محكمه الحب والرومانسيه !!!!!!!

[golden man]

عاوزك تقولي مين هي رقم 3 دي !!
وشكلك بتحبها او هى بتحبك ومقلتوش لحد
المطلوب :-
1- ايه اللى مش مخليك عاوز تصارحها بحبك
هنفرض على كلامك انه فرض يبقى مفيش اجابه
2- لو حصل وقلت وطلعت مش بتحبك هل :-
أ- هتبعد عنها
ب- تفضلوا اصحاب
ج- تحاول معاها تانى
ترجع لشخصيتها وقرارها ممكن تقرر الاول والتانى بس متهيالى تحاول يبقى صعب لو الرفض كان نهائي والاول اختياره انى ابعد لو انا ما عرفهاش يعنى روحت قلتلها انى بحبك من غير ما اعرفها مسبقا فخلاص هى رفضت فسأضر ان ابعد اما اذا كنا اصحاب قبل كده ممكن نفضل اصحاب

[manolly]

7- مشتاقه ليك حبيبي
المفروض واده تقولها لواحد فنقول مانوللى لحبيبها

ههههههههههههههههههههههههه
انت مالك ب مانوللى ياعم بس
خليها في حالها هى وحبيبها الله يخليك
ههههههههههههههههههههههه
اذا كان عالكلام فالكلام كتييييييييييييييييير
بس اللى يقول بقى
هههههههههههههههه
ياعم قولها انت لرقم 3 الاول بس ههههههههههههه
اه صحيح هو الاسم رقم 3 ده حقيقى ولا دلع

[THE KING]

جاوب عاسؤال تانى
وانا وراك والزمن طويل
وبعد ما يجاوب كارمن تدافع عنه

[karmen]

ادافع ايه يا عم
ده بيلاوع ويلف ويدور
انت جاوبت عالسؤال بملاوعه كده
ومحددتش مين هى رقم 3
ولا ايه هي قصتكم مع بعض

[golden man]

نعم نعم قصة ايه
مفيش قصه وملاوعة ايه انا جاى من الاخر

[THE KING]

جاوب ع السؤال ده وبلاش ملاوعه علشان متتعورش ياض
ايه اللى مش مخليك عاوز تصارحها بحبك

[golden man]

اصارح مين يا عمرو
ده واحد زميلى هو الى بيقولى على واحده وبيحكيلى عنها فانا بقول يعنى لو انا هقول الكلمات دى هقولها لمين
فجه فى دماغى اى حد فقلت من خارج المنتدى بس هى دى الحكايه

[THE KING]

خلاص خلاص خلاص
كارمن قوليلي ايه الاجابات اللى شايفاه بيلاوع فيها
ودافعى عنه علشان حرام يعنى تبقى المحاميه بتاعته وتجيبيله اعدام

[golden man]

يالا يا كارمن خليكى تمام

[golden man]

مفيش اسئله تانى ولا ايه

[golden man]

ما تدخلى يا كارمن تمثلي دورك

[golden man]

ايه يا عمرو المحكمه نامت على روحها خالص

[Silver]

يلا رجعوا لمحكمة نشاطها

محكمة

[admin]

هو فيه ايه


كل لم المخكمه تنشظ نمام تنام تانى ليه


فين عمرو وكارمن

[THE KING]

انا مستني كارمن
لو مجتش مضطرين نعزلها عن منصبها
قدامك فرصه يلاااااااا بأه

[manolly]

طيب هى مسافرة وجاية النهاردة
اديها فرصة اخيرة يا سيادة القاضى دى اول قضية ليها
اما نشوف هتجيب لجولدن اعدام ولا مؤبد ولا ايه

[golden man]

اعدام ولا مؤبد
ربنا يكرمك يا مانوللى شكلك بتحبينى اوى
وهى كارمن مسافره فين
مرسي مطروح يعنى
ده لو هناك كان زمانها جت

[manolly]

ههههههههههههههههههه
انت عندك شك انها هتجيبلك حاجة اقل من اعدام ومؤبد

هى جاية النهاردة خلاص
يعنى ان شاء الله بكرة بالكتير هتلاقى مرافعتها موجودة

[Silver]

فى انتظار عودتك يا كارمن

[golden man]

تتردلك يا مانوللي
ما تستعجليش دورك جاى

[admin]

فى انتظار عودتك يا كارمن


وريبنا يستر وعمرو ميغبش لم هى ترجع

[golden man]

ده كله جاى على دماغى مليش دعوه
سجل النقطه دى عندك التاخير
مينفعش كده
محامى وعمال ياخد فلوس اه يتخر براحته
قاعد واكله شاربه نايمه بفلوسي

[karmen]

يااااااااااااااااااااه
كل ده عشان غيبت يومين
ايه وقفته المحكمه وبهدلتوا الدنيا عشان يومين اجازه
هو الواحد ميعرفش ياخدله يومين اجازه من الشغلانه دي
بص يا عمور
انا مش هترافع غير في الآخر خالص
لما تخلص كل أسئلتك
عشان اعرف ادرس القضية كاملة
واطلع كل النقط والثغرات
هو ده اللي بيحصل
يعنى خلص كل أسئلتك وانا اترافع في النهايه
ولو فيه اي اسئله او استفسارات تبقى في نهاية الجلسه
اوكى

[Silver]

وبعدين ،،،

اخرة ده كله ايه ؟؟

نشوف قاضى ومحامى تانيين

ولا هنشوف رزقنا بقى

ونتوكل على الله

ونشوف الزباين

!!!

[golden man]

ايوه يالا يا عمرو ادخل قلها لا لازم تترافعى
وهى تقولك والنعمه ما يحصل ده انت القاضى
يلا يلا وماله انتوا خسرنين حاجه

[THE KING]

ههههههههههه زي مانتا قولت يا جولدن
كارمن ازاى قدرتي تخالفي قرار المحكمه والادمن وسيلفر
اخسسسسسسسسسسسسس
دافعي يا كارمن علشان الاسئله بتاعتي خلصت ..

[golden man]

والله عارف يا عم
عندك حاجه يا كارمن ولا ايه
ناويه تدافعى عنى ولا هتسبينى فى مهب الريح
ومش كنت تقول يا عمرو ان انت خلصت خلاص
يالا يا كارمن يا عسل اما اشوف المحامى بتاعى هيعمل ايه

[golden man]

خش يا عمرو خلص الحوار
احنا هنخلينا كده لامتى
ما انت بتدخل اهو

[karmen]

لو انت خلصت أسئله يا عمرو طب خلينا نسأله كده كام سؤال طيب
عشان بردو ميقولش ان احنا موجبناش معاه
واللا ايه

[occ322386]

http://www.elmjeck.com/vb/../images/mjeck.jpg

[golden man]

يا عمرو ائذن لكارمن ان تطرح اسئلتها
بما انك معندكش اسئل واضح ان عندها اسئله وعاوزه تسالها
ها رايك ايه
يالا علشان نقفل المحاكمه دى ونشوف حد تانى

[THE KING]

طيب اسألى يا كارمن

[golden man]

لولولولولولولولولوى والله نفسى اعملهالك بجد
يارب نخلص بقى

[golden man]

يالا يا كارمن اتى دورك فومى به على اكمل وجه

[hobba]

هاى شباب انا لسه جديده ممكن اتعرف

[golden man]

اهلا هوبا منوره وممكن طبعا فيه موضوع ف منتدى الصحبه والمناسبات
اسمه قدم نفسك ممكن تدخلى تعرفى نفسك اكتر هناك وتشاركى معانا

[admin]

يالله ياكارمن

يالله اعمرو

عيزين ننهى المحكمه دى وندخل خد جديد

[golden man]

مش عارف كل اما تتظبط حاجه تيجى تبوظها

[admin]

ياكارمن انتى فين الموضع وقف

[amira abdo]

ايه يا جماعه عاوزه ادخل المحكمه ما تيلا يا جولدن بقي هههههههههههههه صحيح طب هو ممكن تشوفوا حد تاني غير كارمن يسال عشان الموضوع يتنشط شويه ايه رائيكو

[صانع الخيال]

هى كارمن راحت فين اصلا
المحكمة مش فيها انضباط
لازم ناخد موقف

[admin]

ندى فرصه اخيره ونشوف يامانوالى ياميره تمسك المحكمه بعد عمل جلسه لها

[THE KING]

طيب يا جمااااااااااااااعه
احنا فى قانون جديد نازل هنا
ان اخر عضو يكون فى المحكمه يشارك في الدفاع عن العضو اللى بعده
ايه رأيكم يا جماعه
كارمن شكلها متغاظه من الموضوع

ويا golden man
اختار حد من التلاته دول يدافعوا عنك
amira abdo
manolly
لمحة حب

اختار بسرعه
واحمد ربنا انى اديتلك الفرصه دي
ههههههههههههه

[golden man]

الى شايف نفسه هيجيب حكم تمام يدخل نشوفه هيقول ايه
او اترافعوا الاول وبعدين انا اختار
بس انا عاوز كارمن تسالى الاسئله الى هى عاوزاها

[ملكة الحب والرومنسيه]

حرام عليكم طولو بالكم شوي أنا جيت أتعرف على هذا الموضوع
يعطيكم العافيه

[admin]

كارمن ان شاء الله رجع قريب


وهتجدد المحكه

[golden man]

كارمن بينها مش عاوزه تكمل لو مش مستعده ممكن تعتذر عن التكمله يمكن هى شايفه ان المتهم
هيتحكم عليها ومش هتعرف تجيبله حكم مخفف

[THE KING]

خلاص خلاص خلاص
انا زهقت
خد براءه يا جولدن
هاهاهاهاهاهاهاهاهاهاهاهاهاهاها

و
المحكمه فى أجازه إلى حلول عام 2010
وكل عام وأنتم بخير

[golden man]

هههههههههههههههههههههههه
تسلم يا قاضى الغرام
والنعمه انت برنس
بلا كارمن بلا عز الدين
على ايه دى بتاخد اتعاب
وكمان موقفه حالى

[THE KING]

هههههههههههههههههههههههه
ربنا ييسر الأمور

[THE KING]

عادت من جديد بعد فياب قصير
محكمتنا الغاليه :ar!

[-O< وطبعاً اللى كلنا بنحبها [-O<


الجلسه الجايه مش زي كل الجلسات ... دي جلسه لعضوه تعتبر طفله لانها مشرفة عالم عيال عيال يعنى لازم نحاكمها تاتا تاتا:))

والمشاركون فى الجلسه هم :-
------------------------
1- قاضي الغرام (( اللى هو انا طبعاً ))
2- golden man
3- manolly
------------------------
وعلى سعادتك يا مازمازيل تختاري واحد من
التنين اللى بعدي يكون محامي ليكي ..
والتانى هيكون معايا وهنطلع عنيكي ..


