محكمه الحب والرومانسيه !!!!!!! [الأرشيف] - الصفحة 2

THE KING

2009-03-23, 02:25 PM

جلسة المتهمه مانوللي

قولي
و الله العظيم أقول الحق

1- إسمك .. وسنك .. وعنوانك .. واهم هواياتك ..؟
2- إيه اللى شدك في الماجيك وخلاكي تسجلي فيه ..؟
3- تقيمي المنتدى بكام فى الميه ..؟ وتقيمي الأعضاء بكام في الميه ..؟
4- تبرري بإيه انك أول ما سجلتي كنتى كل حاجه تقولي مش فاهمه .. إيه مكنتيش بتقري المواضيع ولا إيه .. (( الإنكار مش حينفعك بأي حاجه )) .
5- تبرري بإيه حبك لفضح الناس .. ومتقوليش مش بفضح حد .. ؟
6- انتى شايفه نفسك .. تقومي وتقولى للقمر يقعد مطرحك .. ولا تقومي وتقولي للقرد يقعد مطرحك .. لازم تحددي إجابه من دول ..؟
7- ليه عملتى مقلب تليفون فودافون فى مامتك .. انتى قلتي إنك عملتيه فى مامتك قبل كده (( دي لوحدها تهمه تجيبلك إعدام .. أي خدمه يا حاجه أم مانوللي حنخلصك منها ))
8- أهم مثل بتحبي تقوليه فى حياتك ..؟
9- لو كنتي بتحبي شخص واكتشفتى انه مش بيخلف تكملى معاه وتحرمي نفسك من الأمومه .. ولا تنفصلوا وتعملى نفسك مش عارفه ..؟
10- إيه رأيك فى الحب عن طريق النت ..؟ وهل حصل وحبيتي حد عالنت ..؟
11- ترضي تتجوزي ميكانيكي عمره 55 سنه .. مع العلم انك بتحبيه جدا ..؟
12- تقولي لمين فى المنتدى الكلمات دي ..؟

1- صبرك عليا
2- وحياة أمي منا سيبك
3- كل مره بشوفك فيها ببقى نفسي أأأأ
4- جبااااار
5- انا نسيتك خلاص
6- تعبت
7- مكنتش ناوي
8- بعد العمر ده كله يا غالي
9- جي تهددني
10- ده حلم ولا علم

إنتهت الأسئله ..

كلمه أخيره .. لازم تجاوبي على كل الأسئله .. سؤال سؤال ويكون فى محض نزرة انترباص دخول السؤال علشان نكون قبش مع بعض ومقبشبل إعدام ..

إنتي فاهمه حاجه ..؟؟

مش مهم تفهمي .. المهم انك تجاوبي على كل الأسئله ومتنسيش لازم يكون فى محض نزرة انترباص دخول السؤال :ar!

manolly

2009-03-24, 04:24 PM

1- إسمك .. وسنك .. وعنوانك .. واهم هواياتك ..؟
اسمى مانوللى وبس
سنى 19 الا شوية
عنوانى .........
هوايتى/التصوير
2- إيه اللى شدك في الماجيك وخلاكي تسجلي فيه ..؟
عادى حسيت انه منتدى كويس والاعضاء الله فيه كويسين ومحترمين وكدة يعنى
3- تقيمي المنتدى بكام فى الميه ..؟ وتقيمي الأعضاء بكام في الميه ..؟
المنتدى 80% والعضاء 100% والله بدون مبالغة
4- تبرري بإيه انك أول ما سجلتي كنتى كل حاجه تقولي مش فاهمه .. إيه مكنتيش بتقري المواضيع ولا إيه .. (( الإنكار مش حينفعك بأي حاجه )) .
لا مش كدة بس فى حاجات مكنتش فاهمة ايه المقصود بيها بس كدة
5- تبرري بإيه حبك لفضح الناس .. ومتقوليش مش بفضح حد .. ؟
حرام عليك يا سيادة القاضى انا فضحت مين بس
6- انتى شايفه نفسك .. تقومي وتقولى للقمر يقعد مطرحك .. ولا تقومي وتقولي للقرد يقعد مطرحك .. لازم تحددي إجابه من دول ..؟
اكيد مفيش حد شايف نفسه زى القرد ومحدش بيشوف نفسه وحش على ما اظن يعنى
بس باردو مش لدرجة القمر يعنى
7- ليه عملتى مقلب تليفون فودافون فى مامتك .. انتى قلتي إنك عملتيه فى مامتك قبل كده (( دي لوحدها تهمه تجيبلك إعدام .. أي خدمه يا حاجه أم مانوللي حنخلصك منها ))
عادى هزار وبعدين هعمله في مين غيرها يعنى
8- أهم مثل بتحبي تقوليه فى حياتك ..؟
مش عارفة امثال بس عموما بيبقى حسب الموقف يعنى
9- لو كنتي بتحبي شخص واكتشفتى انه مش بيخلف تكملى معاه وتحرمي نفسك من الأمومه .. ولا تنفصلوا وتعملى نفسك مش عارفه ..؟
اكيد طبعا مستحيل هسيبه
10- إيه رأيك فى الحب عن طريق النت ..؟ وهل حصل وحبيتي حد عالنت ..؟
غالبا مبيبقاش حب حقيقى .ايوة حصل للاسف
11- ترضي تتجوزي ميكانيكي عمره 55 سنه .. مع العلم انك بتحبيه جدا ..؟
اساسا مش هحب واحد عنده 55 سنة
12- تقولي لمين فى المنتدى الكلمات دي ..؟

1- صبرك علياولا حد
2- وحياة أمي منا سيبكولا حد

3- كل مره بشوفك فيها ببقى نفسي أأأأsalma

4- جبااااارولا حد

5- انا نسيتك خلاصولا حد

6- تعبتولا حد

7- مكنتش ناويولا حد

8- بعد العمر ده كله يا غاليولا حد

9- جي تهددنيولا حد

10- ده حلم ولا علم ولا حد

اسئلتك غريبة يا سيادة القاضى
عموما ادينى جاوبت
وارجو تخفيف الحكم
وياريت المحامى بتاعى يعمل اى حاجة

THE KING

2009-03-24, 08:18 PM

الحكم بعد المداوله

ومحدش هينفعك على فكره

Silver

2009-03-25, 07:02 AM

حمدلله ع السلامة يا قاضى

وحمدلله ع السلامة ليكى أنتى كمان يا مانوللى

وما تفتكريش أن فيه حد هينفعك ف المحكمة

المحاكمة فــ بث مباشر مــ الدور العاشر

ومينفعش نسيبك كده تخرجى بسلام

ولازم نعمل ضجة ومحكمة شرسة

THE KING

2009-03-25, 08:38 AM

أيون تعجبني يا رامي

manolly

2009-03-26, 11:32 AM

اقول ايه بس
ربنا عالظالم والمفترى

فين المحامى
انت جريت من اول قلم ولا اخدت رشوة ولا ايه

THE KING

2009-03-26, 04:29 PM

هاها
سابك ومشي

بلابل

2009-03-29, 05:55 PM

انا هنا

بس راحت عليا نومة فى غرفة المحاميين

انا جاى تانى سيادة القاضى

ارجو من سيادتكم تاجيل الجسلة

على مطلع على اوراق القضية وسماع اقوال الشهود

karmen

2009-03-29, 09:02 PM

انا ممكن اشهد فى القضيه دى بحكم العشره والعيش والملح معاكى يا مانوللى لو تسمحولى مانوللى تاخد 15 سنه سجن ده طبعا بعد التخفيف

karmen

2009-03-29, 09:04 PM

ممكن اعرف هو silver هيتحاكم امتى ويا ترى ممكن اكون من اللى بيطرحوا الاسئله عليه؟؟؟؟

Silver

2009-03-30, 12:51 AM

ممكن اعرف هو silver هيتحاكم امتى ويا ترى ممكن اكون من اللى بيطرحوا الاسئله عليه؟؟؟؟

خسارة يا كارمن :-s

دايماً بتلحقينى متأخر :!!

http://www.elmjeck.com/vb/showthread.php?t=487&page=2

للأسف أنا كنت أول واحد يتحاكم ف المحكمة L-)

قرار أنك تكونى من اللى بيسألوا ده راجع لقاضى المحكمة :-B

انما ممكن نرشحك للمحاكمة بعد مانوللى .... إيه رأيك بقى ؟ :-/

manolly

2009-03-30, 02:41 PM

بقى كدة يا كارمن
اوكى
انا اخد 15 سنة
انا موافقة انها تتحاكم وتاخدولى حقى منها
ومش هتلاقى حد يعبرك ويشهد معاكى

THE KING

2009-04-03, 04:38 PM

ماشي يا بلابل المحكمه حتطول الجلسه بتاعت مانوللي اسبوع كمان اخر يوم ليكي يا مانوللى يوم الجمعه الجايه ..
يا اما تدخلي السجن يا اما تدخلي السجن برده
هههههههههههههههههه

وعاوزين متابعتك معانا يا كارمن والنبي عاوزين ندمر الست دي

amralbob

2009-04-04, 01:36 AM

حرام كلهم عليكي يا منولي ان شاء الله تخدي براءه

بلابل

2009-04-04, 03:58 AM

بعد الاطلاع على اوراق التحقيق وسماع اقوال الشهود

اقدر اقول ان موكلتى بريئة

وسوف افسر لسيادتكم هذا

- إيه اللى شدك في الماجيك وخلاكي تسجلي فيه ..؟
عادى حسيت انه منتدى كويس والاعضاء الله فيه كويسين ومحترمين وكدة يعنى

هذا الرد يبين لهيئة المحكمة نية موكلتى الطيبة للماجيك واعضائو الكرام

تبرري بإيه انك أول ما سجلتي كنتى كل حاجه تقولي مش فاهمه .. إيه مكنتيش بتقري المواضيع ولا إيه .. (( الإنكار مش حينفعك بأي حاجه )) .
لا مش كدة بس فى حاجات مكنتش فاهمة ايه المقصود بيها بس كدة

وهذا الرد يبين صحة نية موكلتى لانها لو مش بتعز المنتدى مكنتشى حولت تفهم الى فية

وكمان انكار اية موكلتى مانكرتشى اى شئ

مش عوزين اسلوب الضغط فى الاستجواب دى

تبرري بإيه حبك لفضح الناس .. ومتقوليش مش بفضح حد .. ؟
حرام عليك يا سيادة القاضى انا فضحت مين بس

فين الاوراق الى تسبت صحة كلامك

هذا اتهام موجة مباشرتن لموكلتى

ولا يوجد صحة لهذا الكلام لان بدون اوراق رسمية لا يوجد اتهام

انتى شايفه نفسك .. تقومي وتقولى للقمر يقعد مطرحك .. ولا تقومي وتقولي للقرد يقعد مطرحك .. لازم تحددي إجابه من دول ..؟
اكيد مفيش حد شايف نفسه زى القرد ومحدش بيشوف نفسه وحش على ما اظن يعنى
بس باردو مش لدرجة القمر يعنى

وهذا ايضن احراج لموكلتى

لان مفيش حد بيقول على نفسو وحش او حلو

ومش عارف لزمتو اية السؤال دة

اهم حاجة جوهر الانسان الداخلى

وليس الخارجى

لو كنتي بتحبي شخص واكتشفتى انه مش بيخلف تكملى معاه وتحرمي نفسك من الأمومه .. ولا تنفصلوا وتعملى نفسك مش عارفه ..؟
اكيد طبعا مستحيل هسيبه

مش بقلكم موكلتى ذو قلب كبير

ملئ بحب الناس

الى بيحب بيضحى بكتييييييييييييييييير

ودة كلام الاستاذ رامى راخر

حمدلله ع السلامة يا قاضى

وحمدلله ع السلامة ليكى أنتى كمان يا مانوللى

وما تفتكريش أن فيه حد هينفعك ف المحكمة

المحاكمة فــ بث مباشر مــ الدور العاشر

ومينفعش نسيبك كده تخرجى بسلام

ولازم نعمل ضجة ومحكمة شرسة

النية متوفرة عندكم والدليل انكم بتكررو نفس المقولة

مفيش حد هينفعك

يعنى اية عوزين تكمو عليها وانا موجود

البلد فيها قانون

وكمان انا محامى اد الدنيا

وبعد كشف نيتكم اتجاة موكلتى

وتوجية تهم بدون اثبات

اطلب الافراج عن موكلتى واعطائها براءة

وشكرا على استماعكم

ربنا يسطر يا مانوللى وميجلكيش اعدام

انا اول مرة اترافع عن حد

ربنا معاكى انا عملت الى علية

والباقى على ربنا

amralbob

2009-04-05, 12:55 AM

مبروك يا منولي البرائه

Silver

2009-04-06, 12:27 AM

ومين اللى قال أنها خدت براءة

لسه هنشوف قاضى المحكمة هيقول ايه

وإن شاء الله حكم مؤبد مع الأشغال الشاقة عشان خاطر كارمن

اللى إن شاء الله نخليها تحصلها ف المحاكمة القادمة

منتظرينك يا قاضينا العادل

amralbob

2009-04-06, 01:13 AM

ماشي ياسلفر ان لالالا حرام عليك ان شاء الله تخد براءه

manolly

2009-04-06, 01:28 PM

ربنا يخليك ليا يا بلابل يا ناصف المظلومين
وطبعا مرافعتك هتجيبلى براءة مؤكدة بدون شك

اما بالنسبة لسيلفر مقدرش اقول غير ربنا عالظالم والمفترى

وطبعا انا من اول المرشحين ان كارمن تدخل مكانى المحكمة

وميرسي ليك تانى يا بلابل على مرافعتك ودفاعك عنى

THE KING

2009-04-06, 03:31 PM

مش عوزين اسلوب الضغط فى الاستجواب دى

المحكمه ليها اساليبها الشريف والغير شريفه ... (( شفتو فيلم الكرنك )) ؟؟
اهو المحكمه ممكن تعمل كده وفى اى حد ..:ar!

