهت لها ..الله يستر لا يكون السالفه لها دخل بتركي..فال السوء مايجي والا يجيب المشاكل معه..قعدت تطالع بنت خالها وهي كاسره خاطرها.. العنود قامت وقعدت على السرير جنب هيفاء ومسكت يدها لقت يدها بارده ترتجف العنود تروعت ..رفعت هيفاء عيونها تطالعها وفي عينها مثل نظره العصفور اللي منكسر جناحه ومابيده حيله كان فمها يرتجف وفجأه انهارت تبكي وطاحت في حظن العنود تبكي كتوفها تهتزوهي تشهق من الصياح العنود انصدمت بس ماكان بايدها الا انها تجاريها ساكته لين تفرغ اللي في خاطرها ..لما هدت انفاسها ونوباتها خفت رفعت العنود راسها حطت يدها على وجه هيفاء العنود بتفكير:هيفاء وش فيك الله يهداك تبكين نوريني.. هيفاء نزلت راسها والدموع تنزل منها بصمت.. العنود ترجاها:الله يخليك ياهيفاء قولي لي انا العنود ليش خايفه.. هيفاء صدت ماتبي ترد عليها .. العنود:اذا ماقلتي لي الحين بروح اقول حق امك وتصرف معك.. بس هيفاء ما حركت ساكن وشعرها كان مغطي وجهها بعد صمت دام دقيقتين هيفاء:مااحد يالعنود يقدر يفهمني.. العنود ارتاحت:جربيني وماانتي خسرانه شئ.. هيفاءتنهدت:تذكرين يوم رجعت من السينما مع فهد لاني كنت تعبانه .. العنود:اي اذكر ساعتها كنتي جايه من الصيدليه وكنت متضايقه.. هيفاء كانت تبلع بصعوبه:يوم رحت الصيدليه صار شئ خطيرماعلمت حد عنه .. العنودوهي خايفه من اللي راح تسمعه:وش صار..؟ هيفاء بتفكيرراحت تسرد لها كل اللي صار والعنود تسمعها وهي منصدمه من اللي تسمعه ..معقوله كل هذا يصير حق هيفاء ولا قالت لها ..ياحياتي ياهيفاء صدق انك عانيت ولا حد حس فيك يالله وش هالبلوه اللي طاحت على راسك قررت العنود تساعد هيفاء وتخفف عليها.. العنود وهي محتاره:انزين وش اللي ذكرك باللي صار هذا كله اليوم..؟ هيفاء وجهها تألم:لان الرجل الغريب جاءاليوم الشقه .. العنود شهقت من الصدمه:وشلون وصلت فيه الجراءه انه ياتيك هنا.. هيفاء وهي تبتسم بحزن:لا وصلته الجراءه.. ولا فهد بعد استضافه بالصاله.. العنود تفكر:متى انا ماشفته ..لا يكون انت قصدك(سكتت من الصدمه)تركي ولد خالتك هو نفسه السايق.. هيفاءهزت راسها وبدت نوبة بكاء جديده.. العنود ماطلبت تفاصيل اللقاء لانها تدري انه بيألمها سكتت شوي بعدين حطت راس هيفاء على حضنها وهي تمسح على راسها والصمت هوسيد الجو العنود صممت انها تطلع هيفاء من جو الحزن اللي هي فيه.. العنود تبتسم:خلاص هيفاء تركي مايستاهل دموعك الغاليه .. هيفاء:العنود انا محتاره ليش سوى فيني كذا انا بنت خالته اولا ومرة اخوه مستقبلا.. العنود بتقطيبة:طيب خليه منك وانسيه ..اللحين قومي صليلك ركعتين وتعوذي من بليس..عشان نطلع. هيفاء تهز راسها رافضة:انتي روحي ..انا بصلي واناملي كم ساعه احس بتعب رهيب.. العنود:خلاص على راحتك..اجل انا بتصل على الهنوف وبطلع معاها..ولما ارجع ابي احصل هيفاء اللي انا تعودت عليها.. هيفاء تبتسم وردت عليها العنود الابتسامه وطلعت.. وهي طالعه دقت على الهنوف واتفقت هي وياها يتقابلون في قهوة ستاربوكس اللي باكسفورد ستريت.. اول ماطلعت من العمارة لفت يمين بنما فواز وحمد جايين من اليسار ودخلوا العمارة متجهين للشقة..العنود لما وصلت الكوفي حصلت الهنوف تنتظر وهي سرحانه وتهز رجولها وكأن صبرها نفذ..رفعت الهنوف راسه ولما شافت العنود ابتسمت وقامت عشان تسلم عليها..