طبعاً عارفين مين هي ؟؟؟





انتظروا الجلسه القادمه للمشرفه
amira abdo

[amira abdo]

ههههههههههههههههههههههههههههههه
تعرف انا اشتركت ف المنتدي اصلا عشان المحكمة ومشتركتش فيا وتصادف دلوقتي شوف من امتي هههههههههههههه عالعموم انا جاهز لاي حاجه ان شاء الله ههههههههههه والطفله دي هتشرفكو ان شاء الله
ولو لازم اختار هختار هيما ليه بقي عشان مانوللي مهما قست عليا بنوته وف وقت هصعب عليها انما لو هيما وعمرو اجتمعوا عليا قولوا عليا يارحمن يارحيم هههههههههههههههه وبعيد عن كده هيما فقري وهيبقي محامي عقر فهختار




golden man
واكيد ميمو مش هتزعل مني هي شور فاهمه محدش يفكر يوقع مابينا اوك هههههههههههههههههههه
يلا انا ريدي وميرسي انكو اخترتونييييييييييييي ثانكس يا كينج

[golden man]

اولا اقول لعمرو مبروك على رجوعه ان شاء الله ونشاطه الى يا رب يرجع وثانيا شكرا لاختياري

ومش عارف اقول لاميره مبروك لانك اختارتها ولا استحملى الى جاى بس بدال هى فرحانه اقولها مبروك
وشكرا لاختيارها انى اكون محاميها طبعا
بس انا يا بنتى هوديكى فى داهيه يالا اهو هنعمل الى علينا والباقى علي ربنا

ونبدا بقى ولو سمحتوا مش عاوز حد يدخل عليا انا وموكلتى عايزين ننفرد انا وهى والفراغ ثالثنا

قوليلى يا ميرو كل حاجه عنك من اول ما اتولدتى لحد ما اتهموكى بالجريمه دى علشان نشوف حل للورطه الى انت واقعه فيها واهم حاجه الصراحه بين الموكل مش عايز اقول متهم ومحاميه

[amira abdo]

ههههههههههههههههههه شكلك ناوي تحبسني ربنا يستر يارتني ماكنت اختارتك هههههههههههههههه بس هو مفيش امل يادكتور اقصد يامتر هههههههههههههههههه

[golden man]

يا مسهل يا رب مش بايدينا حاجه احنا هنضر نضى بالم وابنها علشان الشعب يعيش ههههههههههه

[amira abdo]

ههههههههههههههههههههه يافقري عثل والله

[prince of alex]

ههههههههههههـ


واخيرا لقيتوا ضحية جديدة


يلا انا مستني اشوف الاحداث

واد يا هيما .... عصابة التماسيح ديه وصيتي ليك يا حبيبي

[THE KING]

جلووووووووس

بسم الله الرحمن الرحيم
فتحت الجلسه :-w :-w :-w

’’ أسئلة المنتدى ’’

إسمك وسنك وعنوانك ..؟
مين فى المنتدى اصدقاء ليكي فى الحقيقه ؟؟
لو حصل وبقيتي مدير للمنتدى ده .. هتعملي إيه ..؟؟
1- اول حاجه هطرد كل اللى خانقني
2- هعين صحابي مدرا وش
3- ياعم فوكك دي مسؤوليه
تقيمي المنتدى ده بكام في الميه ؟؟
تقمي إدارة المنتدى بكام في الميه ؟؟
تقيمي المواضيع بتاعت المنتدى بكام فى الميه ؟؟
لو قالولك هتبقى مديره لمدة 5 ثواني .. إيه اول حاجه هتخطر على بالك ؟
اكتر عضو بتحقدي عليه ؟


والجزء الجاي إن شاء الله هيكون عن الحياه الشخصيه ..
واللى بعده عن الحب والرومانسيه .. وده الجزء الأهم
وطبعاً اسلوب المحكمه فى طرح الأسئله دقيق جدا لدرجة ان محدش هيعرف مكتوب إيه
بس دي طريقه للتشتيت
نياهاهاهاهاهاهاهاهاهاهاها


ملاحظه /
:> الأسئله مكتوبه بوضوح جداً :>

[yousef eldeep]

بجد المحكمة جميلة جدا وان منتظر اشوف اية الي هيحصل وبجد ربنا معاكي يا amira abdo
دول شكلهم نويين نية سودة
ربنا معاكي بجد
تقبلي مني مروري

[amira abdo]

ربنا يستر انا شكلي هتبهدل هنا ههههههههههههههه ربنا معايا ميرسي يايوسف
استعنا ع الشقا بلله هيلا هيلاهههههههههه نخش ف الموضوع

إسمك وسنك وعنوانك ..؟
الاسم: اميرة عبده شهيرة بميرو عسوله
السن: 18سنه
العنوان: مصر ******ه جيزه جيزه جيزه ههههههههههههههه
مين فى المنتدى اصدقاء ليكي فى الحقيقه ؟؟
حبيبتشي وروح قلبي هوبا(hobba)

لو حصل وبقيتي مدير للمنتدى ده .. هتعملي إيه ..؟؟
ولا اختيار من التلاته
1- اول حاجه هطرد كل اللى خانقني
2- هعين صحابي مدرا وش
3- ياعم فوكك دي مسؤوليه
تقيمي المنتدى ده بكام في الميه ؟؟
100ف 100 والله بجد
تقمي إدارة المنتدى بكام في الميه ؟؟
بجد اداره مجتهده وفعلا دايرة المنتدي بعبقرية فعلا ماشاءالله وبشكر فعلا ادمن وسيلفر علي مجهودهم وبديهم 200 علي 100

تقيمي المواضيع بتاعت المنتدى بكام فى الميه ؟؟
ممكن 90 ف الميه
لو قالولك هتبقى مديره لمدة 5 ثواني .. إيه اول حاجه هتخطر على بالك ؟
مش عارفه بس هكرم كل المجتهدين ف المنتدي واهاديهم
اكتر عضو بتحقدي عليه ؟
ممممممممممممم مش بحقد علي حد والله بحبهم كلهم وكلنا اخوات
بس نقول كارمن عشان مشاركاتها ماشاء الله اوعدنا ياااااارب
وسيلفر عشان اخو المدير اوعدني بردو باخ مدير يااااارب هههههههههههههههههه
وف انتظار بقيت الاسئله ميرسي كتير سلاموووووز احلي من المنجوز

[Silver]

ربنا يكون فى عونك يا أميرة ،،،

ويلا ياعمرو عايزة محاكمة جميلة كده

ده ياميرو العسولة برضه ... احلى وصاية

ويارب يا اميرة نشوفك كده مديرة

[amira abdo]

هههههههههههههه لا مش اوي كده كفايه مشرفه تماموز جدا بس ميرسي ياسيلفر بس بلاش وصايه جامده لاحسن عمرو يفهمها بلعكس ههههههههههههههههه
ميرسي سيلفر

[admin]

شدى حيلك اميره لو عاوز دعم


نطلب ونجيب


ويريت ياعمرو تتوصى شويه عايزن قاضى الغرام



استمرور


والله الموافق

[yousef eldeep]

انا جيت ياجماعة ربنا معاكي ياميرة خليك ياعمرو كدة رومانسي وحلو علشان اميرة دي عضوة مميزة جدا عند الجميع
وربنا معاكي ياميرة
تقبلي مني مروري يااميرة

[THE KING]

لا
لا لا
لا لا لا
لا لا لا لا
لا لا لا لا لا
لا لا لا لا لا لا
لا لا لا لا لا لا لا
لا لا لا لا لا لا لا لا
لا لا لا لا لا لا لا لا لا
لا لا لا لا لا لا لا لا لا لا
لا لا لا لا لا لا لا لا لا
لا لا لا لا لا لا لا لا
لا لا لا لا لا لا لا
لا لا لا لا لا لا
لا لا لا لا لا
لا لا لا لا
لا لا لا
لا لا
لا

شفتي كام لا
عيدي الإجابه عالأسئله مره تانيه
لاني مش عاجبني اجابة ولا سؤال

ولازم تجاوبي وتختاري
ومفيش حاجه اسمها
والله مش حاقده على حد

جاوبي عدل لحسن تحصلي نوره جنزير هاااااااا

[karmen]

هههههههههههههههههههههههههههه
ربنا معاكي يا ميرو
مش محتاجه أي مساعده؟
قولي بس متتكسفيش
متخفيش مش هوديكي في داهيه
بس انتي إطلبي مساعده بس

[vindiesel]

ربنا معاكى يا أميره

انا جايب لك عيش وحلاوه علشان تتغذى وتعرفى تجاوبى

هههههههههههههههههههههههههه

[bosbos love]

ربنا معاكى يا اميرة
دا باين الكنج متوصى بيكى جامد
ربنا معاكى يا قمر

[golden man]

بما انى المحامى اتدخل
يا سيادة القاضى الحقد ما هو الا شعور داخل الانسان ولكنه ليس غريزه فطريه خلق بها
اذا فكما قالت موكلتى انها لا تكن لاحد من الاعضاء حقدا اذا فهى نقطه فى صالحها تدل على نبل عواطفها
واعتقد انها ستكون نفس الاجابه حتى لو كرر السؤال مئة مره

[amira abdo]

الله اكبر الله اكبر تحيا الديموقراطيه متشركين يامتر
طب وحياة ربنا جامد ياواد ياهيما بييييييييييييس

[THE KING]

اعتراض مقبول يا متر
ومتجاوبيش عاللى فاضل


السؤالى اللى جي عباره عن اختبار قصير لو جاوبتي عليه بالطريقه الممتازه اتوقع انك هتاخدي براءه بس بعد المشوار اللى هييجي من الأسئله

شوفي الصوره دي كده

http://img101.herosh.com/2010/01/10/574857858.jpg

قمنا برسم نقطه سوداء داخل اللوحه البيضاء ..
السؤال / ماهو أكثر شئ تلاحظينه داخل اللوحه ؟؟

[prince of alex]

والله يا عمورة انت تشــــــــــــل

[THE KING]

هسسسسسسسسسسس
اسكت خالص

سيبها تركز فى الإجابه

[golden man]

اوك يا عمور شكرا لهيئة المحكمه بس بعد اما هى تجاوب والقاضى يقول كلامه المفروض لو فى حاجه اتدخل

[THE KING]

في انتظار اجابتها

[amira abdo]

اعتراض مقبول يا متر
ومتجاوبيش عاللى فاضل


السؤالى اللى جي عباره عن اختبار قصير لو جاوبتي عليه بالطريقه الممتازه اتوقع انك هتاخدي براءه بس بعد المشوار اللى هييجي من الأسئله

شوفي الصوره دي كده

http://img101.herosh.com/2010/01/10/574857858.jpg

قمنا برسم نقطه سوداء داخل اللوحه البيضاء ..
السؤال / ماهو أكثر شئ تلاحظينه داخل اللوحه ؟؟

ايه السؤال العبقري ده لوحه فاضيه وفيها نقطه سودا ايه اللي هيلفت نظري فيها يعني بياض اللوحه؟ اكيد يعني النقطه السودا منتظره اشوف الاجابه صح او غلط بس معلش لو بتاخر زنقة امتحانات بقي. وحشني الماجيك والماجيكاويه والله منتظره ياعمور وميرسي ياجماعه بجد علي وقفكو جنبي ثانكس بجددددددددددددد <:-p:):-*

[karmen]

أعتقد كده يا ميرو إن قاضينا الخبيث بيختبر مدى تفاؤلك أو تشاؤمك
وأعتقد انك فشلتي في الاختبار
ههههههههههههههههههه
لالالالالالالالالالالالالالالالالالا
بعد الشر يا ميرو
ربنا معاكي

[amira abdo]

ايه ده فشلت طب بجد هو اللوحه فيها حاجه غير النقطه يمكن في وانا مش شايفه ههههههههههههههههههههههههه طب قوليلي الاجابه غششيني ينوبك ف اختك ثواب وهردهالك والله بلييييييييييز

[THE KING]

ايه السؤال العبقري ده لوحه فاضيه وفيها نقطه سودا ايه اللي هيلفت نظري فيها يعني بياض اللوحه؟ اكيد يعني النقطه السودا منتظره اشوف الاجابه صح او غلط بس معلش لو بتاخر زنقة امتحانات بقي. وحشني الماجيك والماجيكاويه والله منتظره ياعمور وميرسي ياجماعه بجد علي وقفكو جنبي ثانكس بجددددددددددددد <:-p:):-*


مع إنك بتستهزأي بالإجابه الصحيحه و مش عارفه قيمة السؤال ده إيه !!!