فين الاوراق الى تسبت صحة كلامك

هذا اتهام موجة مباشرتن لموكلتى

ولا يوجد صحة لهذا الكلام لان بدون اوراق رسمية لا يوجد اتهام

المحكمه ليها مصادرها السريه يا بلابل ..
وعلشان بس منفتريش عليها
انا عارف كويس انها بتحب تفضح ..
لأنى فاكر انى قرأت رد ليها بيقول (( انا مبيتبلش في بقي فوله .. )) هتفقولى انت بتدقق هاخدك اشتباه عشر دقايق 3:-O

المحكمه عادله جدا فى كل القرارات ..

وان شاء الله حتشاور مع ملاك الروح و سيلفر حول الحكم ..
انتظرونا فى القريب ان شاء الله ..
خلي بالك يا مانوللى انتى تحت العدسه المقربه يعنى اى حاجه هتلاقيها شكوى نزلت هنا علطول .. >:/

انتظروناااااااااااااااا

ملاك الروح

2009-04-06, 05:55 PM

وانا بقي بطلب محاكمة تانيه لمانوللي
اشمعنا انا اللي اتحاكم مرتين يعني
ها
يالا
منتظرين المحاكمه التانيه
اكشن تاني مره

بلابل

2009-04-06, 11:36 PM

كدة يا ملاك

انا الى هتظلم وهترافع تانى

انا صوتى راح من المرة الاولة

على العموم كلو بحسابو

ههههههههههههههههه

فى انتظار حكم المحكمة

manolly

2009-04-07, 03:11 PM

وانا بقي بطلب محاكمة تانيه لمانوللي

اشمعنا انا اللي اتحاكم مرتين يعني
ها
يالا
منتظرين المحاكمه التانيه

اكشن تاني مره

ليه كدة يا ملوكةده انا بحبك والله ومتوقعش منك كدةابداااااا
عموما المحامى بتاعى يحاول يشوف حل للموضوع ده هو انا هتحاكم كل شوية ولا ايه ولا انت عايز تقبض وخلاص

شكلك دسيس يا بلابل وهما محرضينك عليا

GHOST

2009-04-07, 05:38 PM

ليه كدة يا ماوكة ده انا بحبك والله ومتوقعش منك كدةابداااااا
عموما المحامى بتاعى يحاول يشوف حل للموضوع ده هو انا هتحاكم كل شوية ولا ايه ولا انت عايز تقبض وخلاص

شكلك دسيس يا بلابل وهما محرضينك عليا

تصدقي يا مانوللي الحاجه الوحيده اللي صح

هو ان بلابل دسيسه من الطعايمه

بجد المحامي ده بيغرغر بيكي

وبياكل بعقلك جاتوه

خلي بالك منه

ومتسلميش دقنك بسهوله

وانا مع ملاك ليه متتحاكميش تاني وتالت ورابع

ولو بلابل اتكلم في الأتعاب

غيريه المحاميييييين كتيييييييير

وان شاء الله أقل واجب هه حبس مع ايقاف التنفيذ وربنا يسهل

ومستنيينك يا قاضينا

karmen

2009-04-08, 11:00 AM

اوعى يا سيادة القاضى تاخدك بيها اى رحمه او شفقه الدموع اللى انت شايفها دى دموع تماسيح

THE KING

2009-04-08, 02:52 PM

ههههههههههههههههههههههههه

شفتي يا مانوللي بأه .. مش انا وسيلفر وكارمن بس ..
ده كله عليكي
شفيلك محامي كمان لحسن بلابل مش نافع خالص ..
كل كلامه بيقوله ..
(( إن نية موكلتي بريئه )) ربنا اعلم بالنوايا يا عم بلبل !!!!!!!!!!!!!!
ههههههههههههه

شفيلك محامي بيعرف يتكلم كويس واركني بلابل على جنب ...
وان شاء الله نعملك محاكمه كمان واسئله شديده شديده شديده
حتكون بإذن الله 20 سؤال مني .. واي حد عاوز يسأل مانوللي يتفضل دي حاله خاصه
اي حد عاوز يسألها يسأل اوكيششششششششن بس ياريت متزدش عن 5 اسئله رأفه بيها ..
ممكن تبدأو تسألو يا جماعه

prince of alex

2009-04-08, 02:58 PM

اه انا شكلي لازم ادخل في هيئة الدفاع فين موكلتي

THE KING

2009-04-08, 03:04 PM

ده على اساس ان انت المحامي الجديد ولا ايه ؟؟؟
ههههههههههههههه

والله خليكو ماشيين جنب الحيط لا مانولى ولا غيرها حينفعكم

prince of alex

2009-04-08, 03:08 PM

ليه مش قدها !!!!!!!!!!!!!

ههههههههههههههههههههههههههه

karmen

2009-04-08, 03:55 PM

اجمل خبر سمعته ان اى حد ممكن يسأل مانوللى ده انا هبهدلك وعلى الله تكدبى انا قاعده لك

prince of alex

2009-04-08, 06:01 PM

ليه انتوا مش مفروض صحاب يعني مفروض تكوني في هيئة الدفاع معايا وبلابل ولا ايه؟؟؟؟؟؟؟؟؟؟

karmen

2009-04-08, 08:03 PM

ههههههههههههه
ماهو اصل اللى بيحب حد الايام دى لازم يبهدله

THE KING

2009-04-08, 08:26 PM

ايوها خدمه .. وعلى فكره يا احمد مانوللى مش حتفعك

manolly

2009-04-09, 10:25 AM

مين اللى حط القاضى المفترى ده في المحكمة
خرجوه وهاتوا حد يرأف بالناس شوية
ده انا غلبانة والله
اما اللى عايز يترافع عنى يا جماعة انا موافقة على اى حد ومش هعترض المهم تاخدولى حقى

karmen

2009-04-09, 10:56 AM

جلستك طولت اوى يا مانوللى يبقى شكلك هتخدى اعدام

prince of alex

2009-04-09, 09:30 PM

خلاص يا عم عمرو يا صديقي انا عبعد عن الموضوع ده بدال ما حبيب البي شايف كدا وفعلا شكلها مش عتنفعني ديه بتقول مفيش مشكلة ان اي حد وانا مش اي حد انا برنس !!!

THE KING

2009-04-10, 09:09 AM

هههههههههههههههههههههههههههههههههههههههههههههههههه ههههههههههههههههههه

THE KING

2009-04-11, 05:39 PM

مين اللى حط القاضى المفترى ده في المحكمة
ادي تهمه أهي لوحدها .. بتشتمي سيادة القاضي .. المحترم المبجل العظيم (( سب وقذف علني سنتين ))

ده انا غلبانة والله
ادي تهمه كمان .. ازاى بتقولي على نفسك غلبانه .. وانتى عندك كمبيوتر ونت في البيت .. انتى كده بتكذبي على المحكمه .. (( شهادة زور 3 سنوات ))

تاخدولى حقى
عاوزه تنتقمي من المحكمه .. تحول الى أمن الدوله (( خطر على امن المحكمه والقاضي المحترم ))

انا قلتلك عالواحده أهو ..
كده انتى حتتسجني 5 سنين .. خليهم فى الحسبان :a (100):

manolly

2009-04-13, 01:49 PM

خلاص يا عم عمرو يا صديقي انا عبعد عن الموضوع ده بدال ما حبيب البي شايف كدا وفعلا شكلها مش عتنفعني ديه بتقول مفيش مشكلة ان اي حد وانا مش اي حد انا برنس !!!

انت اتخليت عنى من اول قلم يا برنس

اوعى يأثروا عليك يا بلابل انت كمان

karmen

2009-04-13, 02:22 PM

هههههههههههههههه
ده البهدله هتبقى للركب يا مانوللى

THE KING

2009-04-15, 06:34 PM

يا جماعه طلعت اشاعات ان مانوللى اخدت براءه ..
ده كلام فاضي

مانوللى لسه متهمه واللى يحب يسأل يتفضل

prince of alex

2009-04-15, 07:24 PM

اصبر يا عم عمرو انا بجهز اسءلة صعبة

بلابل

2009-04-15, 11:13 PM

كدا كدا

يعنى انا مرفعتى معجبتكشى يا عمرو

على العموم انا جاهز

ولى عودة بعد توجية اخر التهم لموكلتى

وجاهز بقوة

ربنا يسطر يا مانوللى

كارمن عمالة تولعها نار من حولينا

manolly

2009-04-16, 10:24 AM

اصبر يا عم عمرو انا بجهز اسءلة صعبة

طيب اتخليت عنى وقلنا ماشي
كمان بقيت ضدي
ده انت طلعت وحش اوى يا برنس

prince of alex

2009-04-16, 12:26 PM

وحش ايه بس يا منولي طب يا جماعة مفيش خط محايد مش عايز ازعل لا منولي ولا عمرو حبيبي

karmen

2009-04-16, 04:44 PM

أرجوا توقيع أقصى العقوبه على المتهمه مانوللى

THE KING

2009-04-17, 08:01 PM

ولعينا يا بوتاجاز

karmen

2009-04-17, 09:42 PM

هههههههههههههه
حرام عليك ده انا جايه أهدى النفوس

manolly

2009-04-18, 12:28 PM

ماشاء الله عليكوا قاعدين بتتعازموا عالحكم
يا حضرة القاضى احكم وخلصنى بقى

بلااااااااااااااااابل فينك سايبنى لواحدى في المحكمة كدة اوعوا يكونوا ادولك رشوة انت كمان علشان تبقى ضدى

THE KING

2009-04-18, 02:53 PM

اممممممممممممم

طيب

انتى حتجاوبي على سؤالين كمان وبس .. وان شاء الله تاخدي 5 سنين مع الشغل وتدغدغي طوب فى الجبل .

س1/تعارض وجهات التنظر واختلافها المستمر حتي لو الاتنين بيحبو بعض هل الحب في الحاله اللي قصدنا دي يكون كافي انو يقوم بيت ويبنيه ??
س2/ايه رايك في دموع الراجل??
س3/ايه رأيك او ما هي وجه نظرك في ******ه؟!! بمعني ازاي تكون تعاملها مع الراجل هل حاضر ونعم وطيب وخلاص وتحت امرك وكده
س4/هل تؤيدي الشفافيه والصراحه انك تقولى لحبيبك ماضيكي ؟؟ ام تؤيدي الكذب (( محبتش حد قبلك )) ولا متجيبيش سيره ليه خالص عن حب قديم ولا حتى جديد ؟؟
س5/مين يبقى على الانسان اكتر حبيبه ولا صاحبه وليه؟

معلش بأه طلعوا اكتر من سؤالين ..

ونبلغكوا اننا قفلنا الأسئله الخمس اسئله دول وبعد كده تجاوب عليهم وان شاء الله ربنا معاها
على فكره يا مانوللى انا بحبك بردو والله واتمنالك الخير .. وبدعيلك ..

بلابل

2009-04-18, 04:33 PM

بما انى لسة محامى مانوللى

قبل مقدم استقالتى

اقدر اقول انها بريئة

والدليل

ان قاضى المحكمة تعطف عليها وقال الحقيقة

على فكره يا مانوللى انا بحبك بردو والله واتمنالك الخير .. وبدعيلك ..

يارب تطلع براءة

خلينى اخد الاتعاب وفك بقى

هههههههههه

karmen

2009-04-18, 08:29 PM

هى هيتحكم عليها امتى
أنا مشتاقه أعرف الحكم ياللا

golden man

2009-04-19, 12:00 PM

هيتحكم عليها يا كارمن حضري انتى بس الى هتاخديه معاكى وانتى رايحالها

prince of alex

2009-04-19, 06:44 PM

نفوس مين اني جاية تدينا الكبريت وبتقللنا ولعوا

prince of alex

2009-04-19, 06:45 PM

بما انى لسة محامى مانوللى

قبل مقدم استقالتى

اقدر اقول انها بريئة

والدليل

ان قاضى المحكمة تعطف عليها وقال الحقيقة

يارب تطلع براءة

خلينى اخد الاتعاب وفك بقى

هههههههههه

خير ما عملت

prince of alex

2009-04-19, 06:46 PM

ماشاء الله عليكوا قاعدين بتتعازموا عالحكم
يا حضرة القاضى احكم وخلصنى بقى

بلااااااااااااااااابل فينك سايبنى لواحدى في المحكمة كدة اوعوا يكونوا ادولك رشوة انت كمان علشان تبقى ضدى

بلاااااابل بقى مفروض يخلع

karmen

2009-04-20, 05:39 PM

كل الناس خلعت يا مانوللى
معلش بقى
يا عينى
يا حرام
متزعليش بقى
ههههههههههههههههه

THE KING

2009-04-21, 12:56 PM

ماشي بما انكم تخليتو عن مانوللى .. فشوفو الحكم بتاعى بأه .. من غير ما تجاوبي يا مانوللي

احم احم

بسم الله الرحمن الرحيم ..
بعد الاطع على اوراق المتهمه .. نقول الأتى
انه فى يوم الثلاثاء من شهر ابريل .. قررت المحكمه الأتيه
الخروج براءه بكفاله قدرها 3000 بوسه توزعيها على اللى بتحبيهم من الاعضاء المنتدى .. وللعلم للمحكمه 10 % من البوسات دي ..