وقبل لا يجلسون العنود سألتها ايش تبي تشرب ..وراحت تنتظر بالصف عشان تطلب الا وحده واقفه قدامها وشكل مو غريب بالمره ولما التفت البنت بققت عيونها لانها سارة.. العنود بصدمة:سارة؟ سارة وهي متوترة:هاااااااي عنود..شلونج؟ العنود:بخير الحمدالله انتي شخبارك؟ سارة:الحمد الله. العنود:الا وينك انتي طلعتي ومعد سمعنا منك شي..؟ سارة وهي متوترة:هاه..والله امي دقت علي وكانت تعبانه ..فاضطريت اني اروح .. اشوفها.. العنود بابتسامة:سلامتها ماتشوف شر..وش رايك تجين تجلسين معانا.. سارة:لا والله ماقدر مستعجلة لان احنا بنسافر بعد يومين فلازم اخلص اغراضي.. العنود:حسافه لسنا ماتعرفنا عليك زين..بس ماصار شي يله نشوفك على خير ان شالله سلمت عليها وطلعت سارة من الكوفي والعنود خذت الطلب وردت للطاولة وحصلت الهنوف قاعده تكلم بالتليفون وصوتها باين فيه الحب والهيام.. الهنوف:خلاص حبيبي اكلمك بعدين.. العنود لما سمعت كلام الهنوف مع خطيبها طرا على بالها فواز ..قطعت الهنوف حبل افكارها: الا وينها هيوف ماشفتها؟ العنود:تعبانه المسكينه.. الهنوف:شفيها لا يكون شي خطير.. العنود تهز راسها وهي مو قادرة تشيل فواز من راسها فقررت انها تسأل الهنوف سؤال محيرها وممكن تحصل الاجابة عندها.. العنود:الهنوف.. الهنوف وهي تتفرج على الرايح والجاي:امممممم.. العنود وهي تحوس في الكوب:انتي شلون حسيتي ان سعود هوالرجل مناسب لك؟ الهنوف التفت عليها وعيونها تبرق من سمعت اسم سعود:تصدقين يالعنود آخر انسان اتوقع اني باخذه هو سعود بس لما شفته حسي بقلبي يدق بسرعه وشي هزكياني..وهالشي ماحس فيه الا لما اسمع صوته او اشوفه.. العنود تضحك على تعابيرها:الله يوفقك ان شالله.. الهنوف وهي ترفع ايدها: مشكوره..وانتي يالله يارب يعطيك رجال يستاهلك ويقدرك واهم شي يحبك.. العنود تضحك عليها وهي مرتاحه لانها خلاص قررت وعرفت مين اللي مقدر لها..
|
|
#4
2009-11-23, 10:10 PM
|
|||
|
|||
|
في نفس اللحظه كان فواز موجود بشقة ابو حمد وطلب من حمد انه ينادي ابوه عشان يبغاه في موضوع خاص..حمد وفهد استغربوا من فواز.
حمد:خير فواز فيك شي؟ فواز:لا والله بس بغيته بسالفه.. فهد:وش هالسالفه اللي تبي ابو حمد فيها.. فواز حاول يتجنب فهد:بس..موضوع خاص،التفت على حمد.ياريت تناديه ياحمد.. حمد:والله الوالد مو موجود يافواز طلع مع ابو فهد. فواز وهو يتنهد: خلاص مرة ثانية ان شالله.. فهد:انا فيني فضول..اموت واعرف انت وش تبي من ابو حمد.. فواز وهو يتأفف: لا حول ولا قوة الا بالله..ياخي قلنالك سالفه..يالله انا استأذن وراي مشوار ضروري.. فواز طلع وترك وراه جو من الفضول والتساؤل ************ هيفاء وهي غارقه بالنوم..شافت نفسها وكأنها رجعت صغيرة وكان عمرها 8 سنين وقاعده ببيت الكوخ اللي بناه لها تركي بمزرعتهم وفجاءه وكأن الكابوس رجعلها ثاني مره ظلمت السما وبدت تمطر وصوت العد يدوي بالسما وجا تركي وسحب السلم الموصل بالكوخ وهي تطالعه من الشبك يركض وتاركها لحالها تصرخ وهي تناديه ..اجلست على الارض وهي ضامة ركبها وتبكي وتحس بخوف وهي تطالع الاشجار حولينها..فجاءة قامت من النوم وهي مرتعبه وجبينها مليان عرق وقلبها يدق بسرعه طالعت الغرفة وهي تحمد ربها انه مجرد كابوس.. خذت جاكيتها وطلعت للسطح تشم لها شوية هوا ..