السؤال ده بيتسأل لطلبة كليات الطب النفسي في أوروبا علشان يعرفوا بعد نظرتهم !
طبعاً حضرتك إجابتك غلط ..
لانك ملاحظتيش في كل البياض ده إلا نقطه صغيره متمثلش حوالي 0.5 من حجم الصوره كلها
وده دليل على إنك بتحصري نفسك في مكان واحد ..
وللأسف مضطر إنى اكمل أسئلتي معاكي ( إشطااااااااااااااااه انا فرحان :)) :)) )

ويلا بينا يا ست ام أميره

[admin]

استمر قاضى الغرام فى المحكمه


ونشوف متهم الغرام هيوصل لحد فين


ومحامى الغرام هيعمل ايه


والناس بقى الى بتوقع دى بلاش منها


بكره يجلها يوم

[amira abdo]

ياسلام وجهة نظر بردو بس انا متاكده ان لو اي حد ف مكاني هيجاوب نفس الاجابه وانت كمان ياعمور اصل طبيعي اللي يلفت نظرك النقطه السوده لان مفيش غيرها طبيعي جدا يعني بس كبر مش مهم
انا مستعده لاي اسئله تاني ياعمور يلا ياعثل منتظرة

[THE KING]

يلا نكملو ..

س/ عندك كام أخ وكام أخت ..؟؟
س/ عندك كام صديقه ..؟؟
س/ تقيمي معاملتك مع صحباتك إزاي ..؟؟
س/ تفتكري إيه هو أول انطباع الناس بتاخده اول مايشوفوكي ..؟؟
س/ تفضلي الصديق ام الصديقه ؟؟ وليه ..؟؟
س/ مين أكتر حد بيفهمك ..؟؟
س/ عندك كام عدو ..؟؟
س/ لو موجوده في طياره .. والطياره بتقع وقدامك والدك ووالدتك وانتي معاكي باراشوتين بس
واحد ليكي وواحد لحد منهم .. ياترى يا هل ترى هتديه لمين ..؟؟ وليه ..؟؟

جاوبي بأه .. أعتقد اسئله سهله جدا
:-?? مش من النوع بتاع ^:)^الثانويه العامه^:)^

[golden man]

ينع اتناقش انا والمتهمه يا سيادة القاضي

[amira abdo]

س/ عندك كام أخ وكام أخت ..؟؟
احنا 5 بنانيت
س/ عندك كام صديقه ..؟؟
هما 3 بس اقرب واحده هوبا العضوه اللي هنا
س/ تقيمي معاملتك مع صحباتك إزاي ..؟؟
مع هوبا زي الاخوات بظبط وحياة ربنا وواحده تانيه يعني ممكن نقول اكتر من الزماله بشويتين الباقي علاقات عابرة ومصلحه
س/ تفتكري إيه هو أول انطباع الناس بتاخده اول مايشوفوكي ..؟؟
ههههههههههههه سوسه وغامضه عشان بفضل ساكته وبسمع بس
س/ تفضلي الصديق ام الصديقه ؟؟ وليه ..؟؟
مفيش حاجه اسمها افضل الصداقتين بيكملوا بعض في حاجات تتقال لصديقه ماتتقالش للصديق والعكس وفي حاجات بتحسها مع الصديق زي انه مثلا بيخاف عليا زي اخته بظبط وبيحمني وساعات بتسند عليه ف حاجات بس
س/ مين أكتر حد بيفهمك ..؟؟

هو محدش بيفهمني اوي بس اللي بتفهمني وبتحس بيا هوبا
س/ عندك كام عدو ..؟؟
مفيش خالص الحمدلله
س/ لو موجوده في طياره .. والطياره بتقع وقدامك والدك ووالدتك وانتي معاكي باراشوتين بس
واحد ليكي وواحد لحد منهم .. ياترى يا هل ترى هتديه لمين ..؟؟ وليه ..؟؟
السؤال ده صعب لاني اكيد بحبهم اكتر من نفسي هديهم هما الاتنين البراشوتين ومش بكدب والله لوحصلت هعملها
ف انتظار الباقي ياعمووووووووور

[THE KING]

وطبعاً يا فالحه حد من أهلك هيديكي باراشوت يا ست هانم
لان هما كمان بيحبوكي اكتر من نفسهم
ولا ممكن ميدوكيش
منتو خمسه بقى
هيتبقالهم أربعه
مش مهم
في داهيه
ههههههههههههههه

[admin]

ههههههههه


ليه كده ياقضى الغرام


متهه الغرام جوابه لكل صراحه

[golden man]

قشطه يا ميرو

[THE KING]

لا
المحكمه مش مقتنعه
انا اسف
مضطر اسأل تانى
مش مقتنع بإجابتك يا اميره

[golden man]

نظرا لاقوال سيادتك ايها القاضي كما قلت فى المدون اسفل كما نري
وطبعاً يا فالحه حد من أهلك هيديكي باراشوت يا ست هانم

لان هما كمان بيحبوكي اكتر من نفسهم
ولا ممكن ميدوكيش
منتو خمسه بقى
هيتبقالهم أربعه
مش مهم
في داهيه

ههههههههههههههه


فقد اصدرت سيادتك حكما انك قلت ممكن ميوكيش سواء اقتنع حضرتك اولا مكنش لازم تقول لن المحكمه قرارها مى على ادله واثباتات واذا نطق الحكم انتهى الامر كما انه لا يجوز لسياتكان تقول للمهمه فى داهيه المتهم بيء حتى تثبت ادانته وهذ تجريح فى النفس والمشاعر لموكلى

[THE KING]

إتـــــــــــلــــــــــــــــهــــــــــــي

[golden man]

لالالالالالالالالالالالالالالالالالالالالالالالا مينفعش الكلام ده احنا الاتنين فى السلك مع بعض مينفعش

[bosbos love]

ههههههههههههههههههههههههههه
حلوة اتلهى دى
الحمد لله انى مدخلتش حقوق
لان لو القاضى قلى اتلهى كنت قتلتو
انا بهدى النفوس

[THE KING]

بوسبوس

من غير ماتخشي حقوق يا ماما
انا اقولهالك

إتـــــــــــــــلــــــــــــــــــهـــــــــــــ ــــي

ههههههههههههههههههه
ووريني هتقتليني ازاي

خليكو شاهدين
عاوزه تسيح دمي

ههههههههههههه

[bosbos love]

ههههههههههههههههههه
ماشى يا سيدى
انا مقدرشى اعمل حاجة
ولنفترض دخلت المحكمة متهمة فى يوم
هتخلص القديم والجديد منى
لا خلينى فى حالى احسن
هههههههههههههههههههه

[admin]

هههههههههه


القاضى ساب المحكه وبيهرز مع الناس الى فى المحكمه

[golden man]

شوفت يا ادمن مينفعش كده بس بعد اما نخلص المحكمه لينا كلام تانى

[THE KING]

بقولك إيه يا أسامه

القانون فوق الجميع


يعنى مش حيهم المحكمه مدير او مشرف
ممكن اخدك حبس 48 والله
ههههههههههه
وانت يا جولدن خليك في حالك انت مجرب المحكمه عامله ازاى
وخلصينا بأه يا اميره
أله
في متهمين تانى عاوزين نحقق معاهم

[admin]

طب ايه رائيك

بقى بمان ان المحكمه فوق الجميع


المتهم القادم هو انت وهنشوف هنعمل فيك ايه

[THE KING]

هههههههههههههههههههههه
لا يا بوس
انا اتحاكمت واتعدمت من زمان والله يجازي كارمن ..
مفيش حد بيتحاكم مرتين ^_^
إيه رأيك بأه انت اللى جي

ونشوف رأي الأعضاء
ونسألهم عاوزين اسامه ولا عمرو
كلهم هيقولو اسامه
وعلى رأي المثل
’’ جنت على نفسها مراقش ’’

[prince of alex]

ههههههـ

الي يوقع في ايدك يا صاحبي

يبقى جنا على رووووووووووحهـ

[admin]

ايه ياعمرو الكلام ده

لالالالالالالا


ياعم كمل عادى وخد راحتك

بس سيبك منى

[THE KING]

لا يا بوس
هو دخول الحمام زي خروجه :d
ان شاء الله بعد ما نخلص محاكمة اميره
هنبتدي في محاكمه عسكريه سريعه ليك

وربونا معاك

[karmen]

وااااااااااااااااااااو
هو ده اللي أنا كان نفسي فيه من زماااااااااااااااااااااااااااان
عمور عندي طلب والنبي ومتنساش العيش واللحمه والمواضيع اللي كلناها مع بعض
ده إحنا عشرة عمر
لو أس أس نزل في المحاكمه متنسانيش بقد 300 /350 سؤال كده
ده أدمن حبيبي والله وليه عندي ما لا يعد ولا يحصى من الأسئله
وإنتي يا ميرو شدي حيلك يا مشرفتنا
أنا شايفاهم مبهدلينك ومينفعش كده
ليه يعني بيبهدلوكي كده
هو عمرو ليه بيعمل معاكي كده
على فكره مينفعش كده
إوعي تعدي الحوار ده على خير
إنتي صحيح متهمه وتحت رحمته
بس بردو ليكي شخصيه وعندك كرامه
ولا إيييييييييييييييييييه؟
هههههههههههههههههههه

[THE KING]

إشطه يلا يا اميره خلصي علشان نحاكم اسامه باشا

[karmen]