رفعت الجلسه
http://www.qwled.com/vb/imgcache/84194.imgcache

THE KING

2009-04-21, 12:58 PM

انتظروا الجلسه القادمه للمتهمه karmen
لحين ردها على موضوع محكمة الحب والرومانسيه تبدأ المحاكمه ثم تحول الى كرسي الاعتراف

karmen

2009-04-21, 01:18 PM

أنا موجوده أهو
يعنى ايه هتسأل الأول فى كرسى الاعتراف واللا ايه مش فاهمه؟

prince of alex

2009-04-21, 01:18 PM

ماشي يا حظك خلعتي المرادي والف مبروك على الحكم الجميل ده

karmen

2009-04-21, 01:19 PM

والحكم على مانوللى جامد جدا
ميرسى عمرو

manolly

2009-04-21, 01:21 PM

الله يبارك فيكوا يا جماعة

والله مش عارفة اقولك ايه يا سيادة القاضي

ده انت طلعت قاضي كويس اوى اومال كانوا بيقولوا عليك ظالم ليه

عموما الحكم اللى عليا بال 3000 بوسة اهديها لكل اعضاء المنتدى وده اقل واحسن حكم شوفته في المحكمة

THE KING

2009-04-21, 05:39 PM

أنا موجوده أهو
يعنى ايه هتسأل الأول فى كرسى الاعتراف واللا ايه مش فاهمه؟

والله مش عارف بلابل مستعدلك ولا لأ .. بس نصبر شويه علبال ما بلابل يستعد وانا مستعد .. ومعلش بأه يا كارمن انتى الضحيه لأننا بنجرب الفكره :">

THE KING

2009-04-21, 05:40 PM

prince of alex

2009-04-25, 08:42 AM

مستنينك يا كارمن

a7med

2009-04-25, 05:01 PM

احب اتعرف على احد

a7med

2009-04-25, 05:03 PM

الايميل تم حذف الإيميل

ممنوع وضع الإيميلات فى المواضيع والمشاركات

karmen

2009-04-25, 05:23 PM

ازيك يا أحمد بس ممنوع كتابة الايميل فى المشاركات والمواضيع
دى قوانين المنتدى
احنا بنرحب بيك كعضو هنا فى المنتدى ويشرفنا نتعرف بيك أكتر
من خلال مواضيعك ومشركاتك
شكرا أحمد

prince of alex

2009-04-26, 11:35 AM

صح احمد انا لما قلتلك خش هنا مكنش قصدي اكتب ايميلك

THE KING

2009-05-01, 03:40 PM

تابعوا معانا الاستجواب قى كرسي الاعتراف

golden man

2009-05-02, 12:27 AM

متابعين

THE KING

2009-05-04, 02:18 PM

ماشي

amralbob

2009-05-04, 08:58 PM

ماشي ياعمور وربنا يعينك يا كارمن وتخدي البرأه زاي مانولي ومبروك يا مانولي

karmen

2009-05-04, 09:59 PM

أوكى بوب
ميرسى ليك

amralbob

2009-05-04, 10:06 PM

لالا مرسي على واجب يا كارمن شدي حيلك بقى عايزينك تخدي البراءه من اول مره

manolly

2009-05-05, 01:23 PM

ماشي ياعمور وربنا يعينك يا كارمن وتخدي البرأه زاي مانولي ومبروك يا مانولي

الله يبارك فيك يا عمرو وكارمن شكلها كدة مش هتاخد براءة ان شاء الله

karmen

2009-05-05, 01:34 PM

يا ساتر عليكى يا مانوللى
مااااااااااااااشى
هتشوفى ان ماخدتش البراءه مبقاش أنا كارمن

manolly

2009-05-05, 01:41 PM

ههههههههههههههههههههههههههههه
يابنتى انا عارفة
دول مفتريين
وبعدين تاخدى براءة ليه
خلينى ساكتة

اسكت يا لسانى اسكت يا لسانى
ههههههههههههههههههههههه

THE KING

2009-05-05, 04:03 PM

يا ساتر عليكى يا مانوللى
مااااااااااااااشى
هتشوفى ان ماخدتش البراءه مبقاش أنا كارمن

ده إيه الثقه دي كلها .. طيب إبقى قابليني أنا بأه لو اخدتى البراءه هههههههههههه

Silver

2009-05-05, 04:29 PM

مش معنى أنى مابردش أنى مش متابع

أنا شايف وعارف وكل حاجة وقاعد صاحى

وزى ما مانوللى خدت حقها فى المحكمة

هيكون ليكى نصيب حلو يا كارمن

واثقة أوى من البراءة

ابقى ورينى ازاى ؟!!

والمحكمة بيننا

THE KING

2009-05-05, 04:31 PM

اشطه عليك يا سيلفر يا مولعهااااااااااااااااااااااا

karmen

2009-05-05, 08:47 PM

كلكوا عليه واللا ايييييييييييه
هههههههههههههههه
ماشى

THE KING

2009-05-06, 12:38 PM

بس انا مع الحق والعداله وزي ما قالك سيلفر لو انتى مذنبه حتاخدى العقاب ..

karmen

2009-05-06, 12:59 PM

كل ذنبى انه لاقانى
قلب مخلص مش أنانى
فى زمان الحب فيه كلمتين كدب فى أغانى

THE KING

2009-05-06, 01:02 PM

دى تهمه يا كارمن ... انتى بتغنى فى المحكمه يعنى بتهيني الهيئه الموقره تهمه جديده

prince of alex

2009-05-06, 01:37 PM

والله انا شايف ان احنا مفروض نعمل حفلة على كارمن

THE KING

2009-05-06, 04:24 PM

حفله ازاى يعنى

amralbob

2009-05-07, 01:39 AM

ههههه الله يعينك يا كارمن شكلك هتخدي اعدام مش براءه ههههههههه

THE KING

2009-05-07, 09:38 AM

ربنا يستررررررررررررررر

karmen

2009-05-07, 09:57 AM

ميرسى ليكم كلكم على شعوركم الجميل ده
عارفه طبعا ان كلكم بتدعولى من قلوبكم انى أخد البراءه
عارفه ان كلكم تتمنولى الخير
خلاص يا جماعه محدش يحلف
مصدقاكم

THE KING

2009-05-07, 10:06 AM

هههههههههههههههههههههههه مش بقولكم واثقه .. بس ياترى شعورك ده في محله ولا لأه ؟؟

prince of alex

2009-05-07, 01:45 PM

طب على كدا انا عدخل في هيئة الدفاع بس الاتعاب مقدم ها ايه قولك ولو مدفعتيش انا حخلي الاقاضي يحكم عليكي حكم صعب موووووووووووووت ياي

THE KING

2009-05-07, 01:53 PM

قصدك ايه يعنى تجبرني انى احكم حكم مش عاوزووو ده انا ادخل فيك السجن

karmen

2009-05-10, 02:00 PM

لالالالالالالالالالالالالا
وأنا اللى كنت فاكراك قاضى نزيه
لالالالالالا
متحاولش تبرأ نفسك
ما خلاص أحمد قال لو مدفعتش أتعاب هيخليك تحكم حكم جامد
يعنى ايه هيخليك
قاضى انت واللا.............................

THE KING

2009-05-10, 02:39 PM

قصدك ان انا باخد رشوه يعنى ..؟؟؟ طيب أقولك على حاجه جميله اوي اوي .. انتى وأحمد ده هتتحاكمو مع بعض ... انتى بال68 قضيه اللى عليكي واحمد باتهامي انى باخد رشوه .. احنا بنهزر هنا !!! ها اااااااااااا

THE KING

2009-05-10, 02:40 PM

انضم للمحاكمه مع كارمن .. prince of alex ودي اول مره يتم محاكمة اتنين فى قضيه واحده .. يتحول برنس اليكس على كرسي الإعتراف بالقسم العام ..

karmen

2009-05-10, 03:37 PM

أيوه كده
خليك حازم وشديد

THE KING

2009-05-10, 04:47 PM

لا انا عمرو وشديد مش حازم وشديد

karmen

2009-05-11, 08:00 PM

ههههههههههههههه
المهم انك فى الأخر شديد

THE KING

2009-05-12, 01:28 PM

احم احم ..

karmen

2009-05-12, 03:08 PM

سورى يا سيادة القاضى
هزرنا بما فيه الكفايه

manolly

2009-05-12, 03:11 PM

ايوة يا عمرو ماتسكتلهاش
احسن دى ما هتصدق
خليك حازم كدة واوعى ترأف بيها
وميهمكش دموع التماسيح دى

karmen

2009-05-13, 02:35 PM

يا سلاااااااااااااااااااااااااااااام
ماااااااااااااااااااااااشى

THE KING

2009-05-13, 04:58 PM

استعدي

karmen

2009-05-13, 06:22 PM

أوكى

THE KING

2009-05-13, 08:22 PM

بقلك إييييييييه (( على فكره انا بزعق أووووووووووي )) أوعي تردي هنا غير لما تخلصي فى كرسي الإعتراف وتتحولي .. يو أندر ستاند ؟؟ خلي بالك منى ونتبهي وربنا يعدي الحكايه دي على خير

karmen

2009-05-14, 04:26 PM

ايه ده مش متعوده منك على الشراسه دى
لالالالالالالالالالا
خليك رقيق وبشويش معايا أحسن أنا بتخض
يا مامى
ههههههههههههههههههههه

THE KING

2009-05-15, 09:55 AM

بصي بردو رديتي .. امال فين جعفر و بيومي ؟؟ (( دول البودي جارد بتوع المحكمه )) طلعو الست دي برررررررررررررررررررره لغاية ما يوصل بلابل

karmen

2009-05-15, 03:09 PM

طب أعمل ايه أنا طيب
ماهو مفيش أسئله ولا أى حاجه فى كرسى الاعتراف
الظاهر بلابل راح نام ونسى الكرسى
وبعدين انت فاكرها سايبه
يطلعوا مين
ده أنا مسنوده جاااااااااااااااااااااااامد أوى
حاسب على كلامك
هههههههههههههههه

THE KING

2009-05-15, 04:01 PM

احاسب على كلامي ؟؟ ليه هي الفاتوره كام ؟؟؟ يانتى بتقولى انك مسنوده شكلك مسنوده على حيطه مايله وحتوقعك بإذن الله على الإعدام ..

karmen

2009-05-15, 04:05 PM

لالالالالالالالالالالالا
متغلطش فى الحيطه اللى أنا مسنوده عليها
أحسن كده الحيطه تزعل

THE KING

2009-05-15, 04:13 PM

هههههههههههههههههههههههههههه

karmen

2009-05-15, 07:34 PM

اضحك ياخويا اضحك

THE KING

2009-05-16, 04:03 PM

والله يا كارمن شكلي حظرفك مؤبد مع الشغل وتكسري طوب فى الجبل .. وتركبي على السيسي لما تطلعي من السجن ده لو طلعتى يعنى

karmen

2009-05-16, 06:06 PM

يا ساتر يا ساتر
يا ساتر يا ساتر
فى كده فى الدنيا لالا لالا

golden man

2009-05-17, 01:01 AM

هو فيه كده فى الدنيا

معلش يا كارمن يما نعيش يا ما نشوف
قشطه عليك يا عمرو يا جامد

karmen

2009-05-17, 10:06 PM

يا سلام يا جولدن
معاهم معاهم عليهم عليهم
مااااااااااااااااااااااشى

THE KING

2009-05-18, 02:52 PM

طبعاااااااااااااااا .. انت فين يا عم بلابل ..

karmen

2009-05-18, 03:37 PM

طبعاااااااااااااااا .
فى قاضى شريف يوافق على مبدأ معاهم معاهم عليهم عليهم
لالالالالالالالالالالالالالا
انت قابض
وقابض جامد كمان

THE KING

2009-05-18, 04:54 PM

يانهارك مدوحس يا كارمن انتى مش هامك حد .. ماشي ماشي ماشي .. ليكي يووووم

karmen

2009-05-18, 05:11 PM

هنشووووووووووووووووف

amralbob

2009-05-18, 06:57 PM

هوه ايه انتي لسه مخجتيش يا كارمن الله يعينك

karmen

2009-05-18, 09:24 PM

قول الكلام ده يا بوب لسيادة القاضى وحضرة وكيل النيابه

amralbob

2009-05-19, 08:11 PM

ماشي يا كارمن

mahmodsalama

2009-05-20, 02:45 PM

شكرا يا رايق علي المواضيع موضوع رائع

THE KING

2009-05-20, 04:24 PM

العفو .. طيب يا كارمن انتى جلستك هتقعد هتا 9 شهور ولو كان حظك حلو هتقد 7 شهور .. اصل احنا بنخلف الحكم ..

karmen

2009-05-20, 04:38 PM

هههههههههههههههه
بتخلفوه
ويا ترى بقى هيطلع ولد واللا بنت؟؟؟

el asmar

2009-05-24, 10:44 PM

الموضوع جامدا
بس يا ريت الاجابه على الاسئله تكون بصراحه
وبلاش؟؟؟؟؟؟؟؟؟؟؟؟؟؟؟؟؟؟؟

بلابل

2009-05-28, 04:50 AM

هههههههههههههههه
بتخلفوه
ويا ترى بقى هيطلع ولد واللا بنت؟؟؟

لالالالالالالالالالالالالالالالالالالالالالالالا

انا كارمن لما كانت على الكرسى مكنتشى تقدر تقول كدا خالص

على العموم يا عمرو هى جيالك

وعرف بقى هى بتقول كدا عليك ازاى

انا جاى اهدئ النفوس بس

محدش يفهمنى صح

ههههههههههههههههههه

karmen

2009-05-28, 02:19 PM

يا بلابل متقلقش وهو حد يقدر يفهمك صح برضه ودى تيجى
ههههههههههههههههههه

THE KING

2009-05-29, 12:32 PM

هههههههههههههههه
بتخلفوه
ويا ترى بقى هيطلع ولد واللا بنت؟؟؟

والله لو بنت مفيش مشكله بس لو ولد فى مشكله هيبقى فى حل من التنين يا إما يطلع كويس يا إما يطلع صايع .. ولو طلع كويس يبقى مفيش مشكله بس لو طلع صايع فى مشكله يبقى فى حل من التنين يا اما يشرب بنجو يا اما ميشربش لو مشربش يبقى مفيش مشكله بس لو شرب يبقى مشكله هيكون فى حل من التنين يا اما هيروح القسم يا اما مش هيروح .. لو ممراحش يبقى مفيش مشكله لكن لو راح هيكون فى مشكله هيبقى فى حل من التنين يا اما يطلعوه يا اما يتسجن .. لو طلعوه مفيش مشكله بس لو سجنوه هيبقى فى مشكله هيكون فى حل من التنين يا اما ياخد براءه يا اما ياخد مؤبد .. لو اخد براءه مفيش مشكله .. لكن لو اخد مؤبد في مشكله حيموت لو مات حنعمله العزه ...الخ .. الخ .. الخ ........