استغربت انه هالحلم بالذات تشوفه اللجين،ممكن لأنها شافت تركي فروادتها اشباح الماضي اللي خلتها تكره تركي لانه هو السبب باللي صارلها..وتذكرت اللي صار لها من سنين وكأنه صاير بالأمس،كانت هي وياه قاعدين بيوم من الايام قاعدين بالكوخ وكان تركي قاعد يراقب من منظاره العصافير وكانت هيفاء تراقبه.. هيفاء:تركي انت ليه تحب تقعد بروحك.. التفت عليها وهو يضحك:احسن انا ماحب العب مع نواف..عشان هالشكل اقعد هنا والعب على كيفي.. هيفاء بطفوله:انا ماحب اقعد بروحي..لاني اخاف.. هيفاء بهالكلام وكأنها عطت تركي السلاح اللي استخدمه بدون رحمه ضدها ..في اليوم الثاني راحت تدور عليه فطرا على بالها انه ممكن يكون بالكوخ فتسلقت السلم ولما ماحصلته اسمعت صوت تحتها ولم طالعت من الشباك شافت تركي بجاكيته الرصاصي يركض ويبتعد متجه للبيت ولما جات بتنزل ماحصلت الدرج..فقعدت تصرخ على تركي عشان يرد السلم لكن ماحد رد عليها الا صدى صوتها فقعدت على الارض والليل بدا يسدل ظلامه وشوي الا يوم امطر الجو..فقعدت تصرخ عسى احد يسمعها ولما حست باليأس انسدحت على الارض وهي تصيح وتسكر اذنها عشان ماتسمع صوت الرعد قعدت ساعات وهي محد وصل لها..الا ايد تهزها بطلت عينها الا هو ابوها فقامت تضمه وهي تصيح..لما نزلها شافت نواف وتركي واقفين مع ابوهم وتركي باين عليه علامات القلق فهيفاء من دون حاسيه راحت تضرب تركي على صدره وهي تشتمه وتحمله المسؤلية..وقعدت ايام من بعد الحادث وهي تعاني في ارتفاع في الحراره..ومن بعدها كرهت تركي وماعاد شافته من بعدها. شوي الا العنود داخله عليها وتمشي بخفه والا بتسامه شاقه حلقها.. العنود :وش عنده القمر قعده يطالع سميه..؟ هيفاء التفت بوجه ميت فيه الحياه:لا بس قمت من النوم حسيت الدنيا ضاقت فيني قلت اشم هواء احسن لي.. العنود وهي مقطبه:هيفاء انا وش قلت لك انسي اللي صاروعيشي حياتك ترى هذا ابليس اللي يخليك تفكرين كذا.. هيفاء تعوذت:تدرين العنود قمت من النوم مخترعه كأن الشيطان بنفسه يلاحقني.. العنود خايفه:عسى ماشر وش حلمت فيه ..ان شاء الله خير.. هيفاء كانت تامل الشارع :حلمت باللي صارمن احد عشر سنه .. العنود:باللي صار بالكوخ.. هيفاء هزت راسها:أيي نفس اللي صارلي حلمت فيه اليوم ..وشلون تبيني انسى وكل اشارات الحادثه تلاحقني.. العنود بحزن:انا اسفه يا هيفاء ماكان قصدي بس كنت ابيك اقوى من كذا ابي تركي اذا شافك يقول هذه مب هيفاء اللي يعرفها.. هيفاء بتقكير:لك وعد مني يالعنود اني بكون قويه وماراح اخلي تركي يخوفني انا مب البنت الثمان السنين الضعيفه.. العنود ابتسمت:هذا هيفاء اللي اعرفها اللي تاخذ حقها بايدها يلاعاد اضحكي فرفشي.. هيفاء تضحك:ههههههههه الا انت وش عندك اليوم فرحانه؟ العنود وهي تتنهد:هيفاء انا حصل لي شي ونسيت اقولك عنه.. هيفاء:ايش اللي حصل؟ العنود:فهد اخوك خطبني.. هيفاء وهي مستانسة:الله يالعنود..احلفي؟ العنود وهي تبتسم:والله..بس فيه شي ثاني حصل لي.. هيفاء:واكثر من كذا..ايش بعد؟ العنود:فواز بعد يبي يخطبني.. هيفاء وهي مصدومه:ايييييييييييييييش؟ العنود وهي تنزل راسها:يوم احنا بالملاهي قلي انه يحبني ويبي يخطبني.. هيفاء:طيب وانتي فكرتي بالموضوع.. العنود وهي متوترة: فكرت فيه كثير.. هيفاء: اسمعيني زين يالعنود على كثر ماتمناك لفهد اخوي بس تضلين بنت عمتي وحبيبتي اهم شي انتي تكونين مستانسه.. العنود:هيفاء انا خلاص قررت..
