هذا السؤال تردد في أذني في الفترة الأخيرة أكثر من مرة .. تقريبا كلما ذهبت لشراء أي شئ أسمع مدخن يسأل صاحب المحل هذا السؤال .. تعجبت بشدة .. يعني ايه سجاير من غير رسمة؟!!! لحد ما سألت واحد مدخن خبرة .. ايه موضع الرسمة ده يا خويا؟؟ .. فقالي القصة .. إن كل الشركات طبعت على علب السجاير بجوار جملة "التدخين يسبب الوفاة" صورة واحد في المستشفى وهو رايح في داهية .. وده اللي أثر على نفسية المدخنين .. وعكنن على مزاجهم .. وضيع متعة السجارة .. فبقى الحل مش إنهم يبطلوا السجاير .. لأ الحل ... سجاير من غير رسمة!!!!!
وتفتكروا إن الرسمة بتأثر أصلا على المدخنين يعنى ممكن لو واحد بيدخن يقولى هو لما بيشوف الرسمة دى بتفرق معاه معتقدش من رأى انا لييييييه ....... لأن إحنا مش شعب متخلف واللى بيدخن ده مش أمى أيوة مش أمى ( مش الحاجة امى طبعا انا أقصد جاهل يعنى )
ما كلنا عارفين إن التدخين مضر بالصحة وبيودى فى داهية وبيجيب بلاوى الدنيا كلها .. ومع ذلك الناس بتشرب ولا فى دماغها
ده حتى كان تقريبا فى البيت بيتك .... نزلوا يسألوا الناس فى الشارع على رايهم فى الرسومات اللى علبة السجاير واحد قال : والله لو رسموا إيه على العلبة مش هابطل برده هههههههههه واضح إن ده كان بيرضع دخان وهو فى بطن امه ومتمسك بيها اوى ياسلام لونتمسك بدينا كده زى مابنتمسك بحاجات تافهة
ياترى رايكم فى الموضوع ده إيه وهل الرسمة اللى على العلبة ممكن تغير فعلا ؟
والله يا احمد موضوعك مهم جدا
وفى ناس فعلا بطلوا بسبب الرسمة دى
وفى ناس ولا يفرق معاها
وبعدين مش محتاجة رسمة ولا صورة يعنى
ياريت يا جماعة نقف قدام موضوع السجاير ده كلنا
شكرا يا ابو حميد
) 
