ازاي تعلي دماغك؟

[أشلاء قلب]

السلام عليكم ورحمة الله وبركاته


ومش عيب اننا نحاول نصلح من نفسنا...
ولو فى مشكله ومش قادرين نحلها مكن نستعين بشخص قريب لينا يساعدنا فيها وده مش عيب

العيب اننا نكابر

ومنطلبش مساعده حد لمجرد اننا نخاف من ان يقول علينا ضعفاء...
مفيش حد قوى علطول ولا ضعيف علطول



مراحل الرقي بالشخصيهـ .::.

الشخصية وحدة متكاملة من مجموعة صفات يكمل بعضها بعضاً ...

وكلحاجة الانسان بيعملها مهما كانت بسيطة هي تعبير عن شخصية الانسان ككل

علشان كده كل شخصية قابلة للتغيير
وعلشان نوصل لده لازم نعمل :-







1-.::. أعرف نفسكـ .::.

حاول تعرف انت ايه نقط القوة والضعف اللي موجودة عندك
حط طموح وحلم ( بس تقدر تحققه ) مش من الخيال وطبعا متناسق مع دماغك وقدراتك
واعرف ايه هي الحاجات اللي بتزقك لقدام واتمسك بيها


2-.::. لا تخدعـ نفسكـ :.::.

اعترف بعيوبك وباخطائك واوعى تكابر فيها
خلي دايما عندك استعداد للنقاش حتى لو انت شايف ان اللي قدامك بيتهمك برضه النقاش اسهل واقصر الطرق لاقناعه انك بريء
واوعى تقول اصل دي مكنتش قصدي او دي حاجة صغيرة اوي ( ايه يعني)




3-.::. كن إجتماعياً .::.

مفيش انسان بيحل مشاكله لوحده
كل انسان عايز حوليه ناسيساعدوه على حل مشاكله وانه يوسع مداركه
ويعرف الراي الاخر قبل ما يقدم على اي خطوة جديدة





4-.::. تعلم حل مشكـــلاتك بالطرق الصحيحة.::.

دايما اول ما تظهرلك مشكلة ابدا الاول دور على حل مش تستنى لما تكبر وتوسع اوي
وكل ما طالت المدة كل ما الانسان بيخاف اكتر وبيقلق منها اكتر واكتر




5-.::. إتقنـ عملكـ .::.

بلاش نعمل نفسنا فتكين اوي ونعمل عشر حاجات في وقت واحد لا اعمل حاجة ولما تخلص ابدا في غيرها
وخلي دايما قدامك كلمة دايما كانت مامتي تقولهالي
( بص انت بتعمل الحاجة ازاي مش تبص انت بتعمل كام حاجة )
انت لما تتقن عمل بزمة وضمير اوي ده حيزود فيك ثقتك بنفسك
وحتحس انت قد ايه انجزت




6-.::. ركز إنتباهكـ في الحاضر .::.


بلاش تبص على اللي فات وبس
وبلاش تخاف من اللي جاي وبس
الصح اننا نتعلم من اللي فات ونحط في بالنا انه درس عملي للي جاي




7-.::. صحتكـ الجسميهـ .::.

بلاش كمان نعمل فيها سبع رجالة في بعض صاحيين طول الليل وشغالين عالكمبيوترات لحد ما حتولع مننا
والصبح نروح شغلنا معمصين وبنام على نفسنا
ونرجع ناكل ونخرج مع الشلة ( تيتي و ميمي وسوسو ونونة ) ولو ان مفيش فرق كبير بينهم
وهكذا
لان بكده عمرك ما حتتم اي حاجة بتعملها باخلاص

[Silver]

نصائح غالية وثمينة ،،،

واكتر حاجة شدتنى هى عنوان الموضوع

ازاى تعلى دماغك ؟؟

انا تخيلت موضوع تانى خالص

اصل تعلية الدماغ دى بتبقى فى " الحشيش " مثلا

يقولك ده عامل دماغ عالية اوى :d

وكان المفروض انك تزودى نقطة كمان

وهى التفائل ... وبلاش تشاؤم

مشكورة يا أشلاء قلب

ومنتظرين المزيد

والله المستعان

[EzAt99]

مشكورة ع الموضوع الرائع

[وعـد]

جميــل جداا

[أشلاء قلب]

اولا
شكرا ليكو جميعا

وشكرا يا silver
بس صدقني فعلا مكنش عني اي معلومات عن الموضوع ده
بس واضح انكو الشباب ( الذكور ) يعني ليكو مصطلحات عجيبة وقاموس غريب

( يمكن ادرس القاموس ده قريب كمان )

[لمحه حب]

تسلمي ياقمر علي التوبيك

[THE STAR]

تسلمغاليتي على موضوعك الرائع
وطرحك المميز ... لنزف قلمك برق .. خاااص

[دبدوباية]

[أشلاء قلب]

شكرا لمحة على الرد
وشكرا the star ردك رائع بجد

[ahmed.dodo]

موضوع جامد
جداااااا