|
|
#5
2009-11-23, 10:11 PM
|
|||
|
|||
|
الجـــ التاسع ـــزء
طلعت الشمس وجابت معاها يوم جديد ومشرق..العيله كانت مخططه انهم اليوم العصر يروحون كلهم للحديقة والبنات ما كان عندهم مانع بالعكس تغيير جو..فترة الصباح راحت في السوق وطبعاً كانوا الامهات مرافقات معاهم.. كانوا البنات يقايسون بغرفة الملابس والامهات قاعدين برا ينتظرونهم..طلعت هيفاء وكانت لابسه بلوزه جنان..شوي الا مها طالعه ولابسه نفس البلوزه فقامت هيفاء بققت عيونها عليها بحمق.. هيفاء:الله الله..اقول افسخيها لا فسخك بنفسي.. مها وهي مقهوره:بس انا ماخذتها قبلك.. هيفاء بحمق:يعني موفاسختها..طيييييييييييب.. اتجهت لمها بتهديد..مها انحاشت بالغرفة من الخوف وهي تنادي على امها من ورا الباب:يييييييييييييييمه شووووفيها.. ام فهد وهي تهز راسها:هيوف ..شفيك على اختك؟ هيفاء:يعني قلة عليها البلايز تجي تاخذ زيي. ام فهد:شفيها؟ هيفاء بعناد:لا ابي اكون الوحيدة المتميزة.. ام فهد: اذا ماخذتها اختك غيرها بياخذها.. هيفاء:بس مش من اهلنا.. ردت دخلت الغرفة..طلعت العنود من الغرفة وهي لابسه فستان يوصل ليما تحت الركبه وكان لونه احمر قاني فابرز لون بشرتها البيضا وكان طالع يجنن عليها سألت امها عن رايها.. ام حمد:يهبل عليك يمه ..بسم الله عليكي.. العنود:يعني آخذه؟ ام حمد:اخذيه دام انه بخاطرك.. ام فهد ماشالت عيونها منها ..وينك يافهد تشوفها تنهدت وهي تتمنى من كل قلبها ان العنود تكون لفهد.. لما خلصوا من السوق خذوا تاكسي واتجهوا للحديقة وهناك اتخذولهم موقع وحطوا فيها الكراسي..شوي الا ابوحمد وابوفهد جايين ومعاهم اعيالهم..محمد اقترح على مها انهم يروحون يركوبون القارب بس ام فهد رفضت فراحوا ياكلون البط من الخبز.. في مكان ثاني كان فواز يرد على مكالمة سارة اللي صايرله اسبوع وهو متجنبها ..ردعليها من غير نفس:الـــــــو؟ ساره بدلع:هلا حبيبي..شلونك.. فواز وهو متنرفز:بخييير..خير وش بغيتي؟ سارة مستغربة من رد فواز:فواز شفيك جذي .. فواز بسخرية: شفيني. سارة حست انه فيه شي:طيب حبيبي فواز..تدري ان احنا بنسافر باجر.. فواز: لا. ساره حست انها بتصيح من برودته:فواز حبيت اشوفك لآخر مرة قبل لا روح. فوازببرود: آسف ماقدر..مشغول. سارة قعدت تصيح:فواز ارجوووك يافواز انا بموت اذا ماشفتك..وبعدين كلها الا خمس دقايق..وبعدين ماراح تشوفني.. فواز فكر فيها وقال في نفسه كلها الا خمس دقايق في ايش بتضره وبعدها بيفهمها انه خلاص قلبه املكته وحده غيرها.. فواز:اوكي..بس خمس دقايق..نتقابل بالقهوة اللي بالحديقة اوكي؟ سكر منها وماعطاها فرصة تتكلم..وحث الخطا متجه للحديقة يبي ينتهي من هالمسأله نهائياً.. في نفس الوقت كانوا هيفاء وعنود بالقهوة واقفين بالصف عشان ياخذون طلبهم خذت هيفاء الطلب والتفتت على العنود.. هيفاء:العنود انا بودي القهوة حق ابوي وخالي وانتي لحقيني.. العنود هزت راسها.. سارة كانت عند مدخل القهوة تنتظر على نار شوي ولمحت فواز من بعيد جاي ابتسمت مرتاحه.. فواز اول ماوصل الا سارة:هاااااااااااي حبيبي.. فواز ببرود:اسمعي ياسارة بسك من هالكلام..وقوليلي ايش تبين.. سارة وهي تتدلع:حبيبي انا قلتلك ان انا بسافرباجرفحبيت اودعك.. فواز: طيب اذا على هذا ..مع السلامه.. صد عنها عشان يمشي..الا سارة ماسكته من ذراعه وتلفه عليها..فواز التفت عليها وهو متنرفز..شاف اللي واقفه ورا سارة منصدمة من اللي تشوفه..العنود انصدمت لما شافت سارة ماسكه فواز وتترجاه انه يقعد..سارة انتبهت ان فواز مو معاها التفتت لمكان ماهو يطالع وشافت العنود اللي كان وجهها شاحب من الصدمة.. العنود تمالكت نفسها ومرت عليهم ببرود وهي تمشي بسرعه وماسكه نفسها عشان ماتبكي..فواز حاول انه يلحقها بس سارة كانت ماسكته من ايده ..نفض ايدها ولحق العنود وهو يناديها انها توقف بس العنود مو معطيته وجه..فواز من غير مايحس بنفسه مسك ايدها ولفها عليه.. العنود طالعته بكره:هد ايدي .. فواز:مانيب لغاية ماتسمعيني.. العنود من الغضب اللي تحسه بداخلها فرغت كوب العصيراللي بايدها عليه..