طب وهي هتخلص ازاى منغير ما تسألها انت
هتخلص مع نفسها يعني
هتسأل وتجاوب لنفسها واللا إيه النظام؟؟
إسألها ياللا يا حج

[prince of alex]

ههههههههههـ

دا كله بيحبك يا اسامة

[THE KING]

لا يا كارمن
بس تخش تقول اي حاجه في اي حاجه :-w
اعرف انها موجوده
اصل المحكمه وقتها مش بإيدها :!! ولازم نحاكمهم حوالي تلات اربع سنين كده :!!
علشان يتعظو ويعتبروووووو

[karmen]

قشطه عليك
أيوه كده عايزاك تطلعه عليهم

[admin]

ايه الكلام ده

انت بتهزروا ولا ايه

انسى بقى ياعمرو


خليك مع اميره


وبعدهشوف عضو تانى



انا مشغول ومش هيبنفع

[karmen]

إنت هتحمرأ من أولها كده
لالالالالالالالالالالالالالالالا
هو مش بمزاجك
ده أولا بمزاج سيادة القاضي
ثانيا بمزاج المستشارين
ثالثا بمزاجنا إحنا الأعضاء
وطالما اتفقنا على شئ مفيش منصب هيخلينا نتراجع
وانسى في الموضوع ده انك المدير
انسى يا عمرو
زي ما بيقولوا
مش انت المقصود يا قاضي بعمرو
بس القافيه حكمت
هههههههههههههههههههه

[THE KING]

ماشي ماشي
حلوه القافيه دي
ههههههههههههههه

خلاص بأه اتدبست يا اسامه
واللى كان كان

[bosbos love]

يلا بقى يا ادمن
مفيش حاجة اسمها مشغول
كلو يهون فى سبيل المحكمة
يلا يا كنج اخلص من اميرة
وافضى لادمن
عايزين شغل على اعلى مستوى

[THE KING]

المحكمه في اجازه مدة اسبوعين علشان الإمتحانات
وربنا يكون مع الجميع ..

[amira abdo]

انا جيييييييت سوري ياجماعه عشان التاخير عشان الامتحانات والله ومعاكو اهو يلا ياعمور كمل محاكمة واستعنا ع الشقا بلله

[THE KING]

حمدالله على السلامه ياختي
مابدري والنبي
كنتي تتأخري شويه كمان
والله كنت هحكم عليكي غيابي

بس انتى خلصتي غيرك حيبدأ بكره اللى هو >:d< انا >:d<
وادعولي الإمتحانات هنا مدتها اسبوعين كل يوم امتحان :-b
يعنى حنجهز النيسكافيه والباور هورس والسواد اللى تحت العين يطلع ونعد ندح ندح ندح :)]
وفي الأخر منفهمش حاجه

استنيني بأه يا اميره اسبوعين :(|)

[amira abdo]

ربنا معاك ياجميل وتيجي تفرحنا بخبر نجاحك كده منتظرينك ياعموووووور

[golden man]

ربنا مع الجميع

[THE KING]

94 %
وووووووووووهوووووووووووووووووووووووووووووووه

جبت 94 الحمد لله ونجتشي فى الكيميا
لولولولولي


يلا نكمل وانا سخن كده

[prince of alex]

يلا يا عم

[karmen]

ألف مبروك يا عمور
إنت في سنه كام صحيح؟؟
وياللا منتظرينك تكمل
مش خلاص خلصت امتحانات وإتطمنت ملكش حجه بقى

[THE KING]

الله يبارك فيكي
والله مليش لا حجه ولا عمره
بس مستنى المتهمه لما تيجي
شكلها بتمتحن تانى ولا ايه


عالعموم يا كارمن جهزي نفسك علشان هنحاكم الأدمن بعد ما نخلص على المتهمه
قصدي بعد ما نخلص ماحكمتها
نياهاهاهاها

[admin]

حمدالله بالسلامه عمرو وكارمن


يعنى لم ترجعو تيجى حامى عليا انتى وكارمن


ربنا يستر

[amira abdo]

انا جيييييييييييييييييييييييييييييييييت نورت البيت طبعا
مبروك عموووووووووور النجاح بتفوق ده ايه ياعم انت بتذاك من ورانا ولا ايه مش فاهمه ههههههههههههههههههه
ع العموم مبروك الف الف مبروك
وانا جاهزه ياكينج لاي محاكمة ياباشا

[golden man]

هو انتى الي بتتحاكمى لسه
ربنا معاكى

[THE KING]

بتقولها انتى لسه بتتحاكمي
اخس المفروض انك المحامي بتاعها مش عارف
اوعى تسكتيله يا اميره
ده نسي محاكمتك عارفه يعنى ايه
هيوديكي في داهيه
اوهي تسكوتيله اديلو ع دماغوو
وانت لو عملتلك حاجه قدم فيها بلاغ هنا واحنا هناخدلك [-X حقك


محامي كفته ولا ايه بس



عالعموم اول جلسه ليكي بكره إن شاء الله على بال ما أجهز الأسئله \m/

[karmen]

ياللا تمام
عاوزين النشاط يرجع يدب تاني في أركان المنتدى
منتظرينك يا عمور
وأنا مستعده معاك

[THE KING]

بسم الله الرحمن الرحيم
فتحت الجلسه ...

س/ كم مره قابلتى انسان حسيتي نحيته بإعجاب وإتمنيتي يكلمك ؟؟ ومين هو الشخص ؟؟ وإيه علاقتك بيه ؟؟

س/ لو عدا جنبك شاب وقالك (( ياحلو يابيض )) أولاً إيه هيكون شعورك ؟ هتتصرفي إزاى لو قالك كلام بذئ ؟؟؟

س/ إنتى راضيه عن نفسك ؟ لو كانت إجابتك لا او نعم .. قوليلي الأسباب ؟

س/ إيه رأيك فى الحب فترة المراهقه ؟ وهل المشاعر فى السن ده بتكون حقيقيه ولا طفوليه ؟؟

س/ مين أقرب ليكي ( الصديقه - ****** ) يعنى مين اللى ممكن توثقى فيه وتحكي كل حاجه ليه ؟؟

س/ قوليلي موقف حصلك فلقتي نفسك من العياط فيه ؟؟

س/ مواصفات شريك العمر ؟؟

س/ تفتكري ايه هي الحاجه اللى ممكن تخلي الناس مش طايقه بعض ؟؟

س/إختاري ...
1/ إيه الحاجه اللى تخليكي تحزني ؟؟
الموت - الألم - الوداع
2/ إيه رأيك فى الترعب بمشاعر الأخرين ؟؟
عادي من باب التسليه - لا مبالاه- مفيش مشاعر فى الزمن ده
3/ ترشحي مين رئيس لمصر؟ ؟
حسني - البرادعي - أيمن نور

س/ تقولي لمين كلمات الأغانى دي :-
1/ كداب مغرور
2/ حبك نار
3/ يانا يانت
4/ الطفله البريئه
5/ متحاولش تبقى حد تانى
6/ بحبك وبموت فيك
7/ ياحبيبي تعالى الحقني شوف اللى جرالي
8/ يلا في ستين الف سلامه
9/ عارفاك وفاهماك وقارياك
10/ إنت إييييه


:!! .. أدي الأسئله وجاوبي .. :!!

[ahmed_yasser190]

شكراااااااااااا

[golden man]

يالا يا اميره جاوبي علشان نشوف هنستانف ولا ايه

[THE KING]

يلا يا متهمه
عاجبك كده يا متر

[ahmed_yasser190]

يلا يا متهمه
عاجبك كده يا متر

[amira abdo]

س/ كم مره قابلتى انسان حسيتي نحيته بإعجاب وإتمنيتي يكلمك ؟؟ ومين هو الشخص ؟؟ وإيه علاقتك بيه ؟؟
كذا شخص ممكن اكون قاببلته وتعجبني شخصيته جدا بس بيبقي مجرد اعجاب بشخصيته وتصرفاته ممكن يبقي زميل ف الجامعه او صديق

س/ لو عدا جنبك شاب وقالك (( ياحلو يابيض )) أولاً إيه هيكون شعورك ؟ هتتصرفي إزاى لو قالك كلام بذئ ؟؟؟
بصراحه مكدبش هبقي مبسوطه بس لو بذئ مش هرد وهمد وامشي لان ف موقف زي ده مينفعش يكونلي رد فعل تاني

س/ إنتى راضيه عن نفسك ؟ لو كانت إجابتك لا او نعم .. قوليلي الأسباب ؟
لا مش اوي لازم انضبط ف صلاتي اكتر واهتم بمذاكرتي لاني فعلا مهمله فيها اوي

س/ إيه رأيك فى الحب فترة المراهقه ؟ وهل المشاعر فى السن ده بتكون حقيقيه ولا طفوليه ؟؟
لا عادة مش بيبقي حب خاااااااااالص وفعلا مشاعر طفوليه

س/ مين أقرب ليكي ( الصديقه - ****** ) يعنى مين اللى ممكن توثقى فيه وتحكي كل حاجه ليه ؟؟
السؤال ده صعب بجد لان انا معنديش حبيبي فللي بحكيله علي كل حاجه الصديق بس اعتقد ان الصديق اقرب لي في حاجات بتتحكي للصديق عن ******
ولو اني شايفه ان ده في حاجات تتحكيله وده حاجات تتحكيله الاتنين مختلفين عن بعض كل واحد بيقوم بيدور

س/ قوليلي موقف حصلك فلقتي نفسك من العياط فيه ؟؟
يوم النتيجه بتاعة الترم اللي فات

س/ مواصفات شريك العمر ؟؟
يحبني زي مابحبه واكتر
يحترمني ويحترم اهلي
مش شرط يكون قمورالشكل بلنسبالي مش مهم خالص
يكون ملتزم
متعلم تعليمه ع الاقل زي
مش هقول لازم يكون متدين بنسبة ميه ف الميه بس يكون ملتزم فدينه ونساعد بعض ع الالتزام ف دينا وصلاتنا
ميفرضش شخصيته عليا يكون في بينا نقاش
يخاف عليا وعلي مستقبلي ويقف جنبي وانا بلطبع هعمل معاه نفس الحوار
يكون راجل بكل الكلمة دي تحمل من معاني من تحمل مسؤليه اسرة وزوجه واطفال وكيفية حمايتهم
يكون رومانسي ويحبني بجد وميكطونش بيتسلي بيا وبمشاعري لان دول للاسف كترو اوي وبقو يلعبوا بلبنات
بسكده متهايالي