karmen

2009-05-29, 06:12 PM

معاش ولا كان اللى يزعلك
انا اسفه انا غلطانه ومش هتكلم تانى
بس انت هدى نفسك

MORO CHOCOLATE

2009-05-29, 10:21 PM

انا عايزة العضو اللي يتسأل المرة الجاية يكون ايما
بليييييييييييز

karmen

2009-05-30, 02:46 PM

ان شاء الله يا توتا
يكون هو المره الجايه
متقلقيش هنعصرهولك فى الأسئله

THE KING

2009-05-30, 07:31 PM

انتى بتتكلمى كده على اساس انك انتى المتصرف الأول والأخير فى المحكمه هنا يا كارمن (( شوية قلة ادب بأه مني )) انتى محدش هامك ولا ايه عماله تغلطي فى المحكمه هنا ومش عامله حساب للقاضي المحترم .. ولا للساده المستشارين المبجلون .. ولا حتى لأي حد .. ماشي يا كارمن خدي عندك بأه .. قررت المحكمه التالي .. جلسة كارمن يوم الأربعاء .. ان شاء الله وهتكون 99 سؤال ..(( مش بهزر على فكره 99 سؤال بالظبط )) والله لأعصر دماغك .. وده خاص بيكي لوحدك علشان تعرفي بأه ان انا قاضي محترم وبعاقب .. وقررت المحكمه التالي بردو .. انك تدخلى التخشيبه مدة 48 ساعه وده لأنك غلطتي فيا وقلتى انى قابض .. أي خدمه يا جماااااااااااااااااااااعه افرحوا فى كارمن .. وده كله مش علشان انتى متهمه ولا حاجه تولع المحكمه .. ده كله علشان انتى عديتيني فى المشاركات .. ههههههههههههههههههههه

karmen

2009-05-30, 07:36 PM

ههههههههههههههه
عشان عديتك فى المشاركات
والله يحيا العدل

golden man

2009-05-31, 03:20 PM

تسلم يا عمرو واحكم عليها تنقص شويه من المشاركات

THE KING

2009-05-31, 04:04 PM

اوكيشن يا جولدن مان .. ده انا هعملها احكام تحفه

golden man

2009-05-31, 04:14 PM

قشطات يا مااااااااااااااااان تسلم

karmen

2009-05-31, 05:47 PM

لالالالالالالالالالالالالا
انتوا هتقسموا عليه واللا ايه

golden man

2009-05-31, 06:42 PM

ليه انتى طبله
ههههههه
ما تقلقيش التقسيم لسه جاى واللعب جاى لسه ما تستعجليش

karmen

2009-06-01, 03:26 PM

هههههههههههههه
إلعب إلعب إلعب آه يا روحى
هههههههههههههه
ده بعينك لعب مين يا مان

golden man

2009-06-02, 06:49 AM

هتشوفى مش بقولك ايامك جايه لسه وهتبقى احسن من الى بيحصل معايا فى كرسى الاعتراف
ماشى هتشوفى يا كارمن استعدى يا قمر وجهزى نفسك

karmen

2009-06-02, 12:34 PM

iam ready

golden man

2009-06-02, 05:33 PM

ايه يا عمرو مش ممكن اسالها اى حاجه كده

Silver

2009-06-02, 11:55 PM

ايه يا عمرو مش ممكن اسالها اى حاجه كده

أنا بقول يا عمرو ،،،

سيب جولدن مان يسأل كارمن سؤالين اتنين تلاتة عشرة خمستاشر

هى استغلت الفرصة وسألته فى كرسى الاعتراف

ندى احنا كمان فرصة لجولدن ونخليه يسألها

واهى فرصة على ماتجهز الـ 99 سؤال

منتظرينك يا عمرو

golden man

2009-06-03, 01:06 AM

تسلم يا سيلفر يا ريت تدينى الفرصه دى
عايزين ناخد فرصتنا بقى

بلابل

2009-06-03, 02:42 AM

هههههههههههههههه

اية يا عمرو انت هتتاخر كتير

انت لو مجتشى رامى وجولدن

هيحتلو المحكمة لحسبهم

انا عرفهم

الحق نفسك

وورينا الشغل بقى

منتظرينك

golden man

2009-06-03, 05:01 PM

هو فين عمرو مش بيجاوب ليه لو ما ردش انا هسالها كام سؤال كده على ما يجى

karmen

2009-06-03, 08:54 PM

طب جرب كده تسألنى وشوف انا هروح الكرسى اعمل فيك ايه
ده تهديد على فكره

prince of alex

2009-06-03, 10:36 PM

اوه اوه

احنا فينا من كدااا

golden man

2009-06-04, 12:02 AM

وطلعت انت ابو كده
اوك يا كارمن اشهد يا عمرو شوف يا سيلفر اتفرج يا بلابل بتهددنى قدامك
ماشى اما نشوف

THE KING

2009-06-04, 08:23 AM

ماشي يا جولدن علشان هي هددتك هديلك فرصتك بس بشرط انك متزودش عن 15 سؤال .. وأي حد تانى عاوز يسأل يسأل بس ميزودش عن 5 اسئله .. وسيلفر لغاية 15 سؤال وانا 99 سؤال .. هتقولولي اشمعنا سيلفر وجولدن مان هقولكم علشان هي هددتهم .. وياجماعه اسألو فيها كتير علشان انا هتغيب شويه علشان بمتحن (( إعداديه بقى )) .. ادعولي

karmen

2009-06-04, 01:22 PM

no comment
يعنى بعد كل ده وعاوزنى أدعيلك بس هنقول ايه
ياللا ربنا معاك اهو نكسب فيك ثواب بالدعوه دى

golden man

2009-06-06, 09:46 AM

ههههههههههههههههههههههههههههههههههههههههههه
مش قولتلك ايامك جايه يا كارمن انا دايما عند كلمتى
بس لازم فى اجابتك
1) تجاوبى كل الاسئله وما ينفعش تسيبى اى سؤال الا لما تجاوبى عليه اى كان السؤال
2)لو فيه سؤال حسيت انك جاوبتى بتهرب هخليكى تجاوبيه تانى

*
*
*
*
قولى بقى

*

*

*

*
والله العظيم هقول الحق

وبعدين ابدا فى كتابة الاسئله
واخير اشكرا يا عمرو ليك

karmen

2009-06-06, 02:18 PM

هههههههههههههههه
انا مفيش حاجه عملتها غلط او اخاف منها عشان اتهرب من الاجابه
انا مش زى ناس
ههههههههههههههههههه
والله العظيم اقول الحق

golden man

2009-06-06, 04:23 PM

قشطات كده بقى نتوكل ونسال يا كارمن

golden man

2009-06-06, 04:37 PM

1) قوليلى 3 اشخاص حطى اللقب الى انا هكتبهولك وقدامه اسم الشخص ( اخوكى - صديقك - حبيبك ) هتقولى اسامى ؟؟؟؟؟؟؟؟
2) مواصفات شريك حياتك ايه؟؟؟؟؟؟؟؟؟؟؟؟
3) مين افضل شخصيه فى المنتدى بالنسيه ليكى ما عدا مانولى ؟؟؟؟؟؟؟؟؟؟؟
4) قوليلى بقى العبارات دى وانتى بتكتبيها ايه سببها
( ليه كل شيء فى عيونا دايما بيتغير - فاكر لما تقولى سيبينى .... )؟؟؟؟؟؟؟؟؟؟
5 ) سيلفر - هيمه فرج - mr pirate - جولدن مان - سلمى - ملاك الروح )قوليلى رايك فى كل واحد وبيمثلك ايه ؟؟؟؟؟؟؟
كفايه عليكى جاوبى دول الاول وبعدين نكمل

karmen

2009-06-06, 05:12 PM

1) قوليلى 3 اشخاص حطى اللقب الى انا هكتبهولك وقدامه اسم الشخص ( اخوكى - صديقك - حبيبك ) هتقولى اسامى ؟؟؟؟؟؟؟؟

على فكره انت مش محدد فى حياتى عامة واللا فى المنتدى وكان ممكن أغلس عليك بس ماشى هقولك
أخوكى:أدمن وجوست
صديقك:سيلفر وجولدن
حبيبك:مانوللى
2) مواصفات شريك حياتك ايه؟؟؟؟؟؟؟؟؟؟؟؟

يكون واثق من نفسه جدا
بيخاف عليه وبيفضلنى عن اى حد فى حياته
يكون انسان محترم جدااااااااااا
يكون أطول منى وتعليمه جامعى ومعندوش أخوات بنات عشان ميخنقنيش لما نتجوز ويعملوا عليه حزب
3) مين افضل شخصيه فى المنتدى بالنسيه ليكى ما عدا مانولى ؟؟؟؟؟؟؟؟؟؟؟

سيلفر وبلابل وأسامه
4) قوليلى بقى العبارات دى وانتى بتكتبيها ايه سببها
( ليه كل شيء فى عيونا دايما بيتغير - فاكر لما تقولى سيبينى .... )؟؟؟؟؟؟؟؟؟؟

أول عباره :دى كاتباها هزار وتريقه
ردا على عباره كان كاتبها عضو هنا فى المنتدى فأنا كنت بكمله الأغنيه هزار يعنى مش أكتر
العباره التانيه:دى كانت كاتباها تقوى الروح على الايميل فعجبتنى بس مش أكتر فقلت أكتبها وكمان فيها برضو حكمه
فاكر لما تقوللى هسيبك يعنى أنا هجرى وراك واللا هموت فى هواك واللا أنا هترجاك روح يا حبيبى مع الف سلامه روح والقلب معاك
5 ) سيلفر - هيمه فرج - mr pirate - جولدن مان - سلمى - ملاك الروح )قوليلى رايك فى كل واحد وبيمثلك ايه ؟؟؟؟؟؟؟

سيلفر:انسان قمة فى الاحترام من الناس القليله اللى ترتحلهم علطول وتحس انك ممكن تقولهم على كل حاجه
عضو نشيط جدا فى المنتدى واكتر من رائع
بيمثلى ايه :هو اصدق صديق ليه على المنتدى طبعا بعد مانوللى روح قلبى
هيمه فرج : شخصيه كوووووول جدا ولذيذ جدا وانا عن نفسى بعزه جدا وبقدره وهو غايب عننا بقاله كتير يارب يكون بخير
بيمثلى انه اكتر من أخ
جولدن مان :ده بقى مش عارفه اقولك ايه هههههههههههههه
لا والله بجد انت مستفز جدا ههههههههههههه
بجد بقى نتكلم جد
انت صديق عزيز عليه جدا من الناس اللى بحب أخد رأيهم فى كل حاجه ولو عندى مشكله تكون انت من الناس اللى مستعده احكيلهم عليها
وببقى عايزه برضو اشاركك فى مشاكلك والحاجات اللى بتبسطك
وانت فى المنتدى ما شاء الله محبوب ونشيط جدا
مستر بيريت : بعيدا عن اى حاجه وبعيدا عن مواقف حصلت بيننا وسببت مشاكل وتاتش انا مكنتش اقصده بس هو فهمه غلط
بقول ان سعيد مشرف متميز وكويس جدا وكل الناس بتحبه
وياريت ميكنش زعلان منى بوصله الرساله دى من الماجيك
ملاك الروح :والله أكتر من أخت وعلى فكره ملوكه صاحبه جامده جدا وانسانه جدعه فوق ما تتخيلوا
واول ما كلمتها ارتحتلها جدا
وهى رقيقه ومحبوبه جدا من كل الناس اللى فى المنتدى
سلمى :فى ظروف أخرى كنت هقول فى سلمى أشعار لكن دلوقتى معلش اعفونى مش هقدر اقول حاجه عنها
سلمى ربنا يصلحلها حالها

golden man

2009-06-06, 05:22 PM

اوك يا كارمن بس لسه فيه اسئله تانيه ما تقلقيش
ده انتى غاليه جدا جدا

THE KING

2009-06-09, 02:23 PM

1) مستر بيريت : بعيدا عن اى حاجه وبعيدا عن مواقف حصلت بيننا وسببت مشاكل وتاتش انا مكنتش اقصده بس هو فهمه غلط</b>
بقول ان سعيد مشرف متميز وكويس جدا وكل الناس بتحبه
وياريت ميكنش زعلان منى بوصله الرساله دى من الماجيك

جميل جدا انه يكون محمتنا الغاليه طرف فى حل المشاكل فى مصر ..((قصدي فى الماجيك )) .. ويا جماعه انا جاتلي فكره جديده .. المحكمه هتطبق قانون جديد .. وهو ان لو اي حد من اعضاء المحكمه الموقره شاف اي خلاف بين عضوين ييجي يبلغنا هنا او اى عضو شاف اتنين متضايقين من بعض ياريت يقولنا واحنا نعمل جلسه ليهم هما التنين وطبعا ده هيكون ليه هدف اجمل من المحكمه فى الأساس .. وقانون تانى ممكن كل عضو لما يخلص محاكمته يختار عضو ييجي بعديه ولو انا وافقت ييجي ولو موافقتش هييجي بردو بس بشرط انه ميكونش سوابق (( يعنى مدخلش محاكمه قبل كده )) ... وربنا يوفق الجميع ويلا يا جولدن كمل اسئلتك انت دلوقتى بالنيبابه عنى لغاية اسبوعين كمان لما اخلص امتحاناتى