وصرخت فيه:اذا قربت مني ولا كلمتني لا تلوم الا نفسك..فاهم.. كملت العنود طريقها والتفتت عليه وهي تقوله بسخرية ومرارة:على فكرة بقول حق فهد يعزمك على عرسنا.. صدت منه وهي تبكي منهارة ولما ابتعدت عنه بحيث انه مايشوفها قعدت على كرسي وقعدت تفرغ اللي بقلبها من حزن حست انه قلبها يتفتت .. فواز اللي كان واقف بمكانه منصدم..يعني خلاص كل شي انتهى والعنود راحت منه.. سارة وصلت عنده وهي معصبه:يعني هذي اللي ماخذه عقلك ..العنود.. اشوفك تقولي ابتعدي عنهم ومابي اشوفك وياهم..اتاريك ناوي عليها.. فواز التفت عليها وعرق بفكه كان ينبض من كثر ماهو معصب..سارة لما شافته بهالشكل لمت حالها وراحت وبعد كل شي اهي اصلاً ماكنت تحب فواز بس كانت تمرح معاه ..بس حست بفرحه عظيمة انها خربت بين فواز والعنود.. ************ هيفاء لما شافت ان العنود تأخرت راحت تبي تشوف ايش اللي مأخرها..شافت العنود قاعده على الكرسي وهي منزلة راسها وتبكي هيفاء لما شافتها ركضت لمكان ماهي قاعده .. هيفاء بخوف:العنود عسا ماشر شفيك؟ العنود من غير ماترد ضمت هيفاء وهي تصيح ومن بين صياحاها كانت تردد جملة((ابي ارد السعودية))..هيفاء استغربت حالها طلعت موبايلها واتصلت على امها وقالت لها ان العنود تعاني من صداع وراح يردون الشقة..سكرت من امها والتفتت على العنود:العنود يله قومي بنروح الشقة..وهناك بتقوليلي ايش فيك؟ العنود وعيونها مليانه حزن:هيفاء انا ماعاد لي مكان هنا انا ابي ارجع الرياض.. هيفاء وهي مقطع قلبها شكل العنود:طيب ..يالعنود بس انتي اللحين قومي خلينا نروح الشقة وهناك يحلها الف حلال.. خذولهم تاكسي للبيت،ولما وصلوا العنود اتجهت مباشرة للغرفة وهناك طلعت شنطة ملابسها وحطتها على السرير وقامت تحط الملابس فيها بشكل هستيري وهي تبكي بحرقة..وهيفاء تراقبها مستغربة هاذي اول مرة تشوف العنود بهالشكل..شوي العنود طاحت على ركبها وهي تكرر كلمة واحدة:اكرهــــــــــــــــــــه..اكرهــــــــــه.. غطت وجهها بايدها وبدت نوبة بكاء جديدة..هيفاء قربت منها وضمتها وهي تحاول تهديها وبعد فترة هدت العنود.. هيفاء بلطف:العنود..شفيك ترى خوفتيني؟ العنود:فواز ياهيفاء..فواز.. بدت دموعها تنزل بصمت هيفاء بأستغراب:فواز..شفيه..صاير له شي؟ العنود:النذل..طلع خاين وراعي بنات..تخيلي اليوم صدته مع مين.. هيفاء:مع مين؟ العنود:مع ســـاره.. هيفاء انصدمت من كلام العنود ..هي من اسمعت ان فواز بيخطب العنود وهي حاسه ان هالخطبة ماراح تتم..رفعت العنود من الارض.. هيفاء:العنود انتي ارتاحي انا بروح احضرلك كوباية عصير.. هيفاء طلعت من الغرفة عشان تجيب العصير..العنود حطت راسها على المخدة وغمضت عينها تبي تطرد من راسها ذكرى الحادثه..بس حتى وهي مغمضة عينها يطلعلها فواز بضحكته وغمزته اللي دايماًً ملاحقتها حتى بأحلامها انهمرت عيونها وهي تتأوه بألم.. هيفاء لما رجعت حصلت العنود نايمة..ماحبت توقظه سكرت الباب ونزلت تحت عشان تشوف اذا فيه فلم يعروضنه عشان تشوفه.. ****************** فواز طلع من الحديقة وهو حاس انه روحه طلعت منه وماراح ترد خلاص..عبر الشارع وهو منتبه للسيارة اللي جايه صوبه مسرعه..كل اللي يتذكره فواز صوت فرامل السيارة وهي تحاول تتفادى الحادث .. من بعيد كان فهد وحمد يسولفون لما سمعوا صوت اسعاف جاي من بعيد الكل ذكر الله .. فهد:لا اله الله..عساه خير.. حمد:هذول البريطانين وسواقتهم..مب صاحيين.. ام حمد:تعوذ من بليس.. حمد:اعوذ بالله من الشيطان الرجيم...التفت على فهد:الا فهد دق على فواز شوف وينه خل نروح له بدال مقابل الاشجار.. فهد وهو يدق على فواز:اللحين بشوف وينه ..شوي الا فهد:مايرد ..ممكن يكون مشغول ولا شي..وشرايك نروح السينما..؟ حمد:يله قوم..
|
|
#6
2009-11-23, 10:12 PM
|
|||
|
|||
|
فهد وهو بالسينما رن تلفونه ولما طلعه شاف رقم غريب عليه رد الا واحد اجنبي يكلمه..