س/ تفتكري ايه هي الحاجه اللى ممكن تخلي الناس مش طايقه بعض ؟؟
الحقد والغيرة وان كل واحد عينه ع الشخص اللي اعلي منه ومش راضي بحاله
س/إختاري ...
1/ إيه الحاجه اللى تخليكي تحزني ؟؟
الموت - الألم - الوداع
الموت
2/ إيه رأيك فى الترعب بمشاعر الأخرين ؟؟
عادي من باب التسليه - لا مبالاه- مفيش مشاعر فى الزمن ده
لا مبالاه وعدم احساس بلغير وبمشاعره واحترامه للمشاع دي لان معني ان انسان يديمشاعره لحد ويامنه عليها دي كبيره اوي فلازم نحترم ده وعالاقل منتلاعبش بيها والانسان اللي بيتلاعب ن ربنا مش هيسيب حق الانسان اللي ظلمه ممكن لو ولد يحصل ف اخته ف زوجته
والبنت كذلك ف زوجها فلازم نراعي ربنا ف مشاعر الناس
3/ ترشحي مين رئيس لمصر؟ ؟
حسني - البرادعي - أيمن نور
مش عارف الصراحه بس متهايالي البردعي

س/ تقولي لمين كلمات الأغانى دي :-
1/ كداب مغرور لحد معين انت مغرور اويييييييييي وكداب جداااااااااااااااااااااااااااااااااا من هنا لبكره
2/ حبك نار no body
3/ يانا يانت الترم ده لازم اجيب تقدير
4/ الطفله البريئه no body
5/ متحاولش تبقى حد تانى اي حد مش راضي بحاله
6/ بحبك وبموت فيك بس نقول لعيلتي وصحبتي الانتيخ هوبا ههههههههههههههههno body
7/ ياحبيبي تعالى الحقني شوف اللى جرالي هههههههههههههههههههه no body
8/ يلا في ستين الف سلامه لاي حد ظلمني وافتكرانه كده هدني ف ستين الف خمسه الاف خمسيه خمسه وخمسين ههههههههههههههههههههههههههههه
9/ عارفاك وفاهماك وقارياك هبه صحبتي بفهمها من عنيه وصوتها حتي من غير متكون حكتلي حاجه
10/ إنت إييييه no body too
وهذه هي اجاباتي وسوري بجد ياجماعه ع التاخير غصب عني سامحوني انا اسفه ووحشتوني بجد واجاباتي دي بكل صراحه ومكدبتش ف حرف بجد يارب ناخد حكم كويس كده وابن حلال يااااااااارب
سلام يا احلي منتدي ف الدنيا كلها

[THE KING]

عيدي إجابة السؤال الأخير
لأن المطلوب فيه انك تقولي الكلام ده لشخصيات فى المنتدى
مش بره
استفدنا ايه احنا لما تقوليلنا واحده او واحد من بره ها ؟؟

[amira abdo]

معلش يا استاذ عمرو مخدناش بالنا مع ان لسؤال مكانش موضح اصلا ع العموم هجاوب تاني بس بشويش علينا بس ومتعصبش نفسك واجاباتي اهي
file:///C:/DOCUME%7E1/yasser/LOCALS%7E1/Temp/moz-screenshot-13.pngfile:///C:/DOCUME%7E1/yasser/LOCALS%7E1/Temp/moz-screenshot-14.pngتقولي لمين كلمات الأغانى دي :-
1/ كداب مغرور محدش مفيش حد هنا ف المنتدي لاكداب ولا مغرور بلعكس كلهم اجتماعين جدا وروحهم حلوة واجتماعين
2/ حبك نار هههههههههههههههههه مش عارفه الصراحه
3/ يانا يانت انت ياعمرو عشان تديني البراءه
4/ الطفله البريئه محدش
5/ متحاولش تبقى حد تانى انا معرفش حد شخصيا ف المنتدي ف يبقي لمحدش
6/ بحبك وبموت فيك مانوللي وبوس بوس لاف ودبدوبايه
7/ ياحبيبي تعالى الحقني شوف اللى جرالي المنتدي كله الحقوني شوفوا اللي جرالي ف النتيجة ههههههههههههههههههههههههههههه الحمدلله علي كل شئ
8/ يلا في ستين الف سلامه لاي عضو ساب المنتدي مع الف سلامه ومنتظرين رجوعكم تاني
9/ عارفاك وفاهماك وقارياك العضوة هوبا
10/ إنت إييييه محدش
وبكده عملنا اللي علينا يا استاذ عمرو منتظره الحكم ان شاء الله

[karmen]

7/ ياحبيبي تعالى الحقني شوف اللى جرالي المنتدي كله الحقوني شوفوا اللي جرالي ف النتيجة ههههههههههههههههههههههههههههه الحمدلله علي كل شئ


خير يا ميرو إن شاء الله

هي النتيجه ظهرت؟؟

عملتي إيه طمنينا؟؟


ياللا شدي حيلك في المحكمه

[THE KING]

ماشي كارمن بتستفسر
إيه اللى حصل فى النتيجه
احكي ايه اللى حصل ؟؟ وليه جبتي كده فى النتيجه ؟؟؟؟؟؟

[admin]

ماشي كارمن بتستفسر
إيه اللى حصل فى النتيجه
احكي ايه اللى حصل ؟؟ وليه جبتي كده فى النتيجه ؟؟؟؟؟؟




اصلى عمرو عملتى ايه وايه السبب

[amira abdo]

ايه ياجماعه الاحراج ده بس ع العموم شلت 2 الحمدلله وايه السبب انا فعلا استهترت الترم اللي فات ومكنتش بذاكر كويس بس الترم التاني ان شاءالله هشد حيلي واذاكر دعواتكم

[THE KING]

el-mohem ennek naga7te

[THE KING]

الحكم بعد المداوله

[karmen]

مُنتظرين

[admin]

فى الانتظر

[amira abdo]

ربنا يستر ومخدش اعدام هههههههههههه
ف الانتظار ياعمور

[admin]

اعدام شويه عليكى


فينك بقالك فتره

[el asmar]

الف ألف مبروك يا عمور على النجاح والمجموع العالى ده
بس نصيحه من أخوك الكبير لما تيجى تفرح ما تفرحش أوى
علشان عن تجربه شخصيه أللى لسه بيدرس سواء فى المدرسه او الجامعه
فهوا أحسن بكتيرمن المخلص وشغال وطلعان عينه زيى كده
بس على العموم ربنا معاك ومع كل اللى بيدرسوا

[THE KING]

ايه يا معلم اليأس ده كلوووووووو
والله ياعم انتو ارحم عالأقل بتنامو براحتكو
شكرا ع ردك يا عسل
وتابعنا وقولنا رأيك نحكم عليها ايه

[THE KING]

حكمت المحكمه حضورياً على المتهمه أميره
بالبراءه ** وذلك لإجاباتها الصريحه والمختصره والمفيده
وربنا يوفقها فى حياتها وينجحها يااااااااااارب
وادعولها يا جماعه

[THE KING]

إنتظروا الجلسه المشوقه للمدير


Admin


المشاركون فى الجلسه :-
جميع أعضاء المنتدى تتاح لهم المشاركه بسؤالين فقط
احدهما فى المنتدى والأخر فى الحب

موعد الجلسه 15/ إبريل

[نفوس امنة]

موضوع حلو سيسمح لكل واحد بالوقوف مع نفسو صراحة لان اكيد كل انسان بداخله مخزون من الحب والرومنسية لكن كل واحد وطريقته في التعبير
اتمنى المشاركة ومستعدة للاجابة بكل صراحة شرط ان تكون الاسئلة ذكية و المحاكمة تكون عادلة
محكمة الرومنسية العادلة

[eltohamy]

الله عليك فى الانتظر


ويريت يبقى بعد الادمن العضوه


نفوس امنة (http://www.elmjeck.com/vb/member.php?u=27299)

[THE KING]

إن شاء الله
تابعنا بس يا جميل
وان شاء الله كل اللى تحبه هيكون موجود

[manolly]

مبروك يا ميروووووووووو عالبراءة
ومستنيين محاكمة اسامة

[admin]

ياسلام مستنى انتى

ربنا يستر

[karmen]

الله عليك يا عمور والله برنس
ياللا بقى هتبدأ إمتى في محاكمة الأدمن
فرصتي دي بقى
ها يا أس أس مسموح أسيحلك واللاااااااا...................؟؟؟
ان الله حليم ستار
ههههههههههههههههههههههه

[prince of alex]

waiting

[THE KING]

الله عليك يا عمور والله برنس
ياللا بقى هتبدأ إمتى في محاكمة الأدمن
فرصتي دي بقى
ها يا أس أس مسموح أسيحلك واللاااااااا...................؟؟؟
ان الله حليم ستار
ههههههههههههههههههههههه



طبعا مسموح تسيحيلووووووووووووووووووو
سيحييييييييييي ياختي سيحيييييييييييييييييي
امال حنجيبلو تهم منين
وعلى فكره يا جماعه
كارمن هي القاضي في محاكمة المدير أسامه ..
وانا ضيف شرف
هتفرج وأولع وخلاص
خلاص
استعدي يا كارمن المحاكمه يوم 15/4
يعنى فاضل اسبوع خلاص
>:d< >:d< >:d< >:d< >:d<

[karmen]

يعني الأسئله هتبدأ إمتى؟؟؟؟؟؟؟؟؟؟؟
يوم 15/4
واللا قصدك الحكم هيتنطق يوم 15/4؟؟؟

[THE KING]

لا هنبدأ اول جلسه 15/4
ونخلص يوم 22/4
أسبوع كامل المحاكمه يعنى

[karmen]

آها
طب اوكي يا مسهل فاضل 5 ايام على بداية المحاكمه

[ahmed.dodo]

يا جماعه في ايه
انا ممكن انوب نفسي محامى
ولا ايه انتورايكم
على العموم انا الاستاذ المحامى
ahmed.dodo
ولى عاوز محامى يبعتلى رساله
اصلى الحكم هيبقي صعب فا انتو كده عوزين محامى يخفف الحكم
وانا موجود يله علشان نشتغل بقي من ورا المنتدى ده ولا ايه عوزين نشتغل بقى
وعلى فكره انا مش هطلب اتعاب كتير خالص حوالى مليون للقضيه الوحده
يله ابعتو تجدونا معكم في المحاكم
والسلامو عليكم

[ايلول]

ياسلااااااااااااااام على التواضع
مليون حته واحده
لالالا
انت كده بتتنازل اكتر من اللزوم
ياراجل خليهم مليار افضل
يدوب كده تمن اجره الميكورباص
ههههههههههههههههه

ياوقعتك يا اسامه
دانت يابنى وقعت ولا حدش سمى عليك
ربنا يستر

[prince of alex]

شكلهم بيحبوك يا وديييييييييييييع !!!