THE KING

2009-06-09, 02:40 PM

يا جماعه ... على فكره فى حاجه حابب اقولهالكم وانا بفتش كده شويه .. لاقيت شكاوي من اكتر من عضو .. والمشكله ان الأعضاء بيشتكو بعض يا جماعه احنا اخوات .. وزي ماقتلكم انا عرفت مشكلتين لحد دلوقتى .. مشكلة ((بلابل-mr piarte )) ومشكلة ((eima-mr piarte )) .. وعاوز اعرف منكم المشكلتين دول اتحلوا ولا لسه .. عشان لو متحلوش .. احنا نحلهم ونصالح التنين على بعض .. من غير ما تتخذ الإداره اي قرار بوقف او عزل عن اشراف .. ويا جماعه مش اي حد يحصله اي موقف ييجي يقول انا منسحب من المنتدى انا بقولكم العضو اللى بيعمل كده بصراحه داخل الماجيك علشان يضيع وقته ويتعرف على ناس وخلاص ويهزأ الناس دي .. يا جماعه عيب عليكم كده والله .. احنا منعرفش بعض من يوم او شهر احنا بقالنا اكتر من سنه .. بجد حرااام كده .. وكمان هنستدعي تافا علشان نصالحه علشان هو زعلان علشان احنا مسألناش عليه طول غيابه .. ومستني ردودكم

karmen

2009-06-09, 02:40 PM

ربنا معاك يا عمرو فى الامتحانات
وفعلا فكره كويسه اوى فكرة حل الخلافات والمشاكل بين الاعضاء
وانا ان شاء الله لو لاقيت اى اتنين ماسكين فى شعر بعض هبلغكم ان شاء الله تجيبوهم من قفاهم وتعمللهم قعدت صلح
ههههههههههههههههههههه

karmen

2009-06-09, 02:55 PM

بلابل

2009-06-09, 04:10 PM

اية يا عم عمرو

هو انت مش ناوى تبدا ولا اية

على العموم انا خلاص بدات اخلص جولدن

وهبعتهولك

يعنى هانت كلها بتاع 300 سؤال وخلاص

ههههههههههههههههههههه

golden man

2009-06-09, 04:23 PM

300 اه وماله عادى يا بلابل انا تحت امرك الى انت عايزه كله قوله علشان ما تقولش انا حارمك من حاجه

بلابل

2009-06-09, 04:48 PM

ههههههههههههه

متخفشى انت حبيبى يا جولدن

خلاص هنخليهم

400

حلو كدا

هههههههههههههه

THE KING

2009-06-10, 12:59 PM

اده اده اده .. انت بتلعب من ورايا ولا إيه يا بلابل .. انت كده هتخلي المحكمه ملهاش اي قرار فى اختيار العضو اللى هيدخل فيها ..؟؟يابلابل ارجوك لازم نتفق الأول عالعضو اللى عاوزينه .. وبعدين اللى هيخليني اخف عليك انك مختار golden man وبعدين يا بلابل .. شكلنا هنشوفك قريب فى المحكمه مع mr piarte

karmen

2009-06-14, 03:21 AM

ايوه كده يا عمرو متسكتلوش
هو عاوز يلغى شخصيتك واللا ايه
على فكره انا سمعته مره بيقول احنا عاوزين عمرو ده يسيب القضاء وانا اللى امسك بداله بس مكنتش راضيه اقولك
على فكره لازم تتصرف معاه وتوقفه عند حده

golden man

2009-06-15, 02:17 AM

يا معلم يا معلم استلم يا عم هى دى الفتنه بقى بتوقع لالالالالالالالا مش معقول مش كارمن الى تعمل كده شويه بس كده ونسال شويه اسئله

karmen

2009-06-16, 12:56 AM

فكك منى بقى
عشان لو اتحط هنا سؤال
هيتحط فى الكرسى عشره بداله
انت الجانى على نفسك

golden man

2009-06-16, 01:18 AM

هههههههههههههههههههههههههههههههههههههههههههههههههه ههههههه
ماشى عادى انا مستعد

karmen

2009-06-16, 06:06 PM

طب يا عم المستعد

Silver

2009-06-16, 08:20 PM

الله الله الله :-o

فين الأسئلة ؟!! :-/

ماينفعش كده ، ده كده استهتار [-X

عايز الأسئلة تكون أصعب من أسئلة الثانوية العامة :-B

ياما والله ... ندخلكوا المحمكة وكرسى الاعتراف من تانى >:/

وهيكون تحت رئاسة هيئة قضائية عليا **==

وهتشوفوا أيام سودة معانا :ar!

وابقوا قولوا " إحنا بتوع الأتوبيس " ^#(^

مستنى الأسئلة :-w

>:D<

karmen

2009-06-17, 12:46 AM

أسئلة ايه يا عم الأسئله انت
وهو فين بلابل وعمرو اللى المفروض ان هم متوليين منصب القضاء والنيابه فى المنتدى
واللا هو كلام عالفاضى
خلاص شيلوهم من مناصبهم وعينونى بدالهم وانا اسئل زى ما انت عاوز
واللا اقولك بلاش احسن يزعلوا
يجعل كلامنا خفيف عليهم

golden man

2009-06-17, 01:55 AM

انتى الى جنيتى على نفسك يا كارمن ومفيناش زعل من الاسئله بقى ومفتوح الاسئله واحراج وصراحه وكل حاجه متاحه هكتبلك الاسئله بعد ردك

karmen

2009-06-17, 01:47 PM

أعتقد ده برضو هينطبق عليك فى الكرسى ومفتوح واحراج وصراحه وهكذا ........................الخ الخ الخ

golden man

2009-06-17, 10:01 PM

قشطات شويه كده ساعتين ولا حاجه على ما اخرج ولو ما خرجتش يبقى هكتبلك الاسئله
سلاااااااااااااااااااام

karmen

2009-06-17, 10:21 PM

سلامووووووووووووووووووووووووز

golden man

2009-06-18, 02:28 AM

يالا يا كارمن سؤالين على الماشى بقى
1- انتى قابلتى شباب قبل كده من عن طريق النت ؟؟؟؟؟؟؟؟
2- انتى عاملتى تقريبا اعضاء الى فى المنتدى !! لو اخترتى حد يشاركك حياتك يكون مين ؟؟؟؟؟؟؟
3- انتى لما بتكلمى حد على الميل ممكن تكونى بتكلميه وتقومى عامله غير مرئيه علشان ما تكلمهوش ؟؟؟؟؟؟؟؟؟
4- انتى ممكن تعبري لشخص حبتيه عن حبك ولا لازم هو الى يبدا ؟؟؟؟؟؟؟؟؟؟
5- لو حد قالك انا معجب بيكى من غير ما اشوفك ردك ايه عليه ؟؟؟؟؟؟؟؟؟؟؟؟
جاوبى على دول

karmen

2009-06-18, 12:02 PM

خلى بالك انت أسئلتك مفتوحه اوى واحراج اوى بس ولا يهمك ليك يوم احنا لسه مخلصناش فى الكرسى

1- انتى قابلتى شباب قبل كده من عن طريق النت ؟؟؟؟؟؟؟؟
لا طبعا الحمد لله محصلش ومعتقدش انه هيحصل أصلا
2- انتى عاملتى تقريبا اعضاء الى فى المنتدى !! لو اخترتى حد يشاركك حياتك يكون مين ؟؟؟؟؟؟؟
بص السؤال ده فظيع يعنى قمة الاحراج اللى فى الدنيا
بس هجاوب
انا طبعا معرفش اشكال حد من المنتدى الا ناس قليله جدا
لكن اللى هختارهم دول هيكون بناءا على شخصيتهم وتعاملى معاهم بصراحه شخصيات محترمه وانا بتشدنى الشخصيه المحترمه
هيكون حد من (سيلفر-أسامه-جولدن)
3- انتى لما بتكلمى حد على الميل ممكن تكونى بتكلميه وتقومى عامله غير مرئيه علشان ما تكلمهوش ؟؟؟؟؟؟؟؟؟
هههههههههههههه
والله ضحكتنى يا ابنى وانا مش عايزه اضحك
كتيييييييييييييييييييييييير
ده بيحصل كتير جدا أصل على الميل بعيد عنك فى ناس بارده ورغايه بشكل رهيب
انا لما اكون انا اللى بسأل حد وعاوزه اسمعه ده شئ
ولما البنى أدم يرغى من نفسه كده ده شئ تانى
طب اقولك عينه
مره واحد بسأله بقوله انت عامل ايه؟ وياريتنى مسألته كنت اتشليت فى سنانى قبل ما أسئله
وعينك متشوف الا النور حكالى قصة حياته
يعنى والامثله كتير على كده
4- انتى ممكن تعبري لشخص حبتيه عن حبك ولا لازم هو الى يبدا ؟؟؟؟؟؟؟؟؟؟
نو نو نو نو نو نو نو
هفضل أنونولك لحد الصبح
ههههههههههههههههه
لا طبعا استحاله انا اللى ابدأ
بصراحه كرامتى وحيائى ميسمحوليش انى اقول لواحد بحبك حتى لو كنت بحبه فعلا
وانا بصراحه مش ناويه اقولها اصلا غير لجوزى
5- لو حد قالك انا معجب بيكى من غير ما اشوفك ردك ايه عليه ؟؟؟؟؟؟؟؟؟؟؟؟
نو كومنت
بصراحه مبقتنعش ان حد ممكن يحب حد منغير ما يشوفه
بس اقولك احيانا والله بتحصل
ان حد ينبهر بشخصية حد
بس انا ساعتها مش هبقى عارفه اذا كان صادق واللا بيتسلى فهقوله ياريت تأجل الحكم على مشاعرك لحد منشوف بعض ده طبعا لو كنت انا كمان مرتحاله
#:-s#:-s#:-s#:-s#:-s#:-s

golden man

2009-06-19, 12:52 AM

اوك يا كارمن
ومفيش زعل احنا اتفقنا فيه كل حاجه وانا كنت ساكت بس انتى الى نازله سلخ فيه على الكرسى
كملى اسئلتك هناك اشوفك هتوصلى لحد فين وما تقلقيش يا ما فى الجراب يا حاوى
بس بكرر مفيش زعل ولو مضايقه قوليلى وانا هكتفى بهذا القدر

karmen

2009-06-19, 01:53 AM

يا ابنى عادى هتضايق من ايه
5 يا مان وروح الكرسى

golden man

2009-06-19, 02:00 AM

اوك بس بسرعه علشان عاوز انام تعبان اوى

karmen

2009-06-19, 02:26 AM

سلامتك
روح ياللا

golden man

2009-06-19, 02:58 AM

اروح يالا
للدرجه دى مزهقك
اوك سلاااااااام

karmen

2009-06-19, 09:37 AM

هههههههههههههههههه
ليه هو انا بقولك روح ياللا من بيتنا
اتفضل يا استاذ جولدن روح على كرسى الاعتراف
كويس كده؟؟

golden man

2009-06-20, 02:48 AM

ما انا مستنى اسئلتك

golden man

2009-06-25, 01:43 PM

انتى فين يا كارمن مش ظاهره عاوز اسئل شوية اسئله

THE KING

2009-06-29, 10:42 AM

بس خلالالالالالالالالالالالاص ممنوع الأسئله تانى .. لغاية ماسعادة حضرة القاضي اللى هو انا طبعا انزل ال 99 سؤال بتوعى .. وحمدلله على سلامتي .. والكمبيوتر اتصلح كله تمام يعنى هفضالك يا متهمه ... صبرك عليا بس النهارده بليل هنزل الأسئله ... استعدي يا كارمن

THE KING

2009-06-29, 10:43 AM

خلي بالك يا كارمن الأسئله هكتبها بخط صغير اوووووووووووووووووووووووي علشان متعرفيش تقريها

golden man

2009-06-29, 07:46 PM

استنى يا عمرو هى فين كارمن

THE KING

2009-06-30, 02:56 AM

اصل انا وصيت عليها جعفر وبيومي يضروها وهي نازله من البيت ... علشان تعرف هي بتهزر مع مين نياهاهاهاها

golden man

2009-06-30, 01:04 PM

بس على فكره يا عمرو انا ليا خمس اسئله وسيلفر 15 وهيدهوملى
بعد اما انت تسال يعنى هكملهم ده لو مفيش مانع بس كارمن تيجى
من المصيف بالسلامه

THE KING

2009-06-30, 03:43 PM

يا نهاااااااااار .. هي كمان بتصيف وهي عليها قضيه دي وقعتها سوده .. بس لما ترجع بس

golden man

2009-07-01, 02:05 AM

الله أعلم انا عرفت كده بس يا رب تكون كويسه ولما تيجى ابقى اسئلها

THE KING

2009-07-02, 04:41 PM

الأسئله جهزت خلاص .... بمجرد ما كارمن هتوصل هنا حنزل ال99 سؤال

golden man

2009-07-04, 02:02 AM

99 سؤال !!!!!!!!!!!!!!!!!!!!!!!!!!!
انت جبت اسئله منين اهم حاجه ما تكونش خارج المنهج يا عمورررررررر
وعلى فكره انا هنزل اسئلتي بعدك يا عمورررر ده بعد اذنك طبعا

manolly

2009-07-04, 02:05 AM

هههههههههههههههههههههههه
انتو اتفقتوا عليها ولا ايه

THE KING

2009-07-04, 03:17 PM

لا يا جولدن
لو عندك اسئله نزلها دلوقتى
اخر اسئله انا اللى هسألها وعدين نقول الحكم ... ربنا معانا

karmen

2009-07-14, 12:52 AM

ههههههههههههههه
99 سؤال؟؟؟؟؟؟؟؟؟؟؟
ده لو أعضاء المنتدى كلهم سألوا مش هيعرفوا يجمعوا ال99 دول