..:hello فهد:hi..who is this ..:hi im calling from the hospital.! do u know fawaz فهد بأستغراب: him. his my friend yes I know الدكتور: im sorry to tell u that he had an accident فهد انصدم:which hospital? فهد خذا العنوان منه وشكره..التفت على حمد:فواز مسوي حادث ياحمد.. حمد انصدم:عساه مو خطير بس.. فهد وهو يقوم يبي يطلع:والله مادري ياحمد بس شكله مو بسيط.. فهد وحمد لما وصلوا سألوا عن فواز قالولهم انه لسه بغرفة العمليات ولما سألوا الممرضة شلون صار الحادث..هزت كتوفها برد انها ماتعرف..راحوا الشباب وقعدوا بغرفة الانتظار ومرت عليهم ساعتين ولسه مافي رد..شوي الا تلفون حمد يرن ولما شاف الرقم الا اهي امه:هلا يمه.. ام حمد: حمد وينك فيه ؟ حمد:بالمستشفى.. ام حمد مخترعه:مستشفى عسى ماشر..فهد فيه شي؟ حمد:لا يمه حمد بخير بس واحد من ربعنا مسوي حادث ورايحين نشوفه.. ام حمد تنهدت مرتاحه:وشفيه؟ حمد:مسوي حادث.. ام حمد:ان لله وان اليه لا راجعون..وعساه بخير.. حمد:اي بخير يمه الولد للحين بغرفة العمليات وشكل حالته خطيرة. ام حمد:الله يعافيه ويشفيه ان شالله.. حمد:ايه والله يايمه..ادعيله تراه رجال وفيه خير يستاهل الدعوه عشانه.. ام حمد:طيب فيه احد بلغ اهله.. حمد:لا لسه ننطره يطلع من العمليات.. ام حمد:خلاص فديتك مع السلامه ..وبعدين طمني عليه يبه. حمد:ان شالله.. حمد اول ماسكر من التليفون الا الدكتور داخل ويبحث عن احد شافهم وعرف انه هم من قرايب فواز لانهم الخليجين الوحيدين بالغرفة فتوجه لهم..حمد وفهد وقفوا وهم يحسون انه في شي مو طبيعي وكأن الدكتور جايب لهم خبرية مو زينه بالمره.. ***************** ام فهد كلمت ابو فهد بموضوع الانتقال شقة تركي هو صحيح كان رافض لكن ام فهد فهمته وجهة نظرها انه ممكن العنود توافق على فهد ويصير الموقف حرج بالنسبة لهم انهم يعيشون تحت سقف واحد..ابو فهد مالقى الا انه يوافق.. ام فهد وهي تدق على تركي عشان تخبره..شوي الا تركي يرد.. تركي:هلا والله بالغالية.. ام فهد:هلا يمه..شخبارك؟ تركي:بخير دامك بخير..انتي شلونك؟ ام فهد: احمدالله..تركي انا كلمت بس عشان ابلغك اني كلمت ابو فهد بالموضوع وهو ماعنده مانع ان احنا ننتقل عندك.. تركي وهويبتسم لحظه:خير ان شالله انا بكره ان شالله بارسل لكم سايق عشان ينقل اغراضطم. ام فهد:مشكور وماقصرت ياولدي.. تركي: افا ياخالتي هذا كلام مايحتاج تشكريني البيت بيتك.. ام فهد: ماتقصر والله.. تركي:خلاص يالغالية توصين بشي ثاني؟ ام فهد:مابي الا سلامتك.. تركي:يالله فمان الله.. ام فهد:في وداعة الرحمن.. سكر تركي من خالته وهو مستانس انه الخطة تمشي مثل مايبي هو والحين هيفاء صارت تحت عينه ..وبيحاول يعرف منها اهي وش تبي من زواجها بفواز.. وبيحاول بأي طريقة انه يفك هالخطبة.. في نفس اللحظه كان نواف يكلم هيفاء وهو متضايق:والله ياحبيبتي متضايق حدي.. هيفاء:ليه عسى ماشر.. نواف:تركي مادري شفيه متصل علي من كم يوم وامر اني اروح واخلص الشغل اللي بالامارات وهذي اول مرة يطلب فيها تركي مني اني اخلص شي.. هيفاء حست انه تركي وراه شي ولا ليش يطرش نواف للامارات :معليه حبيبي انت استحمل بعد هذا اخوك العود.. نواف بغيرة:اشوفك دافعين عنه.. هيفاء:لاادافع ولا شي انا ماقلت الا الصدق.. نواف:لا انتي شكلك نسيتي هو وش سوى فيكي.. هيفاء ازعلت من اسلوب نواف:نواف انت شفيك؟ نواف تنهد بأسف:آسف..بس من اجيب طاريه اتنرفز..تدرين انه مو راضي بخطبتنا؟ هيفاء وهي مستغربة:ليه؟ نواف:مادري بس لما قلته اني خطبتك زعل وحاول يردني منك..بس انا مارضيت.. هيفاء بحمق: وهو ايش يدخله اذا باخذك ولا لأ؟ نواف :هذا خليه منك..