[THE KING]

ربنا يسهل
اللى هيرشحو الأدمن هو المحامي بتاعووووو
وياريت ترشحنى أهو انا بردو قاضي طالع معاش
وعارف خوازيق كارمن كويس
هههههههههههههههههههههههه
الجلسه بكره يا جماعه إستعدوااااااا

[prince of alex]

تمام دلوقتي مين القاضي


وانا برشح نفسي ابقا محامي

[THE KING]

القاضي دلوقتي كارمن
بس فى محاكمة الأدمن
وبعدين انا هرجع القاضي مره تانيه
ربنا يسهللللللللللللللللللل

[ايلول]

ااااااااااااااه
كارمن هى القاضى

يبقى الله يرحمك يا اسامه
كنت طيب وابن حلاااااااااااااااااال


:((:((:((:((

[ahmed.dodo]

يا جماعه في ايه
انا ممكن انوب نفسي محامى
ولا ايه انتورايكم
على العموم انا الاستاذ المحامى
ahmed.dodo
ولى عاوز محامى يبعتلى رساله
اصلى الحكم هيبقي صعب فا انتو كده عوزين محامى يخفف الحكم
وانا موجود يله علشان نشتغل بقي من ورا المنتدى ده ولا ايه عوزين نشتغل بقى
وعلى فكره انا مش هطلب اتعاب كتير خالص حوالى مليون للقضيه الوحده
يله ابعتو تجدونا معكم في المحاكم
والسلامو عليكمايه يا جماعه انا كنت مرشح نفسي محامى اول واحد ولا ايه انتى طمعين بس انا محامى ومعطرف بيا في القانون والبلد واسامه عارف ده كمان على العموم الى اسامه يختاره

[ايلول]

اكيد يا احمد










متر ونص كمان





ولا ايه رايكم يا جماعه

انا ما اعرفوش


طيب ممكن حد يكون يعرفه يقيس طوله علشان نتاكد



؟؟؟؟؟؟؟؟؟؟؟؟

[prince of alex]

هو الكلام دا ليّ انا ؟؟؟

[karmen]

15/4/2010
نبدأ

[karmen]

يا فتاح يا عليم يا رزاق يا كريم
إصطبحنا وإصطبح الملك لله
إستعنا عالشقا بالله
ياللا يا أخوانا هاتولنا المتهم أسامه التهامي في القفص عاوزين نبدأ الشغل





,,,,,,,,,,,,,,,,,,,,,,,





ياللا يا حبيب والديك عرف المنتدى كله على نفسك الأول عشان نبدأ ولمدة أسبوع في محاكمتك وسؤالك أسئله في كل حاااااااااااااااااااااااااااااااجه





فتحت الجلسه::





1-إسمك؟
2-سنك؟
3-بتشتغل إيه؟
4-كنت بتدرس إيه؟
5-ساكن فين؟
6-مرتبط واللا لا؟ (يعني متجوز-خاطب-بتحب)؟؟
7-مين صاحبك الأنتيم ؟ (إذكرلي إسم محدد)؟





ملحوظه::في كل الأسئله المتعلقه بالأشخاص طالما مقلتلكش حد من المنتدى يبقى أنا أقصد في حياتك كلها
لما أحددلك يبقى وضع تاني





ياللا إصطباحه كده على قد ما قُسُم

[prince of alex]

بداية كويسة (~~)

[admin]

1-إسمك؟
اسامه محمد التهامى
2-سنك؟
24 سنه وشويتين
3-بتشتغل إيه؟
ادارى فى شركه ايمك للادويه
4-كنت بتدرس إيه؟
خاريج معهد الكفايه للانتاجيه تخصص محاسبه
5-ساكن فين؟
اسطنها مركز الباجور منوفيه
6-مرتبط واللا لا؟ (يعني متجوز-خاطب-بتحب)؟؟
لا بدور وربنا يسهل
7-مين صاحبك الأنتيم ؟ (إذكرلي إسم محدد)؟
محمد بعد الحكم & احمد سلام&رامى التهامى
وهناك الكثير بس دول اكثر

[THE KING]

بدايه موفقه يا حضرة القاضي
وابتدي التسخيييين بأه



1-إسمك؟
اسامه محمد التهامى
2-سنك؟
24 سنه وشويتين

مش واضح يعنى إيه شويتين دي

3-بتشتغل إيه؟
ادارى فى شركه ايمك للادويه

مش شايف انو من الظلم انو واحد سنو 24 سنه وشويتين يشتغل إداري ؟؟؟

4-كنت بتدرس إيه؟
خاريج معهد الكفايه للانتاجيه تخصص محاسبه
5-ساكن فين؟
اسطنها مركز الباجور منوفيه
6-مرتبط واللا لا؟ (يعني متجوز-خاطب-بتحب)؟؟
لا بدور وربنا يسهل
7-مين صاحبك الأنتيم ؟ (إذكرلي إسم محدد)؟
محمد بعد الحكم & احمد سلام&رامى التهامى
وهناك الكثير بس دول اكثر

هناك الكثير !!!!
غروررررررررررررر يا قاضي






مش عاجبني حاجه من اجاباتو
ياريت تنفذي عليه أقوى الأحكامممممممممم


ده انت شكلك هتشوف ايام سوده يا أدمن أسامه

ملاحظه : انت هنا فى المحكمه انت مش مدير
انت تقعد فى القفص ساكت خاااالص
ولما كارمن تسمحلك تتكلم إتكلم

[lost love]

ايام سوده
ربنا يستر عليك يااسامه
انت وقعت فى يد من لايرحم
كاااااااااااااااااااااااااااارمن

[karmen]

ههههههههههههههههههههه
حلاوتو يا عمور هو ده
فعلا كلامك مش عاجبنا يا متهم عالعموم في الآخر خالص
هنجمعلك كل اللي مش عاجبنا ونخليك تجاوب عليه من الأول
ولو ما جاوبتش كله هيتاخد ضدك في المحاكمه
ياللا متنطقش ولا كلمه غير لما نقولك إتكلم

هنبدأ الأول بالأسئله العامه اللي بتتسأل لكل الناس عشان نعرف وجهة نظرك في الحياه ,,بعد كده ندخل عالأسئله الشخصيه الخاصه بيك يا حلو
8-إيه هي مواصفات شريكة حياتك؟
9-إيه رأيك في الحب عن طريق النت؟ وممكن ترتبط من على النت واللا لأ؟
10-لو انت بتحب واحده وفوجئت فى يوم ان عندها مرض يمنعها من الانجاب هل هتكمل وتفضل معاها وتحرم نفسك من الشعور بالابوة ؟ ولا هتسيبها ؟
11-إيه هي أحلى كلمه إتقالتلك؟ومن مين؟
12-حلمك في الحياه؟
13-لو اكتشفت فى يوم ان حبيبتك كان ليها ماضى .. وهى بتحبك انت حاليا .. هتعمل ايه ؟؟ هتسيبها ولا هتكمل معاها عادى ؟
14-ايه اكتر حاجه انت بتخاف منها؟
15-ايه أول حاجه ممكن تعملها لما يبقى معاك فلوس كتير؟
بصراحه بقى أنا خلاص الدفعه الجايه هبدأ في الأسئله الشخصيه والمحرجه
متزعلش يا أسامه

[THE KING]

يا معلم يا معلم يا معلم يامعلم
حلاوتك يا كارمن
هاهاهاهااااااااااااااااا
ايوه كده
خشي عليه
متسكتيلهوش
وعلى فكره يا أدمن لازم تعينلك محااااااااااامي

[admin]

8-إيه هي مواصفات شريكة حياتك؟
مش عايز شئ اكثر من الى الرسول قال عليه
دين واخلاق واهل ونسب ومال وجمال
9-إيه رأيك في الحب عن طريق النت؟ وممكن ترتبط من على النت واللا لأ؟
الحب عن طريق النت يفقتد الى الواقعيه وهى رويه كل طرف للاخر ممكن ارتباط والله لو توفرت الشروط واكتمل المواصفات وتم دعم ذلك بالمقابله والتعارف الصحيح ايه المانع وكمان المكان الى تم التعارف فيها على ذلك الشخص
10-لو انت بتحب واحده وفوجئت فى يوم ان عندها مرض يمنعها من الانجاب هل هتكمل وتفضل معاها وتحرم نفسك من الشعور بالابوة ؟ ولا هتسيبها ؟
هو فعلا الواحد نفسه يكون اب بس لو انا الى مختار الشخص ده يبقى هفضل معاه وبعدين ده شئ من عند الله وامر المؤمن كله خير وربنا عمره ما بيقدر شئ وحش ولنفرض ان الموضع العكس كان معايا وليس معاها واكيد هفضل
11ا-إيه هي أحلى كلمه إتقالتلك؟ومن مين؟
انت بجد انسان محترم من صديق
12-حلمك في الحياه؟
انى اشتغل فى مكان مرموق واكون اسره بسيطه
13-لو اكتشفت فى يوم ان حبيبتك كان ليها ماضى .. وهى بتحبك انت حاليا .. هتعمل ايه ؟؟ هتسيبها ولا هتكمل معاها عادى ؟
مش اى ماضى الواحد يسكت عليه والا الواحد يكون (امعه او ديوس)
14-ايه اكتر حاجه انت بتخاف منها؟
الفشل والكلاب بس مش قوى ابتديت اتغلب على الموضع ده
15-ايه أول حاجه ممكن تعملها لما يبقى معاك فلوس كتير؟
اول شئ ابنى جامع لله نعمل شئ حلو فى الدنيا نصل بيها الى الاخره
وبعده كده اقف جمب كل الى وقفوا جمبى
وشوف نفس بقى شويه

[admin]

انا مش معايا فلوس للتعين محامى


بس انا عتماد على الله ثم على اجباتى


وكل الى شايف انى مظلوم وحابب يقف جنبى وكل واحد وله يوم

[karmen]

8-إيه هي مواصفات شريكة حياتك؟
مش عايز شئ اكثر من الى الرسول قال عليه
دين واخلاق واهل ونسب ومال وجمال


لا يا راااااااااااااااااااااااااااجل
وانت كنت عاوز حاجه أكتر من كده
متطلب تاني والنبي هههههههههههههههههه

[THE KING]

8-إيه هي مواصفات شريكة حياتك؟
مش عايز شئ اكثر من الى الرسول قال عليه
دين واخلاق واهل ونسب ومال وجمال


لا يا راااااااااااااااااااااااااااجل
وانت كنت عاوز حاجه أكتر من كده
متطلب تاني والنبي هههههههههههههههههه


عندك حق يا كارمن
بس معلش مشيلو الإجابه المرادي
علشان ذكر الرسول محمد صلي الله عليه وسلم
صلو عليه يا جماااااااااعه

[prince of alex]

عليه الصلاة والسلام

وانا متابع ؛؛؛


بث خفو على الراجل شوية ............. مش شايف سبب لكل ده دا حببنا !!!