THE KING

2009-07-14, 02:38 AM

والله العظيم يا كارمن انتى انسانه فيكي شئ لله ..
امبارح محمد أخويا مسح الملف اللى كنت حاطط فيه الأسئله بتاعتك ..
معلش والله انا تعبت فيهم .. ولو مش مصدقني اسألو بلابل هو شاف الأسئله .. تحبي اعمل ال 99 سؤال من أول وجديد .. ولا اكون طيووب وأسألك الجلسه العاديه

karmen

2009-07-14, 03:41 AM

مش ممكن (مش بكدبك)
بس مستغربه
99 سؤال ايه يا ابنى الافترى ده
وانا كنت هجاوبهم امتى واللا ازاى دول؟؟

THE KING

2009-07-14, 06:34 PM

طيب يا رب بلابل ميكونش مسح نسخة الاسئله من عنده .. لو عندك هنزلهملك علطول وتشفرحي بيهم

karmen

2009-07-14, 07:48 PM

هههههههههههههه
أفرح بيهم؟؟
لا يارب بلابل يكون مسحها
يا ابنى ده انا كده هقعد سنتين على بال ما اجاوب

THE KING

2009-07-17, 02:35 PM

مش ذنبي والله هي دي الأسئله لو مجاوبتيش عليكي هتاخدي إعدام

karmen

2009-07-17, 06:34 PM

بتتكلم كده بقلب جامد
مش لما تبقى تجيب الأسئله الأول يا فاااااااالح

THE KING

2009-07-22, 07:45 PM

فالح !!!!!!
هي حصلت
حسبي الله ونعم الوكيل فيكي

prince of alex

2009-07-22, 08:05 PM

هههههههههه

متابع من الدكة

بقولك لو عايز اسئلة انا مستعد اسأل ديه كارمن عزيزة علينا اوووووي

بردوا لازم نجيب اسئلة صعبة عشانها

ايه رأيك بقا عخليكي تقولي يا رب ارجع للثانوي تاني

ههههههههههههههههههههههههههه

THE KING

2009-07-23, 01:01 AM

نياهاهاهاهاهاهاهاهاهاهاهاهاهاها

prince of alex

2009-07-23, 01:14 AM

ايه الضحكة الشريرة ديه

هعهعهعهعهع

karmen

2009-07-24, 09:18 PM

دى بقت غرزه بقى مش محكمه محترمه
لالالالالالالالالالا
لازم يتوضع حل للمهزله دى

THE KING

2009-07-28, 09:39 PM

غرزه !!!!!!!!! هي حصلت !!!!
طيب ماشي يا كارمن ..

أنا جيلك وناويها .. واسئلة المحاكمه هكتبها وانزلها دلوقتي ..

amralbob

2009-07-28, 10:36 PM

ايه ياكارمن انتي لسه متحكمش عليكي ربنا يعينك وتخلصي من الهم ده

THE KING

2009-07-28, 10:50 PM

بسم الله الرحمن الرحيم
السلام عليكم ورحمة الله وبركاته ..

محكمه

جلسة محاكمة المتهمه .. ’’ كارمن ’’
وخلي بالك .. الإجابه ع الأسئله كلها .. واوعي تسيبي سؤال واحد .. اوك اتفقنا ..

يلا استعنا ع الشقى بالله

1- اسمك
2- سنك
3- عنوانك
4- هواياتك
5- كم عدد الإخوات
6- عدد الأصدقاء والصديقات
7- تقيمي منتدى الماجيك بكام ف الميه
8- ايه اللى جذبك للموقع
9- ايه هو اللى خلاكي تختاري قسم ’’ العاب الماجيك ’’ وتشرفي عليه .. مع إن في أقسام أفضل
10- مين أفضل عضوه من وجهة نظرك من حيث المواضيع
11- مين افضل عضوه من وجهة نظرك من حيث الردود
12- مين أفضل عضو من وجهة نظرك من حيث المواضيع
13- مين أفضل عضو من وجهة نظرك من حيث الردود
14- افضل صديقه اكتسبتيها من الموقع
15- افضل صديق اكتسبتيه من الموقع
16- ورده لأي عضوه تهديها
17- ورده لأي عو تهديدها
18- ايه هي القصص الرومانسيه اللى بتحبيها
19- السؤال ده 5 فقرات .. هتجاوبي عليهم بالإختيار
20- امتى قرفتي من نفسك ؟
- لما اكلتي قرفه
- لما زعلتي والدتك
- لما زعلتي حبيبك
21- ايه نوع العصير اللى بتشربيه
- مانجا
- جوافه
- شوكولاته
22- من تفضلي ان تحبي ف هذه القائمه ؟
- إبن خالتك
- زميل الجامعه
- زميل العمل
23- ايه البلد اللى نفسك تزوريها ؟
- مكــــــــــه
- إسطنبول
- لندن
24- ايه السبب اللى خلاكي تنامي معيطه ف يوم من الايام
- كنتي مضروبه علقه حلوه
- سرقتي حاجه من صاحبتك ف المدرسه وضميرك بيأنبك
- كنتى بتقطعي بصل فعينك دمعت
25- بتحبي تجيبي كارت شحن كام
- 10
- 50
- 100

26- تجاوبي ب نعم او لا ها .. 5 فقرات
27- الثانويه العامه مفيده
28- الأغاني حلال
29- نفسك تسافري
30- بتحبي مصر
31- تحبي تسافري ومترجعيش مصر تانيه

32- لو بتحبي شخص واكتشفتي انه كان ليه علاقات بالهبل مع صحباتك .. تكملي معاه ؟
33- لو حبيبك مش بيخلف .. تكملى معاه ؟؟ برري اجابتك
34- مين افضل ممثل ؟
35- مين افضل ممثله ؟
36- امتى ضحكتي من قلبك
37- ايه هو افضل اسم بتحبيه ؟
38- هل الحب في فترة المراهقه بيكون صادق ؟
39- هل اختلاف وجهات النظر سبب في وقوع المشاكل ؟
40- ايه أفضل اكله بتحبي تاكليها
41- حسه بإيه دلوقتي ؟
42- افضل لعبه بتحبي تلعبيها ؟
43- ليه كنتي متغيبه عن المنتدى ؟
44- مين العضو اللى لو غاب تحسي ان المنتدى ملهوش طعم من غيره
45- مين العضوه اللى لو غبت تحسي ان المنتدى ملهوش طعم من غيرها ؟
46- بتحبي الياهو ولا الهوتميل
47- انتى غيرتي وجهة نظرك ف امريكا بعد ما اوباما بقى رئيس
48- ايه رأيك ف قصة حب روميو وجولييت ؟
49- ايه رأيك ف جملة ’’ الحقيقه ليست بيضاء ’’ ؟
50- هل التضحيه من الحب ؟ ام الحب من التضحيه ؟؟؟
52- لو اللى بتحبيه اهلك مش موافقين عليه هتعملى إيه ؟
53- ايه رأيك فى الجمله ’’ ماحب الا بعد عداوه ’’ ؟
54- بتحبي ف قصة حب ؟
55 - إيه رأيك ف ..
56- 3mr
57- سيلفر
58- الأدمن
59- كارمن
60- بلابل
61- هيمه فرج
62- ملاك الروح
63- سلمى
64- مانوللي
65- جوست
66- همسات الروح
67- عمرو البوب
68- ميدو بلاوي (Ezat)
69- عمر عانم
70- احمد رضوان
71- لو طلعلك الفانوس *****ي .. تتمنى ايه؟؟
72- مين العضو اللى نفسك تكلميه وتهزأيه
73- لو اتعينتي مديره .. ايه هي الحاجات اللى هتعمليها ف الماجيك ؟
74- مين هو العضو اللى تعينيه نائب ليكي ؟
75- ايه هي الأقسام اللى انتى شايفاها ناقصه ف الموقع ؟
76- مين هو العضو اللى هتوقفيه اول ماتخدي الاداره
77- ايه اكتر كابوس بيجيلك وانتى صاحيه
78- لو انتى قاعده ف البيت واتقدملك عريس هتعملي ايه
79- ايه هي مواصفات شريك حياتك
80- نفسك ف ايه دلوقتي
81- ايه رأيك ف الحب عن طريق الانترنت ؟
82- لو خطيبك قالك مفيش نت هتعملي ايه
83- لو حبيتي واحد وراح عمل فيكي مقلب مش كويس هتعمليلو ايه
84- ايه رأيك ف جملة ’’ الحب ضعف ’’ ؟
85- ايه رأيك ف جملة ’’ الحب أعمى ’’ ؟
86- مين هو اقرب انسان او انسانه ليكي ؟
87- ايهما اهم .. الحب ام الصداقه ؟
88- تقولي لمين ف المنتدى ؟
89- انا جيلك وناويها
90- بحبك وبموت فيك
91- عايزاك كده
92- وعد عليا
93-ارجعلي
94- جبيبي مالك
95- جرح تانى
96- انا نسيتك خلاص
97- حبيبي لو زعلان
98- مظلوم
99- ليه خبيتي علينا ان اسمك ساره مش كارمن .. وكان اى حد يسألك تقولي هو ده اسمي الحقيقي .. عاوزينك تبرري بأه المصيبه اللى انتى عاملاها دي

بس كده .. كفايه اووي .. جاوبي بأه ياختي

amralbob

2009-07-28, 11:30 PM

ربنا يعينك يا كارمن عوزينك تخدي البراءه

karmen

2009-07-28, 11:41 PM

لالالالالالالالالالا
يا نهار زى وشك
99 سؤال مفيش فايده يعنى
عالعموم انا كده محتاجه اخد وقتى
فى فيلم رعب الساعه 11 هيخلص واحده
بعديه ان شاء الله هاجى اجاوب عالاسئله كلها

THE KING

2009-07-29, 12:18 AM

اتفرجي زي مانتى عاوزه ..
بس اخرك يوم الخميس ..
بس ممكن تجاوبي النهارده ع 20 مثلا
وبكره على 20
وبعده ع 20
كده يعنى

وده طبعا رأفه بحالك
ههههههههههههههههههههههه

amralbob

2009-07-29, 01:12 AM

هههه حرام عليك ياعمرو اديها فرصه طيب عشان خطري

THE KING

2009-07-29, 03:46 AM

اصلها متبلطجه جامد اوي يا عمور ..
شكلي هرتكب فيها جريمه وانتو تحاكموني
ههههههههههههههههههه

دي كاتبه عمرو واسمه الحقيقي توفيق
هي حصلت توفيق !!!!!!!!
هههههههههههههههههههههههههههههههههه

amralbob

2009-07-29, 04:04 AM

هههههههههههههههه معلش يا عمرو عشان خطري المره دية

THE KING

2009-07-29, 06:04 AM

لو عاوزه تاخد اعفاء من الأسئله ..
لازم تقدم طلب اعتذار وتخفيف الاسئله ..
وتقدمها بطريقه محترمه ها .. محترمه

انا هوريكي ازاي تقولي ع المحكمه المبجله انها غرزه

ماشي ماشي
ولما تجاوبي عال99 سؤال دول .. ان شاء الله هيبقى في 999 سؤال تانى ..
ومتقوليش هجيبهم منين لأنى اعرف اجيب كل حاجه ..

Silver

2009-07-29, 06:22 AM

الله الله ياقاضى ... هو ده الشغل ولا بلاش

وريهم من انت ... وعرفهم ان احنا مش بتوع كلام

وخلينا نشوف اللى كان بيتكلم هيعمل ايه بقى دلوقتى

ربنا يكون فى عونه ... بجد صعبان عليان ... مش هيعرف يجاوب

THE KING

2009-07-29, 04:04 PM

طبعا طبعا ...
واهي بقت عبره لكل من تسول له نفسه أن يعمل الكلام اللى هي عملته ده ..
يا كارمن انصحك متجاوبيش .. علشان لو جاوبتي هتلاقي قدهم 10 مرات ..

ومتخافيش يعنى كل ماتتحديني هنزلك حاجه تقهرك

نياهاهاهاهاهاهاهاهاها

karmen

2009-07-29, 04:54 PM

مش هرد على كل الكلام اللى انتوا قلتوه ده
ولا كأن حد اتكلم
انا وانتوا والزمن طويل
هجاوب
بس لو المحكمه نزيهه يبقى هاخد براءه
لكن لو قابضين بقى
يبقى ربنا يستر

karmen

2009-07-29, 05:16 PM

1- اسمك
ساره ابراهيم
2- سنك
19 سنه و5 شهور

3- عنوانك
زهراء المعادى /القاهره
4- هواياتك
قراءة كل ما يتعلق بالرعب/مشاهدة أفلام رعب/كونغ فو/بتعلم سباحه لسه جديد
5- كم عدد الإخوات
ولد وبنت
6- عدد الأصدقاء والصديقات
كتيييييييييييييييييييير جدا أعرف عدد لا حصر له من الأصدقاء
لكن الأصدقاء المقربين جدا
2 :مانوللى وواحده كمان