انزين حبيبتي اخليك اللحين.. هيفاء ودعت نواف وهي قلبها قابضها،تحس ان تركي ناويلها شي ..طيب هو ليش مو راضي بالزواج..ياترى ركوبي معاه بالسيارة لما ماقلي من يكون هل يكون يختبرني..تنهدت ورقت طالعه للغرفة الا العنود طالعه بتنزل تحت وحالتها كانت كسيفه .. هيفاء:ها عنود شلونك اللحين؟ العنود هزت راسها ونزلت تحت وهي في راسها شي واحد تبي تسويه وتنتهي راحت لغرفة امها ولقتها قاعده على السرير تقرا قرآن ولما شافت العنود وشافت شحوب وجها سكرت القرآن..ونادتها عشان تجلس بجمبها.. ام حمد:ان شالله احسن اللحين؟ العنود وهي تحط راسها بحضن امها:احسن والحمد الله.. ام حمد بقلق:والله للحين لونك مو طبيعي..تبيني اوديك لطبيب؟ العنود هزت راسها علامة الرفض..رفعت راسها من حضن امها وهي تطالع امها بتصميم:يمه انا خلاص قررت ..وموافقه اني آخذ فهد ولد خالي.. ام حمد استانست على هالخبرية بس حاسه انه العنود تقولها بغير قناعه: يمه انتي متأكدة من انه هذا اللي تبينه؟ العنود نزلت عينها وبعدين رفعتها وبكل ثقة:ايه يمه متأكده.. ام حمد بفرح: هذي الساعه المباركه والله..وانا عارفه ان فهد بيسعدك.ز العنود بتفكير وحزن سعادتي الوحيده بتكون مع واحد بس لكن هو اللي خرب كل شي بخيانته.. ام حمد ومو حاسه:خلاص حبيبتي انا ببشر ام فهد..بس اللحين ابي اكلم حمد اخوك واشوف شخبارهم.. العنود وهي مقطبه جبينها: ليش يمه حمد فيه شي؟ ام حمد:لا بسم الله عليه..واحد من ربعهم مسوي حادث ويقولي حمد ان حالته خطيرة.. العنود ماتدري ليش قلبها نغزها: يمه منهو من ربعهم ماتعرفينه؟ ام حمد:لا ماقلي حمد منهو..بس مانقول الا الله يعينه ويشفيه.. العنود:اللهم آمين.. العنود حبت راس امها وطلعت من الغرفة ورقت للسطح وجلست على الكرسي وهي تفكر هل معقوله ان فواز كان يكذب عليها بكلامه ..وانها ممكن تكون نزوة من نزواته..لا مستحيل لأن فواز لما قلها انه يحبها كان الصدق امبين بعيونه وبصوته..تنهدت بحزن ليه يافواز تسوي كذا..ليه قلبي حبك وتعلق بيك..انهمرت دمعه حارة من عينها ومسحتها وهي متضايقه من نفسها انا ليش اذرف الدموع له واهو مايستاهل انا لازم انساه ..انا خلاص باتزوج فهد..
|
|
#7
2009-11-23, 10:13 PM
|
|||
|
|||
|
اللي مو عارفه فيه العنود ان تركي بالمستشفى قاعد يصارع الموت وحالته كانت خطيرة بالمرة والدكتور قال لفهد و حمد انه فواز ممكن يدخل غيبوبه بسبب الضربه اللي براسه..هم عملوا اللي عليهم لكن بالنسبة للغيبوبه مايقدرون شي لأن هالشي مرتبط بالوقت..
فهد انهار على الكرسي وهو ماسك راسه بين ايدينه:لاحول ولا قوة الا بالله..اللحين ايش الحل؟ حمد التفت على فهد: فهد لازم احد يبلغ اهله لايصير بفواز شي وهم مو موجودين.. فهد قطع كلام حمد وهو معصب: حمد لا تقولها ..فواز ان شالله بيعيش..بالنسبة لأهله انا عندي رقم بيتهم بالرياض و بروح ادق عليهم وانت شوف الدكتور اذا بيسمحلنا نشوفه.. حمد راح للدكتور عشان يستفسر منه اما فهد فشاف الساعه لقاها الساعه 11 بالليل معناتها الساعه 1 بالرياض توك على الله ودق على بيتهم وهو متضايق انه بيقوهم هالخبر..قعد التليفون يرن ومحد شاله كان بيسكر الا صوت ناعم يرد عليه:الـــــــو؟ فهد:................ : الــــــــــــــــو...! فهد بلع ريقه: السلام عليكم. : وعليكم السلام. فهد وهو يسمع صوتها الساحر نسى هو متصل ليش..تعوذ من بليس وتمالك نفسه:اختي هذا بيت فواز العالي..؟ : ايه اخوي بس فواز مو موجود.. فهد:انا عارف بس حبيت اكلم الوالده.. بأستغراب: الوالدة نايمة..في ايش بغيتها؟ فهد تنفس بقوه: بس بغيت ابلغكم ان فواز مسوي حادث. بصدمة:اييييييييييييش؟ فهد:آسف اختي بس الحادث ترى مو خطير..شي بسيط..عفواً من معاي؟ الصوت بخوف: انا اخته..