[THE KING]

وانا مالي كلم كارمن (( نظام نداله ))
ههههههههههههههههههههههه

[karmen]

هههههههههههههههههههههههه
يعني أنا شايفه كده أسامه مش مهتم ولا معبر خالص ومبيجيش يعلق
طب تعالى بقى إلحق نفسك قبل ما أبتدي الإحراج
لو مش عايزني أسيحلك خش إعمل أي منظر
أنا لسه باقيه عالعيش والرز اللي كلناهم سوا ههههههههههههههههه ومش عاوزه أسيحلك
لكن انت حر بقى كلها كام ساعه وهدخل أسيح بقى ومليش دعوه

[THE KING]

ياااااااااااااااارب مييجي
علشان تسيحيلووووووووووووووووووز

[lost love]

سيحى سيحى ياكارمن
اتاخر شويه يااسامه على
كارمن ماتسيحلك هههه

[THE KING]

يلا سيحي بأأأأأأأأأأأأأأأأأأأأأأأأأأأأأأه

[karmen]

الأول عاوزه أعرف يا عمور مين البيبي اللي زي القمر اللي في صورتك الرمزيه ده؟؟؟؟؟؟؟؟

[karmen]

16-بالنسبه لك من هو في المنتدى:ومتقولش كلهم :حدد:
-أفضل عضو
-أفضل عضوه
-أفضل مشرف
-أفضل مشرفه
-أفضل قسم
-أفضل موضوع
17-مين أكتر ولد في المنتدى تعزه معزه خاصه؟
18-مين أكتر بنت في المنتدى تعزها معزه خاصه؟
19-مين أكتر حد في المنتدى نفسك تشوف شكله؟
20-مين أكتر حد نفسك تسمع صوته في المنتدى؟
21-لو قالولك من المنتدى تاخد مين::
-قدوه
-صديق
-أخ
-حبيبه
-زوجه
22-عمرك حبيت أو أعجبت ببنت من عالنت قبل كده؟
23-حبيت كام مره في حياتك حب حقيقي؟
24-مين هي أول حب في حياتك؟

,,,,أسامه مش عاوزه أسيح وأدخل في اللي أتقل من كده
لو مش عاوز فضايح خُش إعمل منظر وقول لأ واللا إعترض
عدم إعتراضك ده هعتبره موافقه منك إني أسيح أكتررررررررررر,,,,

[ايلول]

يا جامده اوى يا كارمن



يالا سيحى ياختى سيحى

[THE KING]

يلا يا أدمن ادخل جاوب

وبالنوسبه للبيبي
ده واحد كده شفت صورتو عالنت
عجبني
حطيتها

[admin]

16-بالنسبه لك من هو في المنتدى:ومتقولش كلهم :حدد:
-أفضل عضو
ahmed.dodo (http://www.elmjeck.com/vb/member.php?u=20122)
-أفضل عضوه
lost love (http://www.elmjeck.com/vb/member.php?u=22552)
-أفضل مشرف
mahmodsalama (http://www.elmjeck.com/vb/member.php?u=2515)
-أفضل مشرفه
دبدوباية (http://www.elmjeck.com/vb/member.php?u=20057) لمحه حب (http://www.elmjeck.com/vb/member.php?u=12839)
-أفضل قسم
http://www.elmjeck.com/vb/images/future/statusicon/subforum_old.gif لعب xلعب (http://www.elmjeck.com/vb/forumdisplay.php?f=52)
-أفضل موضوع
ضيف في مطبخ الماجيك (http://www.elmjeck.com/vb/showthread.php?goto=newpost&t=17460)
17-مين أكتر ولد في المنتدى تعزه معزه خاصه؟
vindiesel (http://www.elmjeck.com/vb/member.php?u=7946)
18-مين أكتر بنت في المنتدى تعزها معزه خاصه؟
amira abdo (http://www.elmjeck.com/vb/member.php?u=16252)
19-مين أكتر حد في المنتدى نفسك تشوف شكله؟
manolly (http://www.elmjeck.com/vb/member.php?u=7882)
20-مين أكتر حد نفسك تسمع صوته في المنتدى؟
لمحه حب (http://www.elmjeck.com/vb/member.php?u=12839)
21-لو قالولك من المنتدى تاخد مين::
-قدوه
vindiesel (http://www.elmjeck.com/vb/member.php?u=7946)
-صديق
vindiesel (http://www.elmjeck.com/vb/member.php?u=7946) Silver (http://www.elmjeck.com/vb/member.php?u=10)
-أخ
Silver (http://www.elmjeck.com/vb/member.php?u=10)
-حبيبه
manolly (http://www.elmjeck.com/vb/member.php?u=7882)

-زوجه
طب ايه الفرق عن الى قبله
22-عمرك حبيت أو أعجبت ببنت من عالنت قبل كده؟
اعجبت ببنت اعجاب بشخصيه
23-حبيت كام مره في حياتك حب حقيقي؟
2 والحمد لله على كل شئ
24-مين هي أول حب في حياتك؟
امى


دى مجرد اختيارات ليس اكثر وبعدين حكم القوى

[ahmed.dodo]

بجد يا اسامه مرسي على اختيارك ليا افضل عضو

وانا بكده عاوز اعمل معاك واجب
ممكن اسمح لنفسي انى ادافع عنك في المحكمه دى
بس مش مجانا انا كنت طالب مليون بس هطلب بقي
250 الف
اى خدمه ده كله علشانك انت مش اكتر ولا يهمك
انشاء الله هتخرج برئه لو انا معاك احسن ما يبقي عندك جنحه ولا جنايه
انا هجبلك البرئه ولا يهمك بس ادفع الاول

[karmen]

طب استنى لمّا يكسب في لعبة الحياه وبعدين يبقى يدفعلك أتعابك يا أحمد

-وبعدين إجابة السؤال الأخير دي يا أس مش عجباني خاااااااااااالص
مبروم على مبروم ما يرولش يا معلم

24-مين هي أول حب في حياتك؟
أقصد بنت ,فتاه, حب عاطفي ,مش أمي ,,هنهزر مع بعض
جاوب يا أنصح أخواتك

[prince of alex]

ههههههههههـ

انتوا مضبطين الراجل


لسة متابع ؛؛؛

لحين جلستي !!!

[THE KING]

احم احم
نحن هناااااا
بس ازاى متهم وفى القفص وبيلعب الحياه يا كارمن
ياريت تأجلو لعبة الحياه لغاية ما نخلص عليه

[ahmed.dodo]

وهو انا هشتغل على ما هو يكسب يعنى ولا ايه انا عاوز اتعابي مقدما ولا ايه
طب انا عندى حل اخر يمضيلى على وصل امانه اضمن بيه حقي ولا هو كلامى غلط ولو في حل تانى اوكى انا معاكم
على فكره هتاخد برائه وانا معاك دا انت عارفنى كويس يا اسامه وعارف شغلى عامل ايه برائه انشاء الله بس معايا انا بس

[بلابل]

احم احم

اية يا أس مش محتاج اى حاجة

انا سامع انهم عوزينك تمضى على وصل امانة

محتاج فلوس ولا حاجة قول احنا اخوات

لو عوزت اى حاجة اى حاجة متكلمنيش لانى مش فاضى

ههههههههههههههههههههه

ربنا معاك الجماعة بيعزوك اوى

[lost love]

اه والله يابلابل دول ياعينى هروه من كتر الحب

والاستاذ احمد شويه يقوله مليون وشويه ربع مليون

لاوكمان عايزوصل امانه طيب ماينفعشى وصل الكهربه يااحمد

ولامصمصم عالامانه

[بلابل]

ربنا معاة ويطلع من هنا على خير انا مجربتش اة بس عارف الى بيحصل هنا كويس

على فكرة يا احمد وصل الغاز بقى معتمد دلوقتى ومش مكلف اوى زى وصل الامانة

ربنا معاك يا اسامة يا حبيبى وتطلع على خير

خفو على الراجل شوية يا جماعة بدل24 سؤال خليهم 100 هههههههههههه

شفت انا بحبك اد اية

[youssf_star2008]

شكلك يا بلابل بتعزه اوى وبتحبه اوى ده أنا بحبه أكتر منك المفروض نديلوه


1000000 1000000 1000000 1000000

مليون سؤال !

[golden man]

الله معك يا ادمن مش محتا اى مساعده
طب عيش وحلاوه اهو حاجه تقويك
اؤمر بس

[THE KING]

يلا يا جماعه انتو بطلتو ليييييه ؟
فين كارمن والأدمن
مينفعش كده

[ahmed.dodo]

يا سيدى القاضى كارمن
وينك ممكن اسال على متى موعد الجالسه القادمه ولا انت مش عارف انك المفروض تحدد معاد كل جلسه
على العموم ما تزعلشي منى وتقبل سوالى يا سيدى القاضى

[lost love]

هو فى ايه
فين القاضى والمتهم
روحتوا فين
كملوا بقى

[ahmed.dodo]

والله انا مش عارف يا ريم فين القاضي
ممكن تكون اجازه القضاه
واحنا مش عارفين

[بلابل]

شكلهم كدا مزوغيين

[lost love]

طيب حد يجيبهم ياجماعه

هوفى قاضى يغيب عن جلسته

ايه التهريج ده

[بلابل]

اية يا جماعة محدش عرف هما فين

اسامة كدا هيزوغ تانى مننا

[THE KING]

قدامهم لغاية الجمعه
لو مجوش هنعمل جلسه تانيه وعضو جديد

[ahmed.dodo]

لا مش قانونى خالص احنا لازم القاضي ينسحب من القاضيه ونسلمها لقاضي تانى
ولا انتو ايه رايكم معايا احنا لو كده نعمل زى ما قال the keng
يوم الجمعه ناخد القرار ولا زم نجازى القاضي بسبب انسحابه من القضيه دون علم اللجنه القضائيه للمنتدى

[karmen]

معلش بقى يا جماعه أنا هستقيل
بصراحه ماليش نفس أكمل في القضيه دي
حاسه إن نفسي مسدوده
هههههههههههههههههههه
وطبعاً لما بيبقى القاضي نفسه مسدوده ممكن يظلم برئ أو يبرأ متهم
وإنت أدرى مني بكده يا حضرة الأفوكاتو دودو
ويا سيادة القاضي عمور
كمل إنت بقى يا عمور
سوري بجد

[admin]

طب خلاص ياجماعه القاضى عمرو يشوف عضو جديده


ولا ايه رائيكم نعمل كرسى الاعتراف للماحمى الناشئ احمد دودو


ونشوف هيعمل ايه


التصويت لحد يوم الجمعه والاسئله هتبدى من يوم الجمعه وكل الناس تسئل والقاضئ هو

عمرو كينج


ونشوف المحامى بقى هيعمل ايه

[ahmed.dodo]

انشاء االله يا اسامه ربنا معايا واطلع برائه من اول جلسه لعدم ثبوت الادله

[THE KING]

لسه مقررناش مين اللى هيدخل القفص ..
والقاضي ليه حق الإنسحاب من القضيه بس المتهم لأه طبعا ..
بس طبعاً علشان إحنا عملنالك جلسه زمان
فمش مشكله يعنى


وسيتم تحديد المتهم وموعد الجلسه يوم الجمعه إن شاء الله ...
** إنتظرونا **

[THE KING]

إختيار المتهم هيكون بالتصويت ..