7- تقيمي منتدى الماجيك بكام ف الميه
على مستوى المنتديات كلها
أقيمه ب 80 %
8- ايه اللى جذبك للموقع
فى البدايه لما مانوللى قالتلى عليه كنت داخله عادى
بعد كده شدنى ليه روح الصداقه والاخوه والمحبه بين الاعضاء
بعد كده لاقيت مواضيعه حلوه ومميزه
بعد كده حبيته جدا وبقيت مدمنه الماجيك
9- ايه هو اللى خلاكي تختاري قسم ’’ العاب الماجيك ’’ وتشرفي عليه .. مع إن في أقسام أفضل
هو كان فيه غيره وانا قلت لأ
اولا انا لما جيت اطلب تعيينى مشرفه مكنش فيه غير الأقسام الفرعيه
ولاقيت يوسف عاوز قسم المصارعه
والبوب عاوز السيارات
وبرنس اليكس عاوز الاسلامى
فطلبت انا قسم الالعاب لأنى ملقيتش غيره فاضى
10- مين أفضل عضوه من وجهة نظرك من حيث المواضيع
ايمى (همسات الروح) وسلمى ليهم مواضيع حلوه جدا
11- مين افضل عضوه من وجهة نظرك من حيث الردود
ممكن نقول تقوى الروح وملاك الروح
12- مين أفضل عضو من وجهة نظرك من حيث المواضيع
رامى(سيلفر) وأحمد(برنس أليكس) وعمرو(3mr)
13- مين أفضل عضو من وجهة نظرك من حيث الردود
ابراهيم (جولدن مان) و أحمد(رضوان) وابراهيم(بلابل المتمرد)
14- افضل صديقه اكتسبتيها من الموقع
تقوى الروح وملاك الروح وطبعا مانوللى دى صديقتى من قبل المنتدى
15- افضل صديق اكتسبتيه من الموقع
من وجهة نظرى أسامه ورامى وجولدن ورضوان
16- ورده لأي عضوه تهديها
مانوللى
17- ورده لأي عضو تهديها
أسامه
18- ايه هي القصص الرومانسيه اللى بتحبيها
(لا تقل وداعا)
(دموع كيوبيد)
(حذار من الحب)
(الحب بلا أرقام)
(طيور بلا اجنحه)

karmen

2009-07-29, 07:02 PM

19- السؤال ده 5 فقرات .. هتجاوبي عليهم بالإختيار
20- امتى قرفتي من نفسك ؟
- لما اكلتي قرفه
- لما زعلتي والدتك
- لما زعلتي حبيبك
21- ايه نوع العصير اللى بتشربيه
- مانجا
- جوافه
- شوكولاته
22- من تفضلي ان تحبي ف هذه القائمه ؟
- إبن خالتك
- زميل الجامعه
- زميل العمل
23- ايه البلد اللى نفسك تزوريها ؟
- مكــــــــــه
- إسطنبول
- لندن
24- ايه السبب اللى خلاكي تنامي معيطه ف يوم من الايام
- كنتي مضروبه علقه حلوه
- سرقتي حاجه من صاحبتك ف المدرسه وضميرك بيأنبك
- كنتى بتقطعي بصل فعينك دمعت
25- بتحبي تجيبي كارت شحن كام
- 10
- 50
- 100

karmen

2009-07-29, 07:06 PM

26- تجاوبي ب نعم او لا ها .. 5 فقرات
27- الثانويه العامه مفيده
لا
28- الأغاني حلال
لا
29- نفسك تسافري
نعم
30- بتحبي مصر
نعم
31- تحبي تسافري ومترجعيش مصر تاني
لا

karmen

2009-07-29, 07:19 PM

32- لو بتحبي شخص واكتشفتي انه كان ليه علاقات بالهبل مع صحباتك .. تكملي معاه ؟
علاقات حب بقى وكده
وعامل نفسه فيها كازانوفا واللا دنجوان عصره
لا مش هكمل معاه
أنا عاوزه ولد نضيف ميكونش عرف حد قبلى
ممكن
يكون مثلا حب مره مرتين بالكتير ومحصلش نصيب لظروف خارجه عن ارادته
33- لو حبيبك مش بيخلف .. تكملى معاه ؟؟ برري اجابتك
آه طبعا هكمل معاه
لو كنت بحبه بجد يبقى حاجه زى دى مش هتأثر على حبى او علاقتى بيه
وبجد والله مش بقول كلام وخلاص
دى حاجه خارجه عن ارادته ومش ذنبه
يبقى لازم احنا الاتنين نرضى بحكم ربنا
هحط نفسى مكانه وافكر طب لو انا اللى كنت كده كنت هفرح اوى لو سابنى
اكيد كنت هموت من الحزن
يبقى اللى ما ارضاهوش لنفسى ما ارضاهوش لغيرى
34- مين افضل ممثل ؟
بالنسبه لى اكتر واحد بفضله مصطفى شعبان
35- مين افضل ممثله ؟
اكتر واحده بفضلها حنان ترك وبعد كده وحلا شيحه
36- امتى ضحكتي من قلبك
ضحكت من قلبى كتير الحمد لله
كل ما بسمع نكته حلوه بضحك
لما بتحصل حاجه تفرحنى او بتفرج على حاجه لذيذه بضحك من قلبى
37- ايه هو افضل اسم بتحبيه ؟
فى الأولاد
رامى و معتز
فى البنات
هايدى و ساندرا
38- هل الحب في فترة المراهقه بيكون صادق ؟
غالبا بيكون مش حقيقى
بيكون مجرد اعجاب وانجذاب لشخص معين
بعد كده الواحد بيكتشف انه مش حب حقيقى
39- هل اختلاف وجهات النظر سبب في وقوع المشاكل ؟
طبعا
ناس كتير تقولك
الاختلاف فى الرأى لا يفسد للود قضيه
لكن الحقيقه انه بيفسد جدا
وبيخلى الناس تشد مع بعضها وتزعل وتتعصب
عشان هى دى طبيعة البشر
كل واحد بيتعصب لآرائه حتى لو كانت غلط
الا من رحم ربه
40- ايه أفضل اكله بتحبي تاكليها
البيتزا
بموت فيها
والشاورمه برضو

THE KING

2009-07-30, 12:45 AM

يلا كملي يا كارمن .. لحد دلوقتي إجاباتك جميله

وزي مارامي قاللي .. هتسلك فى الأسئله ..

ربنا معاكي يا ساره .. ومستنيين إجاباتك بفارغ الصبر

karmen

2009-07-30, 03:03 AM

41- حسه بإيه دلوقتي ؟
دلوقتى فى هذه اللحظه بعد ما نزلت موضوعك عنى
حاسه بالظلم والقهر
أنا مظلومه يا ناس والراجل ده بيفترى عليه
اكمنى يعنى وحدانيه وغلبانه ومليش حد أتسند عليه
42- افضل لعبه بتحبي تلعبيها ؟
فى ألعاب الكمبيوتر واللا البلاى استيشن واللا الورق (الكوتشينه) واللا مع اصحابى فى الجامعه واللا فى النادى
سؤالك عايم يا حضرة القاضى وأرجوا التوضيح
43- ليه كنتي متغيبه عن المنتدى ؟
الجهاز بتاعى كان بايظ وكنت خارجه علطول لظروف خارجه عن ارادتى
أنا لو بيدى حيله ما كنتش سبت الماجيك ابدا
لكن الظروف بتجبر الانسان
44- مين العضو اللى لو غاب تحسي ان المنتدى ملهوش طعم من غيره
سيلفر يعنى علطول المنتدى ليه طعم عندى لأن سيلفر مبيغيبش ابدا
45- مين العضوه اللى لو غبت تحسي ان المنتدى ملهوش طعم من غيرها ؟
العضوات كلهم غايبين عشان كده معرفش أكيد المنتدى ملوش طعم منغير كل البوتات اللى فيه
46- بتحبي الياهو ولا الهوتميل
الياهو طبعا
47- انتى غيرتي وجهة نظرك ف امريكا بعد ما اوباما بقى رئيس
لا طبعا
أوباما لسه موضحش طريقه ومنهجه للعالم
عمال يماطل ومش بيبين حاجه
هفضل أكره أمريكا لحد ما نشوف أى بشائر خير ملموسه من أوباما
48- ايه رأيك ف قصة حب روميو وجولييت ؟
اتنين مجانين مش عايشين فى الواقع
آه أنا أفضل متمسكه باللى بحبه طول الخط بس فيه نقطه معينه لازم أقف عندها
مينفعش أستمر وأكمل بعديها ومش هقدر أتحدى أكتر منها
49- ايه رأيك ف جملة ’’ الحقيقه ليست بيضاء ’’ ؟
أولا هذه الجمله تعنى بالنسبه لى أن الحقيقه دائما تجرح ودائما تعذب وان الحقيقه ليست هى الأفضل حتى لا ينجرح البشر
ففعلا انا شايفه ان الحقيقه ليست بيضاء أى ليست هى الأفضل
وليست هى المطلوبه دائما
اما ان كان ليها معنى تانى فأنا مش فاهماه اكيد
50- هل التضحيه من الحب ؟ ام الحب من التضحيه ؟؟؟
أنا شايفه ان الحب من التضحيه
لأنى ممكن أكون بحب لكن ما أضحيش ومقدرش أضحى
لكن لو ضحيت عشان خاطر بنى آدم فأنا أكيد بحبه
مش ممكن حد يضحى عشان حد ميكونش بيحب
لكن ممكن يحب حد وميضحيش علشانه

THE KING

2009-07-30, 05:10 AM

جميل جميل
استمري

karmen

2009-07-31, 03:49 AM

52- لو اللى بتحبيه اهلك مش موافقين عليه هتعملى إيه ؟
الأول هحاول أقنعهم بكل الطرق والوسايل الممكنه
لو منفعش هقولهم أوكى أنا مش هتجوزه زى ما انتوا عاوزين بس مش هتجوز غيره
هقعد كام سنه كده متجوزش غيره
لو فضلوا برضو راكبين دماغهم
هقوله معلش بقى ما أنا مش هعنس عشان خاطرك
أصلى عمرى ما ههرب معاه وأعصى كلام أهلى والكلام ده مهما حصل
53- ايه رأيك فى الجمله ’’ ما محبه الا بعد عداوه ’’ ؟
والله فى بعض الأحيان الجمله دى بتكون صح
والحب بييجى بعد العداء والمشاكل

54- بتحبي ف قصة حب ؟
هههههههههههههههههههه
لا للأسف مبحبش فى قصة حب
أنا بحب فى فيلم كرتون
لا بجد بقى لو تقصد يعنى اذا كنت بحب أو مرتبطه
لا يا سيدى لسه محصليش القرف
55 - إيه رأيك فى ..
رايي فى النقطتين دول انهم نقطتين كويسين جدا وشكلهم كده شيك ولونهم الأزرق حلو أوى

56-3mr
رأيي بقى فى عمرو
سيادة القاضى حبيب قلبى اللى علطول بيفهمنى غلط
انه عضو بعيدا طبعا عن انه نشيط جدا ومواضيعه كتيره ومميزه جدا
فهو دمه خفيف برضو ولذيذ ومنقيلى حبة أسئله يحلوا من على حبل المشنقه
شكلوا برضو واد كول كده وصايع

57- سيلفر
لولاه المنتدى مكنش هيبقى زى ما كلنا شايفينه دلوقتى
لولا سيلفر المنتدى كان هيبقى غابه
سيلفر متابع شغله تمام ومنظم المنتدى تمام
رأيي فى سيلفر الانسان بعيدا عن سيلفر العضو
انه انسان محترم جدا وآرائه فى الحياه محترمه جدا
انسان مجتهد ولكل مجتهد نصيب
58- الأدمن
أسامه مديرنا كلنا
رأيي فيه وبكل صراحه انه شخصيه محترمه جدا
شخصيه حازمه وعنيفه جدا
جد شويه بس شويه كتير أوى
فعلا يستحق انه يكون مدير
يستحقها فى حياته اصلا كإنسان مش فى الانترنت وبس
أنا أتنبأ لأسامه بمستقبل باهر جدا
وأتخيل انه خلال كام سنه يكون فى مكانه مرموقه جدا فى المجتمع وفى عالم رجال الأعمال
59- كارمن
كارمن دى بقى شخصيه مجنونه ولاحظوا انى بتكلم عن كارمن مش ساره
تفرق طبعا
لا بجد والله بقى مش بهزر
أنا آخر حد فى الدنيا دى كلها ممكن أقول رأيي فيه
لأنى مش هعرف ببساطه
أنا معرفش نفسى خااااااااااااااااالص
60- بلابل
بيحاول يبقى رومانسى
هو عضو كويس ومميز جدا ويعتبر عضو بارز فى المنتدى
وعامل مواضيع عن المرأ فى قمة الروعه
بس مش عارفه ليه بحس انه بيحاول يلعب دور مش دوره ويبان بشخصيه مش شخصيته
بلابل والله له معزه كبيره أوى عندى
ومش عارفه هو غايب كل ده ليه عن المنتدى
بس بيعمل حركات أنا مش فاهماها عالعموم ربنا يهدينا كلنا

THE KING

2009-07-31, 04:59 AM

اممممممممممممممممم
ع فكره اخر اجاباتك دي خلتني أعرف حاجات كتير عنك
ووضحتلي الحكم اللى كنت هحكمه عليكي ..

والله الأسئله الكتيره بردو بتنفع
كملي يا كارمن وربنا معاكي

الملاك البرئ

2009-07-31, 08:19 AM

karmen

2009-07-31, 04:18 PM

اممممممممممممممممم

ع فكره اخر اجاباتك دي خلتني أعرف حاجات كتير عنك
ووضحتلي الحكم اللى كنت هحكمه عليكي ..