طيب فواز وينه ما يكلمني. فهد وهو خايف من انه ينفضح: فواز اللحين نايم يرتاح بس هو موصيني انه اكلمكم وابلغكم..وياريت تجون لندن. اخت فواز بخوف:نجي لندن؟..معناته الحادث مو بسيط.. فهد: والله مافيه شي بس شوية كسور برجله وايده.. يارب تعذرني حلفت كذب اخت فواز:مسكين ياخوي..خلاص مشكور اخوي وماقصرت.. فهد مايدري ليش مايبي ينهي المكالمه بس هو شاف حمد جاي صوبه:العفو اختي..وصك الخط حمد وهو يوقف قدامه: الدكتور قال نقدر نشوفه بس لمدة 10 دقايق. فهد :خلاص خل نروح نتطمن عليه..انا خلاص بلغت اهله.. حمد:شلون تقبلوا الخبر؟ فهد نزل راسه وهو يتذكر صوتها:كذبت عليهم وقلتلهم ان الحادث بسيط.. حمد بدهشه: كذبت عليهم..منت بصاحي؟ فهد:ياخي ماقدرت اقولهم بالتلفون الأفضل انهم يجون ويشوفون حالته بنفسهم.. دخلوا على فواز اللي كان موحاس فيهم وكان لونه شاحب شحوب الموت وراسه مضمد وحاطين عليه جهاز تنفس وجهاز مراقبة النبض..فهد حزن لما شاف رفيقة بهالحاله..وماقدر يصدق ان فواز اللي دايماً كان نشيط ومرح يصير له هالشي.. ************* ام فهد فرحت لما سمعت اللي قالته ام حمد:فرحتيني يام حمد.. ام حمد:مبروك يام فهد..هذي الساعه المباركه اللي ناسبناكم فيها.. ام فهد:الله يباركلك..الا قولي يابختنا بالعنود..لو نلف الديرة مانحصل مثلها.. ام حمد:تسلمين يالغالية.. ام فهد:اجل العنود وينها عشان اسلم عليها.. ام حمد:تعبانه شوي رقت لغرفتها عشان تنام وترتاح.. ام فهد:سلامتها ماتشوف شر..خلاص انا ببشر فهد،الا صحيح هالولد وينه لهالحزه الساعه صارت 11 وهو للحين مارد لاهو ولا حمد ولدك.. ام حمد تبتسم: هم بالمستشف عند واحد من ربعهم مسوي حادث وشكلهم مطولين والاحسن ان احنا ننام والصباح رباح.. ام فهد:وانتي الصادقة..يله تصبيحن على خير.. ام حمد: وانتي من اهله.. الكل اتجه للغرفة عشان ينام بس ثنتين اللي النوم مازارهم بهالليلة العنود اللي كانت قاعده فوق السطح وتناظر البدر وتفكر بمستقبل خالي من فواز..وهيفاء اللي كانت منسدحه على السرير وتفكر في الايام الجاية بترقب تركي مستحيل يقعد مكتوف الايدين ويخلي الزفاف يصير وهو مو راضي..اكيد مجهز لها شي بس هي بتكون مستعده له..وبتحارب .. العنود من وين هي قاعده بمكانها سمعت صوت سيارة توقف عند عمارتهم طلت على اللي تحت الا هو حمد وفهد..وحمد كأنه يخفف على فهد.. حمد:فهد اذكر الله اكيد انه الله بيفرجها.. فهد برجاء:الله كريم ياحمد..الله كريم.. العنود حست ان حالة صديقهم خطرة ولا ليش فهد متوتر وخايف كذا..العنود راحت وقعدت مكانها وهي تفكر اللحين فواز ايش قاعد يسوي ..اكيد عند ست الحسن والجمال سارة..هزت راسها وهي تحاول تمسح الصورة اللي طلعت ببالها.. وهي تتردد على نفسها انا لازم انساه ..لازم..
|
|
| مواقع النشر (المفضلة) |
| الكلمات الدلالية (Tags) |
| ..حب, 7و8و9, لايموت, لعبة, الأقدار, الجزء, رواية, كامله |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [لعبه] لعبة Flames of Vengeance كامله للتحميل | mazika2way | منتدي العاب الكمبيوتر | 0 | 2010-08-28 12:44 AM |
| لعبة FIFA Manager 10 – لعبة فيفا 10 كامله بدون سيريال او كراك | islammoussa | منتدي العاب الكمبيوتر | 2 | 2010-08-21 10:34 PM |
| رواية لعبة الأقدار كامله ..حب رجل لايموت الجزء الخامس والسادس | لمحه حب | منتدي الفنون الادبيه | 6 | 2009-11-23 10:04 PM |
| رواية لعبة الأقدار كامله ..حب رجل لايموت الجزء التالت والرابع | لمحه حب | منتدي الفنون الادبيه | 5 | 2009-11-23 10:03 PM |
| رواية لعبة الأقدار كامله ..حب رجل لايموت | لمحه حب | منتدي الفنون الادبيه | 4 | 2009-11-19 05:58 AM |
العرض العادي
