كان فيه مره ولد صغير بيقول لباباه عاوز 50 جنيه عشان أروح اشترى لعبه
باباه قالوا انا مش فاضيلك حل عن سمايا الساعه دى
قالوا الولد طب خليهم 25 جنيه
قالوا بقولك ايه مش وقتك
لو عاوز فلوس خد الديك اللى عندنا وروح بيعه
الولد فرح واخد الديك وهو طالع من الشقه قابل واحد قالوا تشترى الديك؟
الراجل قالوا روح يا ابنى انا مش فاضيلك
مشي
وكل ما يقابل حد يقوله تشترى الديك
محدش راضى يشترى خالص
فكر الولد وقال هى فلانه اللى هتشترى منى الديك أكيد
راح لفلانه وبيقولها ازيك عامله ايه تشترى.............
الباب خبط
خدته بسرعه وقالتله ادخل الدولاب بسرعه
احسن يكون جوزى
فتحت لقت صاحبها
لسه هيتكلموا الباب خبط جريت بسرعه ودخلته الدولاب وقالتلوا احسن يكون جوزى
دخل الراجل وحس بحركه جوه الدولاب
سمع الولد بيقوله تشترى الديك بصوت عالى
الراجل قاله وطي صوتك هتفضحنا
قاله تشترى الديك بدل ما اعلى صوتى
قاله خلاص خلاص هشتريه بكام
قاله ب 500 جنيه
قاله اييييييييييه ليه يعنى ده ديك عدمان ومفيهوش حيل
قاله خلاص اعلى صوتى
قاله خلاص هاته
بعد شويه الولد بيقوله تبيع الديك
قاله ازاى يعنى انا لسه مشتريه منك
قاله هاااااه اعلى صوتى
قاله خلاص تاخده بكام
قاله ب 50 جنيه
قاله ايه ازاى يعنى
قاله هااااااه اعلى
قاله خلاص خده
بعد شويه قاله تشترى الديك
قاله يا نهار اسود احنا مش هنموت ونرتاح بقى
قاله هاه تاخده ب 1000 جنيه
قاله امرى لله
بعد شويه قاله تبيع الديك
انا لله وانا اليه راجعون
اموت نفسى واللا اشق هدومى واللا انتحر
خد الديك ببلاش وحل عن نفوخى
اخد الولد الديك
بعد كده الست فتحت الدولاب وخرجت الراجل بسرعه وقالتله ياللا جوزى فى الحمام قبل ما يطلع
وبعد شويه طلعت الولد
الولد مشي فى الشارع فرحان اوى
واشترى كل اللى نفسه فيه
ولما روح البيت لقى باباه قاعد فقاله
بابا تشترى الديك؟؟؟
ابوه قاله
الله يخرب بيتك انا هموتك يا ابن ال...................
انت مكفكش ال 1500 جنيه اللى خدتهم مني