والله الأسئله الكتيره بردو بتنفع
كملي يا كارمن وربنا معاكي

اممممممممممم
شكلك مش مريحنى
ايه يا عم الحاج انت هتخضنى ليه
هى الحاله مستعصيه أوى كده
كلامك حسسنى انها hopeless case

karmen

2009-07-31, 04:20 PM

السلام عليكم ورحمه الله

شكرااا لفكرتك http://i3.glitter-graphics.org/pub/474/474183g1tjfl0mmz.png3mr

وعلي فكره انا عامله موضوع مزاد للقلوب اتفضل اختار قلب واشتريه

وبعدين نزل الاسئله وبكده يكون بعد شراء القلب نعمل محكمه للحب

فكره هايله تستحق التحيه عليها

http://i5.glitter-graphics.org/pub/563/563525cmfc6r4w56.jpghttp://glitter-graphics.com/images/empty.gif

الملاك البرئ
والله فكرتك لذيذه
يروحوا الاول يشتروا قلب من عندك
وبعد كده يودوه كرسى الاعتراف
بعد كده ييجى عالمحكمه
ما شاء الله
القلب كده يكون مات من هدة الحيل
ههههههههههههههه
بس فكره لذيذه
ميرسى ليكى

karmen

2009-07-31, 04:45 PM

61- هيمه فرج
ده بقى من أول الأعضاء اللى اتعرفت عليهم فى المنتدى
عاصرنا مع بعض كلنا أيام لذيذه جدا فى منتدى ألعاب الماجيك
هيمه شخصيه كويسه جدا
ومن الاعضاء المميزين فى المنتدى
بس مش عارفه ليه مبقاش يدخل كتير زى الاول
ولو دخل بيدخل على قسم الكوره وبس
62- ملاك الروح
من أكتر الشخصيات المريحه والمحترمه فى المنتدى
تحس كده ان قلبك بيتفتحلها علطول
ممكن من اول مره تبقى صديقتك الأنتيم
ملوكه شخصيه مريحه للنفس جدا
وأعتقد ان كل الأعضاء بيعتبروها أختهم
63- سلمى
نو كومنت
لا تعليق على سلمى
مش عارفه بصراحه أقول ايه عنها بعد اللى عرفته
بس ربنا يهدى كل الناس
سلمى ليها شخصيتين
مش عارفه اقولك رأيي فى انهى شخصيه فيهم بالظبط
شخصيه انا عارفاها كويس جدا
وشخصيه تانيه معرفهاش غير من المنتدى
شخصية المنتدى البنت الكول اللذيذه سوبر ستار بنوتات المنتدى اللى الكل بيحبها وبيعتبرها البسكوته
الشخصيه التانيه بقى أحب أحتفظ بيها لنفسى
مش عارفه هى هتفضل غايبه كده لحد امتى
ياريت تيجى عشان تحل بعض الغموض اللى مرسوم حواليها
64- مانوللي
حبيبة قلبى
روحى والله
مانوللى دى توأم روحى
فى المنتدى طبعا كلكم عارفين انها شخصيه محبوبه جدا
ياريت ترجع تانى تنور المنتدى
وعلى المستوى الشخصى
انا ومانوللى لاقينا بعض
مفيش كلمه معبره اكتر من احنا الاتنين لاقينا بعض

65- جوست
بيهزر فى الدقيقه نص ساعه
يمشى معاك عالخط جامد أوى وعلطول مركز
صعبان عليه الى حد ما
عضو كان نشيط جدا فى المنتدى
ودلوقتى مش عارفه ايه اللى حصل
انا مع اول دخولى فى المنتدى كانت كل الأعضاء نشيطه
ببص دلوقتى مش عارفه ايه اللى حصل
حاسه انى نحس
ههههههههههههه
66- همسات الروح
همسات الروح هى مشرفتنا القديره ايمى
والله ايمى مليش بيها اختلاط كبير
بس من خلال المواضيع والردود وكده
ايمى عضوه ليها مواضيع مميزه جدا
ممكن تكون مواضيعها قلت الفتره دى
بس بتنتقى المواضيع بجوده عاليه جدا
فعلا مواضيعها فى منتهى الروعه
وردودها محترمه جدا وزى العسل

67- عمرو البوب
البوب من الشخصيات المحترمه جدا فى المنتدى
كان زمان موجود بشكل دائم دلوقتى بقى يدخل على فترات مش عارفه ليه
البوب حاسه كده ان هو وبرنس أليكس وعمرو حاطين نقرهم من نقر بعض
وما بيصدقوا يمسكوا حاجه على بعض
بحس انهم مولودين فوق روس بعض
بحس انهم مثيرين للشغب

68- ميدو بلاوي (ezat99)
ميدو من الأعضاء اللى دخلوا على المنتدى بحماس كبير جدا
وكان شعلة نشاط معرفش ايه اللى طفاها
أعتقد ان هو زهقان او متضايق شويه
انا حتى عرفت انه غير اليوزر بتاعه عشان عاوز يغير كل حاجه فى حياته
ان شاء الله يا ميدو حياتك كلها تتغير للأحسن
وارجع نور المنتدى تانى

69- عمر عانم
نفس الكلام بينطبق على عمر
كان عضو نشيط جدا بس معرفش ايه اللى حصل
بس اعتقد ان عمر ليه عزره
متهيألى ان هو دلوقتى فى مصر اجازه عشان كده مش عارف يدخل
والله عمر ليه وحشه
وكان مظبط المنتدى جامد
ومنوره كده وعامله حس
ترجع بالسلامه يا عمر
70- احمد رضوان
هقول ايه وأعيد ايه
رضوان آخر اسم عندى
وزى ما بيقولوا كده
ختامها مسك وعنبر وريحان كمان
اولا رضوان فكاهى جدا
زى ما بيقولوا كده ابن نكته
99 % من كلامه هزار
والواحد الباقى نصه هزار وربعه تهريج وربعه الباقى استظراف
والله رضوان له آراء كويسه جدا بس غالبا برضو بيقولها بهزار
والله رضوان مسلى جدا
فعلا بجد ومنغير مجامله شخصيه محترمه جدا
وهو عكس كل السابقين
كل اللى قبل كده كنت بقول انهم فى اول دخولى المنتدى فى منتهى النشاط دلوقتى كلهم متغيبين
رضوان العكس
كان فى اول دخولى مش بشوفه خالص ولا اعرفه
دلوقتى المنتدى صفصف عليه
متواجد بشكل دائم
يارب دايما

THE KING

2009-08-01, 04:11 AM

ماشي يا كارمن فاضلك 29 خلصيهم بأه وخلصيني
وحكمك جاهز ومستني اخر الاجابات

karmen

2009-08-01, 03:36 PM

لالالالالالالالالالالالا
ايه بقى خلصيهم وخلصينى دى
هو انا قاعده فوق راسك
انا احب اخد وقتى
محدش يسربعنى

THE KING

2009-08-01, 05:56 PM

ماشي ياختي
خدي وقتك

karmen

2009-08-01, 07:04 PM

71- لو طلعلك الفانوس *****ي .. تتمنى ايه؟؟
أتمنى أتجوز انسان بحبه وأخلص دراسه

72- مين العضو اللى نفسك تكلميه وتهزأيه
هههههههههههههههههه
والله مفيش حد من الأعضاء مخنوقه منه للدرجه دى
بس لو هنقولها على سبيل الهزار
أحب أهزأ سلمى وجوست ورضوان وبلابل
ههههههههههههههه
انا بهزهز معاكوا
73- لو اتعينتي مديره .. ايه هي الحاجات اللى هتعمليها ف الماجيك ؟
من بقك لباب السما
ههههههههههههههههه
(1)هعمل قسم للأغانى الهادفه
مش اغانى حب بقى وجراح والكلام ده
لا هيبقى قسم مخصص مثلا لأغانى الراب العربى والوطن واغانى تتناول قضايا سياسيه واجتماعيه وهكذا
(2)هفتح قسم لأفلام الرعب وقصص وروايات الرعب
(3)هعمل مثلا قسم طبى للأمراض وطرق الوقايه والعلاج
وأى استفسار طبى
(4)هعمل مثلا قسم للأخبار المحليه والعالميه ومتابعة القضايا السياسيه
وفيه أفكار تانيه كتيره عندى ربنا يسهل
74- مين هو العضو اللى تعينيه نائب ليكي ؟
سيلفر برضو
هو فيه حد أنشط منه
75- ايه هي الأقسام اللى انتى شايفاها ناقصه ف الموقع ؟
نفس اجابة السؤال 73
76- مين هو العضو اللى هتوقفيه اول ماتخدي الاداره
والله مفيش حد عامل مشاكل اوى لدرجة انى اوقفه
بس لو على سبيل الهزار هوقف 3mr و سلمى وهيمه فرج
77- ايه اكتر كابوس بيجيلك وانتى صاحيه
أكتر كابوس بيجيلى وأنا صاحيه وانا نايمه
ان فيه وحش او حد وحش جدا بيجرى ورايا وانا بحاول اجرى او اصرخ بس صوتى علطول متحاش
ومش لاقيه حد استنجد بيه
الدنيا من حواليا فاضيه خالص
يا ترى ده تفسيره ايه يا حضرة عالم الذره ...............المشويه

78- لو انتى قاعده ف البيت واتقدملك عريس هتعملي ايه
لو لو لو لو لللللىىىىىىىىى
هههههههههههههههه
يعنى هعمل ايه والنبى
هشغل مزيكة حسب الله
مش هعمل حاجه هشوفوا الأول واحاول اعرف شخصيته واتعامل معاه
وبعد كده اشوف اذا كان كويس وارتحت له هوافق
ان مكنش يبقى يا دار ما دخلك شر
79- ايه هي مواصفات شريك حياتك
يكون شخص واثق من نفسه جدا
بيخاف عليه ومستعد يفضلنى عن نفسه فى بعض الاحيان
يكون رقيق معايا اوقات
وقاسى عليه اوقات تانيه
يكون شكله مقبول
مش لازم يكون زى القمر
بس اكيد ميكونش زى القرد
بس كده كفايه
بالنسبه لحالته الماديه
يكون مستواه عادى مش شرط يكون غنى

THE KING

2009-08-01, 07:19 PM

كملي يا ست خضره

karmen

2009-08-01, 07:44 PM

80- نفسك ف ايه دلوقتي
دلوقتى حالا حالا
نفسى فى أى حاجه تنزلى كده من السما تغير حياتى الممله دى
وتغيرلى الروتين اللى انا عايشه فيه
81- ايه رأيك ف الحب عن طريق الانترنت ؟
فاشل فاشل فاشل
هو يعنى كل الناس اللى الواحد يعرفهم خلصوا
عشان أدور على واحد أحبه من عالنت
بص هو ممكن ينجح فى بعض الأحيان
بس انا لسه مجربتش
ممكن ييجى يوم أحب واحد من عالنت ساعتها هغير فكرتى
لكن اعتقد ان الحب عالنت حاليا مجرد تضييع وقت
اتنين عاوزين يتسلوا مش اكتر ولا اقل
82- لو خطيبك قالك مفيش نت هتعملي ايه
لو خطيبى ده كان خطيب عادى كده
يعنى جواز تقليدى ومش بحبه
هقوله لا يا حبيبى مع ألف سلامه
مش هسيب النت
لكن لو كان واحد بحبه فهحاول أتناقش معاه وافهم وجهة نظره وافهمه وجهة نظرى
ولو مقتنعش خالص
هسلم امرى لله ومش هدخل عالنت وهضحى بالنت عشان خاطر حبيب قلبى
83- لو حبيتي واحد وراح عمل فيكي مقلب مش كويس هتعمليلو ايه
مقلب هزار يعنى وكده عادى مش هعمل حاجه هضحك واهزر انا كمان واعمل فيه مقلب
لكن لو تقصد مقلب يعنى حاجه مش كويسه او ادانى بومبه او كده
فأنا مش هعمله حاجه
هخرج بس من حياته وهندم على كل لحظه حبيته فيها وهنساه فى لحظه
طالما هو مقدرش حبى ليه
84- ايه رأيك ف جملة ’’ الحب ضعف ’’ ؟
مش عارفه والله
فيه ناس الحب بيقلب معاهم لضعف وناس تانيه يقلب معاهم لقوه
انا من الناس اللى الحب بيقوينى مش بيضعفنى
ممكن اكون ضعيفه مع حبيبى بس ده بمزاجى وبإرادتى
عشان انا مؤمنه بالمقوله اللى بتقول قوة الست فى ضعفها ودموعها
85- ايه رأيك ف جملة ’’ الحب أعمى ’’ ؟
آه فعلا أنا مؤمنه بالمقوله دى تماما
مراية الحب عاميه
والواحد لما بيحب مبيشوفش عيوب حبيبوا اطلاقا وبيتغاضى عن كل سيئاته
ممكن الواحد يحب شخص شكله مش حلو
او فقير
او مش شيك
او قاسى
او
او
او
ومبيخدش باله من كل الحاجات دى
مع انها بتبقى واضحه للناس التانيه زى الشمس
86- مين هو اقرب انسان او انسانه ليكي ؟
اقرب حد ليه بعد نفسى
مانوللى وواحده كمان اسمها علا
87- ايهما اهم .. الحب ام الصداقه ؟
الاتنين مهمين جدا
ولو كنت شفت موضوعى
مين يقدر يجاوب على السؤال ده؟؟؟ (http://www.elmjeck.com/vb/showthread.php?t=11510)

كنت هتعرف ازاى السؤال ده فى منتهى الصعوبه
لكن لو حكم الأمر وكان لابد من الاختيار
هقول ان الحب هو الأهم
حبيبى بصراحه اهم عندى من نفسى
انا ممكن اضحى بنفسى عشان الصديق
لكن عمرى ما اضحى ب****** عشان الصديق

THE KING

2009-08-03, 01:04 AM

ماشي .. اخرتك معايا شكلها مش حلوه .. وهتاخدي حكم مش ولابد

karmen

2009-08-03, 01:14 AM

88- تقولي لمين ف المنتدى ؟
علامة استفهام
؟
مش هقول لحد علامة استفهام
:a (92)::a (92)::a (92):

89- انا جيلك وناويها
أسامه
90- بحبك وبموت فيك
مانوللى
91- عايزاك كده
سيلفر
92- وعد عليا
جوست

93-ارجعلي
ملاك الروح
94- جبيبي مالك
تقوى الروح
95- جرح تانى
عمرو
96- انا نسيتك خلاص
سلمى

97- حبيبي لو زعلان
لا مفيش حد
98- مظلوم
بلابل
99- ليه خبيتي علينا ان اسمك ساره مش كارمن .. وكان اى حد يسألك تقولي هو ده اسمي الحقيقي .. عاوزينك تبرري بأه المصيبه اللى انتى عاملاها دي
هههههههههههههه
مش مصيبه ولا حاجه
والله اول مره جيت ادخل اسجل كنت هسجل ساره بس ملقيتش
اللى جه على بالى ساعتها كارمن
ومن ساعتها حبيت الاسم
ومحبتش اشوش افكاركم بين ساره وكارمن
قلت اهو اسيبكم ثابتين على حل
بس مفضلتش مخبيه علطول
وده دليل على نيتى السليمه
لو كان فيه حاجه انا ناويه عليها مكنتش قلت اسمى الحقيقى
بس ادينى عرفتكم كلكم اهو
وبعدين جل من لا يسهو