إختارو عضو من الثلاثه :-
ahmed.dodo
لمحة حب
دبدوبايه

[youssf_star2008]

اختار ahmed .dodo
,واكون المحامى بتاعه

[ahmed.dodo]

انشاء الله المحاكمه الجى من نصيبى
ان معايا كده صوتين

الادمن ويوسف استار

وانشاء الله هخليها محاكمه خياليه ومن نااااااااااااار
وانا عاوز لو المحاكمه بقت ضدى عاوز الكل يتابع المحاكمه دى علشان مش هتتكرر تانى
ويريت تقولو للتلفزيون يصور والصحافه تكتب
انا اصلى هبقي واثق من البرائه ومن اول جلسه

ومع السلامو عليكو

[karmen]

ahmed.dodo (http://www.elmjeck.com/vb/member.php?u=20122)

[طائر الحب الحزين]

انا اختار اخويا احمد بس يريت تبقي اسئله عن الى جواه ومحدش يعرفه اصلى هو مخبي جواه كتير
احمد دودو

[lost love]

ايون كدا يامحمد هات اللى عندك

وعلى بركه الله الخيره فيما اختارها الله

احمد دودو

[THE KING]

إنتظروا الجلسه القادمه للمتهم
ahmed.dodo




موعد اول جلسه
يوم الإثنين
3/مايو 2010

وورينا فلاحتك يا عم المحامي
عاملي فيها افوكادو وبتقولي هتاخد براءه
نيهاهاهاهاها
لما نشوووووووووووووووووووووووووووووووووف
وع فكره انت بالزات ممنوع تعين محامي
علشان انت محامي وتقدر تدافع عن نفسك
خليك لوحدك كده محدش بيدافع عنك
هاهاهاهاهاها
أي خدمه يا معلم مقصرتش معاك انا فى اي حاجه صح

[ahmed.dodo]

وانا ممنوع من تعين محامى ليه يا سيدى القاضي هو انا مش بشر ومجنى عليه زى اى مجنى عليه ولا ايه
ولا في ماده في القانون تمنع المحامى من تعين محامى لقضيه تخصه
انامش هتكلم غير قدام امحامى الى انا هختاره
ولا في مانع ولو في مانع ممكن تقدم الدليل على هذا واثباته

[طائر الحب الحزين]

ايوه كده هو ده الى انا عوزه الله عليكم انا متابع معاكم وعاوز اشوف الفضايح يوم الاثنين

[THE KING]

بلاش الكلام الكبير ده يا عم احمد
انا مش فاهم حاجه من اللى انت بتقولو
انا دماغي قفلت ومفيش محامي ليك
وهتفضل لوحدك كده ..
واي حد هيدافع عنك هيقعد جنبك فى القفص
الكل عارف انى قاضي كلمتو مبتنزلش الأرض أبداً

ومعادنا يوم الاتنين يا متررررررررررررررر

[ahmed.dodo]

هههههههههههههههههه
ايه يا ادمن ده انت جايب قاضي مخلص ايه
ده مش فاهم في القانون خالص
انا عاوز محامى ليا حرام عليكم

[ahmed.dodo]

على العموم معدنا يوم الاثنين ولو في محامى عاوز يقف جمبي
او عاوز يرشح نفس انه يدافع عنى يقدم نفسه ليا وانا هخدمكو يوم محاكمتك
وحسنه قليله تمنع بلاوي كتيره

[@@ انثى البنفسج @@]

ههههههههههههههه
هاي اول مشاركه لي
في المحكمه
اتمنى لكم التوفيق جميعا
وفي انتظار يوم الاثنين
لمتابعة محامة احمد >>> يا حرام يا حمد
هههههههههههههههه
ياخي بلاش تذل نفسك
دافع عن نفسك وبلاها محامي من بره
هههههههههههه

[ahmed.dodo]

انا محتاج اشوف مين الى هيقف جمبي من الاخوه المحامين الى معايا في المنتدى
اهقول ليهم اقف جمبي اليوم اقف جمبك بكره
ومع السلامو عليكو

[THE KING]

وبلاش كلمة .. مع السلامو عليكوو .. علشان بتفلني منك
ههههههههههههههههههه
انت هنا فى محكمه يا عسل مش عالقهوه تقول مع السلامو عليكو
الزم الصمت لغاية موعد الجلسه
شكلك مش هتجيبها البر

[youssf_star2008]

أنا حقف جمبك يا أحمد

وأنا حبقى المحامى اللى حيدافع عنك

وصدقنى مش حغزلك

[admin]

فى انتظر البدايه

[youssf_star2008]

الجلسه المشوقه يوم الإثنين

[karmen]

أنا حقف جمبك يا أحمد

وأنا حبقى المحامى اللى حيدافع عنك

وصدقنى مش حغزلك

تغزلو؟؟ ليه إنت شايفه خيط وإبره
ههههههههههههههههههه
عالعموم أنا مستعده أقف جنبك يا أحمد
بس لو وقفت هقف من الناحيه الشمال عشان برتاح فيها
ههههههههههههههههههه
معلش والله يا دودو كان على عيني والله أدافع عنك بس أنا آداب للأسف مبفهمش في شغل الحقوق وسيدي القاضي وحضرات الساده المستشارين والحركات دي
لكن ممكن أساعدك و أديك من جنيه لجنيه وربع تقوم محامي

[golden man]

عسل والنبي عسل

[ahmed.dodo]

مرسي ليكى كارمن على محاوله مساعدتى
بس انتى كنتى قاضي مع اسامه
يعنى تفهمى في القانون اكتر منى طبعا
بجد شكرا بس يريت تسلفينى الجنيه

[ahmed.dodo]

صحيح يا سيدى القاضى انت ما تعرفشي انى ما ينفعشي محامى متهم يدافع عن نفسه ليه بقي

اولا لوهناك دليل للبرائه وهو عاوز يتوصل اليه ممكن تقولى ازاى وهو في السجن
ثانيا يعامل المحامى معامله المسجون العادى ولا يمارس اى شي وظائفه
فايريت تعرف انى من حق اى متهم انه يطالب بامحامى للدفاع عنه واجبار المحكمه بحضور محامى للمتهم
فا يرت ما تزعلشي منى اصلى انا خايف من المحاكمه وعاوز محامى
عاوز محامى
عاوزمحامى
عاوز محاميه
عاوز محاميه
اى حد بقي ايه انتو مش هتقفو جمبي ولا ايه على العموم عادى انا بري يا سيدى القاضي

[ايلول]

هو ايه الظلم ده

لازم نشوفله محامى علشان يدافع عنه

وياريت كده لو عملنا اكراميه

وطحنه مؤبد يبقى يا سلام عليه

على العموم يا احمد كلنا وراك


لالالالالا


بالروح بس


هو فيه حد بيضحى بحريته

مع نفسك يا معلم

[youssf_star2008]

ياعم ما أنا قولتلك انى أبقى المحامى بتاعك

[ahmed.dodo]

اصلى القاضي مش موافق يا يوسف انى يبقي ليا محامى بس مش اعارف ليه
انا كده هعمل اعتصام ادام دار القضاء العالى واطالب بتنفيذ القانون ورفع الظلم
يله نقول كلانا حرام وعلى فكره الاعتصام هيتم كمان ربعاييه كده يله الكل معايا يقول
عاوز محامى
عاوز محامى
عاوزمحاميه
عاوز محاميه
تنفيذ القانون
تنفيذ القانون
رفع الظلم
رفع الظلم
ونقول ونقول ديما ديما على طول ديما ديما على طوووووووووووول

[ايلول]

معاك يا معلم

رفع الظلم

هاتوا محامى

تنفيذ القانون

[slow.but.sure]

على فكرة من حق احمد ان يكون له محامى هو فعلا هيبقى اجراء روتينى بس معتقدش انه هيحتاج محامى لانه بيعرف يدافع عن نفسه كويس اووووووووووووووووووووووووووووووووووووووووووووووووو وووووى واحتمال يخليلكوا الغلط صح فحاسبوا على نفسكوا لما تيجوا تعملوا المحاكمة معاه وانا لو بدخل كتير كنت انا بقيت انا المحامى بتاعه مع انى مليش فى شغل المحاماة ده بس كنت هخليه يعلمنى من قبلها
وعموما انا فى انتظار المحاكمة دى بس براحة عليه شوية ومتزعلهوش علشان ميقفلكوش المنتدى ده

[ايلول]

على فكرة من حق احمد ان يكون له محامى هو فعلا هيبقى اجراء روتينى بس معتقدش انه هيحتاج محامى لانه بيعرف يدافع عن نفسه كويس اووووووووووووووووووووووووووووووووووووووووووووووووو وووووى واحتمال يخليلكوا الغلط صح فحاسبوا على نفسكوا لما تيجوا تعملوا المحاكمة معاه وانا لو بدخل كتير كنت انا بقيت انا المحامى بتاعه مع انى مليش فى شغل المحاماة ده بس كنت هخليه يعلمنى من قبلها
وعموما انا فى انتظار المحاكمة دى بس براحة عليه شوية ومتزعلهوش علشان ميقفلكوش المنتدى ده






هو انتى داخله علشان تدافعى عن احمد

يا حنيه قلبك

[admin]

على فكرة من حق احمد ان يكون له محامى هو فعلا هيبقى اجراء روتينى بس معتقدش انه هيحتاج محامى لانه بيعرف يدافع عن نفسه كويس اووووووووووووووووووووووووووووووووووووووووووووووووو وووووى واحتمال يخليلكوا الغلط صح فحاسبوا على نفسكوا لما تيجوا تعملوا المحاكمة معاه وانا لو بدخل كتير كنت انا بقيت انا المحامى بتاعه مع انى مليش فى شغل المحاماة ده بس كنت هخليه يعلمنى من قبلها
وعموما انا فى انتظار المحاكمة دى بس براحة عليه شوية ومتزعلهوش علشان ميقفلكوش المنتدى ده


مين يشهد للعروسه


كله بكره

وبفكر انا اول واحد يسئل احمد

اخوه محمد
وكذلك
slow.but.sure

[lost love]

هو دا الكلام الصح يااسامه

دول اللى هيجيبوا اخره

معلم ابقى اعمل اعتام بقي

ورينا شطارتك

[طائر الحب الحزين]

انشاء الله هيحصل وانا تحت امر المنتدى
بس دى برضو اخويا ومش عاوز افضحو هنا
فاانتو ايه رايكم اعمل ايه ازعل اخويا الكبير منى ولا اتنو هتقفو جمبي
ولا اقول ايه انا مش عارف انا كده بقيت في ورطه اعمل ايه بقي

[golden man]

مش ناوين تبداو المحاكمه ولا اييييييييييييييييه

[lost love]

بص يامحمد ياابنى انت تقف جنب الحق
وبعدين مش عشان اخوك تقف جنبه
اقف ضدده وطلع اللى عنده
وواعدك اوعدك مع اول قلم تاخده منه
هتلاقينى فص ملح وداااااااااااااااااااااااب

[golden man]

هى دى المرجله

[ahmed.dodo]

ايه هيا فين المحاكمه يا سيدى القاضي انا جيت من الصبح
ومافيش حاجه ولا انا بريء من اول جلسه وما فيش اتهام
على العموم انا مستنى لحد اخر الجلسه